ဂွေးသီးစိုက်ပျိုးနည်း

အင်္ဂလိပ်အမည် Ambarella

ရုက္ခဗေဒအမည် Spondias dulcis

ဂွေးသီးပင်သည် နှစ်ရှည်ပင်အမျိုးအစားဖြစ်ပြီး အသီးကိုစားသုံးနိုင်သောအပင်ဖြစ်ပါသည်။ အပင်အမြင့် ၃၀ မှ ၄၀ ပေ အထိရှိပါသည်။ အရွက်မှာ ရှည်လျားသောပုံသဏ္ဌာန်ရှိပြီး ၂ လက်မ မှ ၄ လက်မခန့် အရွယ်အစားရှိပါသည်။ ပင်တည်းဝတ်မှုန်ကူးသော အပင်အမျိုးအစားဖြစ်ပြီး ပန်းပွင့်အဖြူရောင်ပွင့်လေ့ရှိပါသည်။

အသီးတွင် အမျှင်ဓါတ်ကြွယ်ဝစွာပါဝင်ပါသည်။ အသီးအစိမ်းနှင့် အမှည့်နှစ်မျိူးလုံးကို စားသုံးနိုင်ပြီး ယို၊ ဖျော်ရည်များပြုလုပ်၍လည်း စားသုံးနိုင်ပါသည်။ မြန်မာနိုင်ငံတွင် အသုပ် (သို့) အထောင်းများပြုလုပ်၍ စားသုံးလေ့ရှိပြီး လုံခြုံသီးဟူ၍လည်း ခေါ်ဆိုကြပါသည်။ အချို့သောနိုင်ငံများတွင် ဆေးဖက်ဝင်အပင်အဖြစ် အသုံးပြုကြပြီး ပင်စည်ကို ကနူးလှေပြုလုပ်ရာတွင် အသုံးပြုကြပါသည်။

စိုက်ပျိုးခြင်း

ရေဆင်းကောင်းသည့် မြေအမျိုးအစားများတွင် စိုက်ပျိုးနိုင်ပြီး အပူပိုင်းနှင့် အပူလျော့ပိုင်းဒေသတွင် ကောင်းစွာကြီးထွားနိုင်ပါသည်။ ပင်ခြားတန်းခြားအကွာအဝေး ၁၀ ပေ မှ ပေ ၂၀ အတွင်းထား၍ စိုက်ပျိုးသင့်ပါသည်။ အစေ့မှ တိုက်ရိုက်စိုက်ပျိုးပါက အနက် ၂ လက်မခန့်ထား၍ စိုက်ပျိုးသင့်ပါသည်။ အစေ့မှ တိုက်ရိုက်စိုက်ပျိုးပါက ၄ ပတ်အကြာတွင် မျိုးညှောင့်ပေါက်နိုင်ပြီး ကိုင်းကူးကိုင်းဆက်ပြုလုပ်၍လည်း စိုက်ပျိုးနိုင်ပါသည်။

မြေသြဇာကျွေးခြင်း

မြေသြဇာလိုအပ်မှုနည်းသော အပင်ဖြစ်သော်လည်း စီးပွားဖြစ်စိုက်ပျိုးပါက မြေသြဇာထည့်သွင်းရန် လိုအပ်ပါသည်။ အပင်ငယ်စဥ်တွင် ကွန်ပေါင်းမြေသြဇာ ၁၀၀ ဂရမ်ကို ၂-၃ လ ခြားတစ်ကြိမ် ထည့်သွင်းရန် လိုအပ်ပါသည်။ အပင်ကြီးထွားလာသည်နှင့်အမျှ မြေသြဇာပမာဏကို တိုးထည့်ပေးရန် လိုအပ်ပါသည်။ အပင်သက်တမ်းရင့်လာပါက တစ်နှစ်လျှင် မြေသြဇာပမာဏ ၁ ကီလိုဂရမ် ၂ ကြိမ် မှ ၄ ကြိမ်ကျွေးနိုင်ပါသည်။ သို့သော် မြေသြဇာပမာဏ ၁ ကီလိုဂရမ်ထက် မပိုစေရန် သတိပြုရပါမည်။

အပင်ပြုစုခြင်းနှင့် သိုလှောင်ခြင်း

နေရောင်ရသောနေရတွင် ကောင်းစွာကြီးထွားနိုင်ပြီး ရေအသင့်အတင့်လိုအပ်သော အပင်အမျိုးအစားဖြစ်ပါသည်။ ကိုင်းချိုင်ခြင်းကို တစ်နှစ်လျှင်တစ်ကြိမ် အပင်အနေအထားပေါ်မူတည်၍ ပြုလုပ်ပေးသင့်ပါသည်။ အပင်အမြင့် ၁၂ ပေ မှ ၁၅ ပေ အတွင်း ထားရှိပါက အသင့်တော်ဆုံးဖြစ်သည်။ ပျ၊ ကျိုင်းနှင့် သီးထိုးယင်များ ကျရောက်နိုင်ပြီး ကာကွယ်ရန်လိုအပ်ပါသည်။ အပင်သက်တမ်း ၅ နှစ်မှစ၍ စီးပွားဖြစ်အထွက်နှုန်းကို ရရှိနိုင်ပါသည်။ အသီးများကို အခန်းအပူချိန်တွင် သိုလှောင်နိုင်ပြီး မရင့်မှည့်သေးသော အသီးများကို ရေခဲသေတ္တာထဲထည့်ခြင်းမှ ရှောင်ကြဥ်သင့်ပါသည်။

ဖြိုးသဥ္ဇာကျော်

ကိုးကားချက်

http://www.rarefruitclub.org.au/Ambarella.htm

https://hort.purdue.edu/newcrop/morton/ambarella_ars.html

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ