“ကပ်ပါးကြောင့်ဖြစ်သော ဝက်အရေပြားရောဂါ ကာကွယ်ကုသနည်း ”

ကပ်ပါးကြောင့်ဖြစ်သော ဝက်အရေပြားရောဂါမှာ ဝက်များတွင် အဖြစ်များသဖြင့် ဝက်မွေးမြူသူများ သိရှိစေရန်အလို့ငှာ ကာကွယ်ကုသနည်းကို မျှဝေပေးလိုက်ပါသည်။

ရောဂါဖြစ်ပွားသည့် အကြောင်းအရင်းမှာ-

ဝက်အရေပြားတွင် သန်း၊ မွှားနှင့် ဝဲပိုးစသော ကပ်ပါးကောင်များတွယ်ကပ်ခြင်းကြောင့် ဖြစ်ပါသည်။

ရောဂါလက္ခဏာများ အနေဖြင့်-

- ဝက်အရေပြားတွင် ကပ်ပါးကောင်များဖြစ်သော သန်း၊မွှား နှင့် ဝဲပိုးတို့ကိုက်ခြင်းကြောင့် အနာများဖြစ်လာပြီး ယားယံ၍ ကုတ်ခြစ်ခြင်း၊

- ထိုကုတ်ခြစ်ထားသော အနာများမှတဆင့် ရောဂါပိုးများဝင်ရောက်လာခြင်းများ ဖြစ်ပေါ်လာခြင်း၊

- ဝက်၏ ဦးခေါင်း၊ နားရွက်၊ လက်၊ အမြီးများတွင် ဝဲစွဲတတ်ပြီး ကုသမှုမလုပ်ပါက တစ်ကိုယ်လုံးဝဲစွဲနိုင်ခြင်း စသည်တို့ ဖြစ်နိုင်ပါသည်။

ကုသခြင်းနှင့် ကာကွယ်ခြင်း

- ဝက်ခန္ဓာကိုယ်ကို ပိုးသတ်ဆေးဖြန်းပေးခြင်း၊ လိမ်းပေးခြင်းများ ပြုလုပ်ပေးရပါမည်။

- တစ်ပြိုင်နက်တည်းတွင် နံရံများ၊ အခင်းများကိုလည်း ပိုးသတ်ဆေးဖြန်းပေးခြင်းများ ဆောင်ရွက်ရပါမည်။

ဝက်ခြံကို ခြောက်သွေ့အောင်လုပ်ပေးခြင်းဖြင့်လည်း ရောဂါကို ကာကွယ်နိုင်ပါသည်။

ဝဲရောဂါစွဲကပ်နေသောဝက်များကို ဆေးကုသမှုပြီးပါက လက်ကိုဆပ်ပြာဖြင့်ဆေး ကြောခြင်း၊ အဝတ်များကို လျှော်ဖွတ်ခြင်းများ ပြုလုပ်ရပါမည်။

- ရောဂါဖြစ်ပွားမှုကိုမထိန်းချုပ်နိုင်ပါက နီးစပ်ရာ တိရစ္ဆာန်ဆေးကုဆရာဝန်ထံမှ အကြံပြုချက် ရယူဆောင်ရွက်ရပါမည်။

ဝက်များ ရောဂါဘယကြောင့် ဆုံးရှုံးမှုများ ကင်းဝေးပြီး ဝက်မွေးမြူသူများလည်း တွက်ချေကိုက်ကြပါစေ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။