ကျားပါးစပ်ပန်း စိုက်ပျိုးခြင်း

အင်္ဂလိပ် အမည် - Snapdragons

ရုက္ခဗေဒ အမည် - Antirrhinum majus

ကျားပါးစပ်ပန်းဟာ အေးတဲ့ ရာသီဥတုကို ကြိုက်နှစ်သက်တဲ့ အပင်ဖြစ်ပါတယ်။ ဒါကြောင့် တောင်ပေါ်ဒေသတွေမှာ တစ်နှစ်ပတ်လုံး စိုက်ပျိုးနိုင်ပါတယ်။ မြေပြန့်လိုနေရာမျိုးတွေမှာ ဆိုရင်တော့ ဆောင်းရာသီမှာ စိုက်ပျိုးသင့်ပါတယ်။ သူရဲ့ မူရင်း ဒေသတွေကတော့ ဥရောပရဲ့ ကျောက်တောင်ပေါများတဲ့ နေရာတွေ၊ အမေရိကန်နဲ့ အာဖရိက မြောက်ပိုင်း ဒေသတွေပဲ ဖြစ်ပါတယ်။ ကျားပါးစပ်ပန်းရဲ့ အရောင်ဟာဆိုရင် ကြက်သွေးနဲ့ အပြာရောင်ကလွဲရင် အရောင်စုံရှိပါတယ်။ ၎င်းတို့ရဲ့ ပန်းပွင့်ကာလဟာ ကြာရှည်ပြီး ဇွန်လမှ စတင်ကာ အောက်တိုဘာလအထိ ပန်းပွင့်လေ့ရှိကြပါတယ်။ အပင်ဟာ ၃ ပေကနေ ၅ ပေအထိ မြင့်နိုင်ပါတယ်။

ကျားပါးစပ်ပန်း စိုက်ပျိုးမယ်ဆိုရင် မြေဟာ ရေစိမ့်ဝင်မှု ကောင်းပြီး မြေဆီသြဇာထက်သန်တဲ့ မြေမျိုးကို ရွေးချယ်သင့်ပါတယ်။ ပျိုးထောင်ပြီး စိုက်ပျိုးနိုင်ပါတယ်။ ပျိုးထောင်ရန်အတွက် သဲ ၁ ဆ၊ မြေဆွေး ၁ ဆ၊ နုန်းမြေ ၁ ဆ ရောစပ်ရပါမယ်။ ထိုကဲ့သို့ ရောစပ်ရမှာ ကျောက်တုံး၊ ကျောက်ခဲနှင့် အမှိုက်သရိုက်များ မပါအောင် ဂရုစိုက်ပေးရပါမယ်။ မျိုးစေ့များဟာ သေးငယ်တဲ့ အတွက် သဲနုနဲ့ ရောမွှေပြီးမှ ပျိုးဘောင်ပေါ် ချပေးရပါမယ်။ မျိုးစေ့ချပြီးပါက ကောက်ရိုးနဲ့ ဖုံးထားပြီး ရေအနည်းငယ် ဖျန်းပေးရပါမယ်။ ပျိုးခင်းအား နေရောင်တိုက်ရိုက် မကျစေဖို့အတွက် အရိပ်ပြုလုပ်ထားပေးသင့်ပါတယ်။ ပျိုးပင်ငယ်လေးများအရွက် ၄ ရွက်ခန့်ထွက်သောအခါ ပြောင်းရွှေ့ စိုက်ပျိုးနိုင်ပြီ ဖြစ်ပါတယ်။ စိုက်ပျိုးရာမှာ စိုက်ကွက်ဖော်ပြီးလျှင် တစ်ပင်နှင့် တစ်ပင် ၉ လက်မခြားကာ စိုက်ပျိုးနိုင်ပြီ ဖြစ်ပါတယ်။ စိုက်ကွက် တစ်ခုနဲ့ တစ်ခုကြား ၁ ပေခြားပေးထားရပါမယ်။

ဆောင်းရာသီ အစောပိုင်းတွင် စိုက်ပျိုးပါက မေလ အစောပိုင်းလောက်တွင် ပန်းပွင့်မှာ ဖြစ်ပါတယ်။ ပန်းပွင့်သောအခါ မရင့်မီ ခူးဖြတ်ပေးခြင်းဖြင့် ပန်းပွင့်သော နှုန်းကို တိုးလာစေမှာ ဖြစ်ပါတယ်။ ပန်းပွင့်သည့် ကာလ ကြာရှည်စေရန်အတွက် ပိုတက် မြေသြဇာနှင့် မြေဆွေးတို့ကို တစ်ပတ်လျှင် တစ်ကြိမ်ကျွေးသင့်ပါတယ်။

ကျားပါးစပ်ပန်းဟာ ယေဘူယျအားဖြင့် ပိုးမွှားရောဂါ ကျရောက်မှု နည်းတဲ့ အပင်ဖြစ်ပါတယ်။ ခရု၊ ပက်ကျိ၊ ပျ စတဲ့ ပိုးအချို့ ကျရောက်ပြီး အပင် ရိနာခြင်း၊ မှဲ့ပြောက်စွန်းနဲ့ ရွက်မည်းကွက်တို့ကဲ့သို့ မှိုရောဂါ တစ်ချို့ တစ်ခါတစ်ရံ ကျရောက်တတ် ပါတယ်။

ဇင်ထူးနိုင်

ကိုးကားချက်

- ခေတ်မီ ဘက်စုံ စိုက်ပျိုးနည်းပညာ - မျိုးသန့် (B.Ag)

- https://en.wikipedia.org/wiki/Antirrhinum

- https://www.gardenersworld.com/how-to/grow-plants/how-to-grow-snapdragons-antirrhinum/

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Facebook page သို့သွားရန်

ဆွေးနွေးချက်များ

ဆွေးနွေးရန်

စိုက်ပျိုးရေး

မွေးမြူရေး

ရေလုပ်ငန်း

အထွေထွေဗဟုသုတ

ကျားပါးစပ်ပန်း စိုက်ပျိုးခြင်း

Greenovator ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကျားပါးစပ်ပန်း စိုက်ပျိုးခြင်း

Greenovator ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စပါးစိုက်ပျိုးနည်း (တောင်သူလက်စွဲ- ဦးဘဟိန်း) (၃) - ပျိုးထောင်ခြင်း

စံပယ်ပန်းစိုက်ပျိုးနည်း

Cattleya orchid စိုက်ပျိုး ပြုစုနည်း

{{ post.title }}