ချောင်းဆုံမြို့နယ်တွင် တန်ဖိုးမြင့် ကသမျှင်ငါးအမတစ်ကောင် ဖမ်းဆီးရမိ

မွန်ပြည်နယ်၊ ငါးလုပ်ငန်းဦးစီးဌာနအနေဖြင့် ငါး/ပုစွန် ထုတ်လုပ်မှုနှုန်း မြင့်မားစေရေးအတွက် ဒေသအတွင်း အတန်းလိုက် တင်ဒါပိုက်ချက်များ ချထားပေးလျက်ရှိရာ ၂၀၁၈-၂၀၁၉ ခုနှစ်၊ လုပ်ငန်းရာသီတွင် ချောင်းဆုံမြို့နယ်အတွင်း ငါးဖမ်းဆီးသူ လုပ်ငန်းရှင်များသို့ တင်ဒါပိုက်ချက် (၂၅) ချက်အား လုပ်ကိုင်ခွင့်ပြုခဲ့သည်။

အဆိုပါ တင်ဒါပိုက်ချက်များမှ ၂၀၁၈-၂၀၁၉ ခုနှစ်၊ လုပ်ငန်းရာသီတွင် မော်လမြိုင်ခရိုင်၊ ချောင်းဆုံမြို့နယ်ရှိ ဝဲကလိအတန်းလိုက် တင်ဒါပိုက်ချက်အမှတ် (၁) အား တင်ဒါဆွဲ ဝယ်ယူရရှိသူ ဦးမြင့်လွင်မှ (၁၁-၁၁-၂၀၁၈) ရက်နေ့၊ နေ့လည် (၁၄:၀၀) နာရီအချိန်၌ ၎င်း၏ ပိုက်ချက် (၁၂) လုံးတန်း အနက်၊ ပိုက်ချက် (၈) လုံးမြောက်တွင် တန်ဖိုးမြင့် ကသမျှင်ငါးတစ်ကောင်ကို ဖမ်းဆီးရမိ ခဲ့သည်။

အဆိုပါ ဖမ်းဆီးရမိသော ကသမျှင်ငါးမှာ အမဖြစ်ပြီး အလျား (၆) ပေ၊ အနံ (၁.၁) ပေနှင့် အလေးချိန် (၃၅.၅) ပိဿာရှိကာ ဈေးကွက်အတွင်း ရောင်းချခဲ့ရာ ဒေသပေါက်ဈေး ကျပ် (၅၆၅) သိန်း ရရှိခဲ့သည်။

ကသမျှင်ငါးဖမ်းဆီးရမိမှုအနေဖြင့် (၁၉-၂-၂၀၁၆) ရက်နေ့၌ ကျိုက်ခမီရေလယ်ဘုရား အနောက်၊ အမှတ် (၂) ဘော်ယာအနီး၊ ကမ်းခြေမှ (၃) မိုင်ခန့်အကွာတွင် အလေးချိန် (၂၁.၀၀) ပိဿာရှိ ကသမျှင်ငါးတစ်ကောင်၊ (၁-၆-၂၀၁၆) ရက်နေ့၌ ကျိုက်ခမီမြို့ ကမ်းခြေမှ (၃) မိုင်ခန့်အကွာ အမှတ် (၂) ဘောယာနှင့် အမှတ် (၃) ဘောယာအကြားတွင် အလေးချိန် (၃၆.၀၀) ပိဿာရှိ ကသမျှင် ငါးတစ်ကောင်နှင့် (၂၈-၁-၂၀၁၈) ရက်နေ့၌ ကျိုက်ခမီမြို့ ကမ်းခြေမှ (၁၀) မိုင်ခန့်အကွာ ကျောက်ဆောင်အနီးတွင် အလေးချိန် (၁၆.၅၀) ပိဿာရှိ ကသမျှင်ငါးတစ်ကောင်တို့အား ဖမ်းဆီးရမိခဲ့ဖူးကြောင်း သတင်းရရှိသည်။

MOALI ၊ နေပြည်တော်၊ နိုဝင်ဘာ ၂၀ ရက်

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ