မျှစ်ရေစိမ်နှင့် ဆန်လှော်တာလပေါဟင်း

ပါဝင်ပစ္စည်းများ

• မျှစ်စိမ်းနုကြီးကြီး ၁ ခု
• ဆန်လှော် လက်တစ်ဆုပ်ခန့်
• ကြက်သွန်နီ ၁ လုံးနှင့် ကြက်သွန်ဖြူ ၃ တက်
• ခရမ်းချဉ်သီး ၂ လုံးနှင့် ငါးပိ ဇွန်းတစ်ဝက်ခန့်

ပြုလုပ်နည်းများ

မျှစ်စိမ်းနုနုကို မိမိနှစ်သက်သလို ပါးပါးလှီးပြီး ရေဆေးသန့်စင်ကာ တစ်ညအိပ် ကြိုတင်ရေစိမ်ထားရပါမယ်။ ရေစိမ်ထားချိန်မှာ အနည်းဆုံး (၃)​ကြိမ်ခန့် ရေလဲပေးပါ။

ဆန်ကို ရေဆေး၊ စစ်ပြီး မီးအေးအေးမှာ မွှေးနေအောင်လှော်ပြီး လုံးခြမ်းခွဲထောင်းပါ။ အိုးတစ်လုံးမှာ ပါးပါးလှီးထားသော ကြက်သွန်နီ၊ ခရမ်းချဉ်သီးနှင့် ထောင်းထားတဲ့ ကြက်သွန်ဖြူ၊ ငါးပိတို့ကို ရောထည့်ပြီး ရေအနည်းငယ်နှင့် ဆူပွက်အောင် အပူပေးပါ။ (မီးရှိန်ပြင်းလျှင် ငါးပိကြောင့် ဟင်းရည်နောက်သွားတတ်ပါသည်)

ဟင်းရည်တစ်ပွက်ဆူလာလျှင် လုံးခြမ်းခွဲထောင်းထားသော ဆန်လှော်ကို ထည့်ပြီးချက်ပါ။ ဆန်လှော် တစ်ဝက်ကျင်အနေအထားလောက်မှာ ရေစစ်ထားတဲ့ မျှစ်အစိမ်းဖတ်တွေထည့်ကာ အဖုံးအုပ်ထားပါ။

မျှစ်ဖတ်လေးတွေနူးသွားပြီဆိုလျှင် ဓားပြားရိုက်ထားတဲ့ ငရုတ်သီးစိမ်းနဲ့ ပင်စိမ်းရွက်တွေခပ်ပြီး စားလို့ပါပြီ။

Source - My Food Myanmar