မြေထောက်ပဲ စိုက်ပျိုးနည်း

စိုက်ချိန်

- အောက်တိုဘာလ အတွင်း

- မြန်မာနိုင်ငံတွင် အောင်သီးနှံအဖြစ် စိုက်ပျိုးကြသည်။

မျိုး

- ဒေသမျိုး (မူရင်းနိုင်ငံ ပီရူးနိုင်ငံ)

- မြေထောက်ပဲကို kidney bean ဟု ခေါ်သည်။ မြေထောက်ပဲနီဟုလည်း ခေါ်ကြသည်။

- မစိုက်မီ မိမိမျိုးကို စမ်းသပ်စိုက်ပျိုးပြီးမှ စိုက်ခင်းတွင် စိုက်သင့်သည်။

- အပင်ပေါက်ချိန် (၇၅ %)ပေါက်သင့်သည်။ တစ်ဧကကို ၁ တင်းခွဲမှ ၂ တင်း စိုက်ကြသည်။ တိုင်ထောင်မျိုးနှင့် ပင်ထောင်မျိုးဟူ၍ (၂) မျိုး ရှိသည်။

မြေပြင်ပုံ

- ထယ် ၂ စပ်၊ စက်ထွန် ၂ စပ်၊ ဂျက် ၂ စပ်၊ အနည်းဆုံး ထွန်ယက် စိုက်ပျိုးသင့်သည်။

- အစိုဓာတ် ၅၀% အထိ ရအောင် ထွန်ယက်ပါ။ (မြေနုကျွန်းပေါ်များ) မြေချဉ်ငံဓာတ် ၅.၅ - ၇ အတွင်း ဖြစ်ထွန်းသည်။ မြေအပူချိန် (၇၀ – ၈၀) ဒီဂရီဖာရင်ဟိုက်) (၂၁ – ၂၇ ဒီဂရီစင်တီဂရိတ်) အတွင်း ဖြစ်သည်။

- လေထုအပူချိန် (၆၅ – ၈၀ ဒီဂရီဖာရင်ဟိုက်) (၁၈ – ၂၇ ဂီဂရီစင်တီဂရိတ်) အတွင်းဖြစ်သည်။

စိုက်စနစ်

- တန်းကြား ၁၂ လက်မ x ပင်ကြား ၂ လက်မ (သို့မဟုတ်) တန်းကြား ၁၅ လက်မ x ပင်ကြား ၂ လက်မ ကြား သင့်တော်သလို အမျိုးမျိုးစိုက်ပျိုးကြသည်။

- ဒေသ၊ မြေအမျိုးအစားပေါ်လိုက်၍ တန်းကြား ၁ ပေ x ပင်ကြား ၁ ပေ အကွာ ၂ စေ့ မှ ၃ စေ့ စိုက်ပျိုးကြသည်။

အပင်ပြုစုခြင်း

- အပင်ပေါက်ပြီး ၁၅ ရက်လောက်တွင် ပေါင်းထယ်ရေးလိုက်ခြင်း (ပေါင်းပေါက်ခြင်း)၊ ပေါင်းသတ်ဆေးမဖျန်းခြင်းများ ပြုလုပ်ကြသည်။

- ၁၅ ရက်နောက်ပိုင်း ပေါင်းကင်းစင်ရေး အပင်အားဆေး၊ မှိုသတ်ဆေး၊ ပိုးသတ်ဆေး၊ ဟိုမုန်းဆေးများကို လိုအပ်သလို ဆေးများ ဖျန်းပေးရသည်။

ပိုး

- မြေထောက်ပဲတွင် လှေး၊ ပျပိုး၊ ပဲထောင့်ထိုးပိုး၊ သီးလုံးဖောက်ပိုး၊ ငမြှောင်တောင်ပိုးများကျရောက်တတ်သည်။

ရောဂါများ

- မြေထောက်ပဲတွင် ခါးရိ၊ မှဲ့ပြောက်စွန်း၊ ရွက်ပြောက်၊ သံချေး၊ ပင်ခြေပုပ်၊ မှိုဖြူ စသည် ရောဂါများ ကျရောက်တတ်သည်။

ပါဝင်သည့်ဓာတ်

- ဖောလစ်အက်စစ်၊ ဗီတာမင်ဘီစစ်နှင့် မန်ဂနီစီယမ်ဓာတ်၊ ဇင့်၊ ပရိုတင်းများစွာ ပါတင်သည်။

အသုံးပြုပုံ

- သီးတောင့်နုများကောက်၍ ဟင်းသီးဟင်းရွက်အဖြစ် ကြော်ချက်စားသောက်ကြသည်။

- သီးတောင့်နုများကို စျေးကွက်တွင် ဘိုစားပဲကဲ့သို့ စားသုံးနိုင်သည်။

- သီးတောင့်များ ရင့်မှည်လျှင် ကောက်ပြီး ပြုတ်၍ ချက်၍ ကြော်၍ အမျိုးမျိုးချက်ပြုတ်စားကြသည်။

ပြည်ပနိုင်ငံတင်ပို့မှု

- တရုတ်၊ အိန္ဒိယ၊ ဂျပန်၊ စင်္ကာပူ နိုင်ငံများနှင့် အခြားနိုင်ငံများသို့လည်းတင်ပို့ကြသည်။ နှစ်စဉ်တန်ချိန် ၂၅၀၀ ကျော်တင်ပို့ရသည်။

စိုက်ပျိုးသည့် ဒေသ

- နှစ်စဉ်စိုက်ဧက နှစ်သောင်းခန့် စိုက်ပျိုးပါသည်။ စျေးကောင်းလျှင်တိုး၍ စိုက်ပျိုးကြသည်။

- ကချင်၊ ရခိုင်ပြည်နယ်၊ ရှမ်းပြည်နယ်တောင်ပိုင်း၊ ရှမ်းပြည်နယ်မြောက်ပိုင်း၊ စစ်ကိုင်းတိုင်းဒေသကြီးနှင့် မန္တလေးတိုင်းဒေသကြီးတို့တွင် စိုက်ပျိုးကြသည်။

ခုတ်သိမ်းခြင်း

- မျိုးနှင့် စိုက်ပျိုးသည့် နေရာဒေသအပေါ်မူတည်၍ (၁၀၀ -၁၄၀) ရက်အတွင်း ခုတ်သိမ်းရသည်။

- အတောင့်များ ခြောက်သွေ့ပြီး အစိမ်းရင့်ရောင်အတောင့်များ မကျန်မှ စိုက်သိမ်းရမည်။

အကိုးအကား - စိုက်ပျိုးရေးဦးစီးဌာန၊ ဇော်ဝင်းထွန်း၊ The Farmer media၊ awba၊ အင်တာနက်

အစိမ်းရောင်လမ်း၏ အမေးအဖြေကဏ္ဍမှ ဝင်ရောက်ဆွေးနွေးပေးသော တောင်သူဦးကျော်ကျော်ဝင်း၏ စာစောင်ကို ဂုဏ်ယူစွာဖြင့် ပြန်လည် ဖော်ပြပါသည်။ တောင်သူ ဦးကျော်ကျော်ဝင်းသည် မန္တလေးတိုင်းဒေသကြီး သပိတ်ကျင်းမြို့နယ်မှ တောင်သူတစ်ဦးဖြစ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ