ကညွတ်ရဲ့ကျန်းမာရေးအကျိုးကျေးဇူးများ

ကညွတ်ဟာ အာဟာရဓါတ်တွေပြည့်ဝစွာပါဝင်နေလို့ မိမိတို့နေ့စဉ်စားသောက်တဲ့အစားအစာများထဲမှာထည့်သွင်းစားသုံးပေးသင့်တဲ့ ဟင်းသီးဟင်းရွက်တစ်မျိုးဖြစ်ပါတယ်။ ဒါ့အပြင်အဆီပါဝင်မှုက မရှိသလောက်နည်းပြီး ကယ်လိုရီပါဝင်မှုလည်း အရမ်းနည်းပါတယ်။ ကျန်းမာရေးအကျိုးကျေးဇူးများပါဝင်နေတဲ့အတွက်ကြောင့် စားသုံးပေးသင့်တဲ့ ဟင်းသီးဟင်းရွက်တွေထဲမှာပါဝင်ပါတယ်။ ကညွတ်ရဲ့ကျန်းမာရေးအပေါ်ဘယ်လိုအကျိုးပြုသလဲဆိုတာကို ဖော်ပြပေးလိုက်ပါတယ်။

၁။ အရိုးသန်မာစေခြင်း

ဗီတာမင်ကေရဲ့အဓိကလုပ်ဆောင်ချက်က အရိုးသိပ်သည်းမှုပိုကောင်းစေတာပဲဖြစ်ပါတယ်။ ကညွတ်တစ်ပန်းကန်စာမှ တစ်နေ့တာအတွက်လိုအပ်တဲ့ ဗီတာမင်ကေပမာဏရဲ့၇၀ရာခိုင်နှုန်းပါဝင်ပါတယ်။ ကယ်လ်စီယမ်စုပ်ယူမှုကိုပိုအားကောင်းစေပြီး အရိုးပွရောဂါနဲ့အရိုးကျိုးအက်မှုတွေကို ကာကွယ်ပေးနိုင်ပါတယ်။

၂။ ရောင်ရမ်းမှုကိုလျော့ကျစေခြင်း

ကညွတ်ကအမျိုးအစား၂ဆီးချိုရောဂါ၊ ကင်ဆာရောဂါနဲ့ နှလုံးရောဂါတို့ကို ကာကွယ်နိုင်၊ကုသနိုင်ပြီး ၎င်းမှာပါဝင်တဲ့ဓါတ်တိုးဆန့်ကျင်ပစ္စည်း glutathione ကအိုမင်းရင့်ရော်မှုကိုနှေးကွေးစေပါတယ်။ ခရမ်းလွန်ရောင်ခြည် သို့မဟုတ် ပြင်ပလေထုညစ်ညမ်းပစ္စည်းတွေကြောင့် အရေပြားရောင်ရမ်းမှုတွေကိုလည်းကာကွယ်ပေးပါတယ်။ အစိမ်းရောင်နဲ့အရောင်ရင့်နှစ်မျိုးရှိတဲ့အထဲမှ ာအရောင်ရင့်ရင့်ကညွတ်မှာအန်သိုဆိုင်ယာနင်ဓါတ်တွေ အပြည့်အဝပါဝင်တာကြောင့် အရေပြားထဲကအဆိပ်အတောက်ဓါတ်တွေကိုလျော့ပါးစေပြီး နေလောင်ဒဏ်ကိုကာကွယ်ပေးပါတယ်။

၃။ ဆီးရွှင်စေခြင်း

သဘာဝဆီးရွှင်ဆေးဖြစ်တဲ့ကညွတ်က ခန္ဓာကိုယ်ထဲကရေတွေကိုထုတ်ပယ်ပေးပြီး မလိုလားအပ်တဲ့အငန်ဓါတ်နဲ့ အရည်ဓါတ်ပါဝင်မှုကိုလျော့နည်းစေပါတယ်။ သွေးတိုးရောဂါ ဒါမှမဟုတ် ခန္ဓာကိုယ်တစ်ရှူးတွေထဲမှာ ရေတွေစုနေတတ်တဲ့ edema ရောဂါခံစားနေရတဲ့သူတွေအတွက် အကျိုးပြုပေးနိုင်တဲ့ဓါတ်စာဖြစ်ပါတယ်။ ဒါ့အပြင်ဆီးလမ်းကြောင်းပိုးဝင်ခြင်းကို သက်သာပျောက်ကင်းစေနိုင်တဲ့ အာနိသင်လည်းရှိတယ်လို့သိရပါတယ်။

၄။ ရာသီသွေးမှန်စေခြင်း

အမျိုးသမီးတွေရာသီလာချိန်ဖြစ်တဲ့ဝေဒနာတွေ၊ ကိုက်ခဲတာတွေ၊ သွေးဆင်းများတာတွေကိုသက်သာစေပါတယ်။

၅။ အဆစ်အမြစ်နာ

အဆစ်အမြစ်နာရောဂါ၊ အထူးသဖြင့်လေးဖက်နာရောဂါကို ကညွတ်က ကာကွယ်ပေးပါတယ်။ niacin ကအရိုးအဆစ်ရောင်ရမ်းမှုကိုလျော့ကျစေပြီး ကော့ပါးက တွယ်ဆက်တစ်ရှူးတွေကိုပြန်လည်ကောင်းမွန်စေတာကြောင့် နာကျင်မှုတွေ၊ တောင့်တင်းမှုတွေကို သက်သာစေပါတယ်။

၆။ သွေးတိုးကျစေခြင်း

သွေးဖိအားနဲ့ပတ်သက်ပြီး အာနိသင်တွေရှိတဲ့ မဂ္ဂနီဆီယမ်ပါဝင်တာကြောင့် သွေးတိုးကိုထိန်းနိုင်ပြီ းကယ်လ်ဆီယမ်နဲ့ Rutin ကြောင့်လည်း ပိုအကျိုးရှိစေတာဖြစ်ပါတယ်။

၇။ သွေးတွင်းသကြားဓါတ်ထိန်းညှိခြင်း

အမျိုးအစား၂ဆီးချိုရောဂါကိုကာကွယ်ပေးနိုင်ပြီး ကယ်လ်စီယမ်ကြောင့် အင်ဆူလင်စွန့်ထုတ်မှုကိုထိန်းညှိတဲ့ ပန်ကရိဟဆဲလ်တွေအပေါ်တိုက်ရိုက်အာနိသင်ရှိပါတယ်။

၈။ အရေပြားကျန်းမာရေး

Niacin လို့ခေါ်တဲ့ဒြပ်ပေါင်းက ဝက်ခြံပျောက်ကင်းစေပြီး အရေပြားရောင်ရမ်းမှုကိုလျော့ပါးစေပါတယ်။

၉။ တီဘီရောဂါကိုကုသနိုင်ခြင်း

လေပြွန်ရောင်ရောဂါနဲ့ တီဘီရောဂါတို့ကိုကုသရာမှာ ကညွတ်ရဲ့အမြစ်က ထိရောက်တဲ့အာနိသင်ရှိတယ်လို့သိကြပါတယ်။ ကညွတ်အမြစ်က အဆုတ်ထဲကတစ်ရှူးတွေရဲ့လုပ်ဆောင်ချက်ကို ကောင်းမွန်စေပြီးလည်ချောင်းပိုးဝင်ခြင်းတွေကို သက်သာစေပါတယ်။

၁၀။ သွေးကြောကျန်းမာရေးကိုကောင်းမွန်စေခြင်း

ဗီတာမင်B6ကြောင့် homocysteine ကိုထိန်းပေးနိုင်ပါတယ်။ homocysteine ပမာဏမြင့်မားလျှင်ရင်သွေးကြောဆိုင်ရာရောဂါတွေဖြစ်စေနိုင်ပြီး သွေးကြောထဲကအဆီတွေစုပုံကာ သွေးလည်ပတ်မှုကို အဟန့်အတားဖြစ်စေနိုင်ပါတယ်။

သတိပြုရန်

ကျန်းမာရေးအကျိုးကျေးဇူးများတယ်ဆိုပေမယ့် ကညွတ်ကိုစားတာများလွန်ရင်လည်း ဘေးဖြစ်နိုင်တဲ့အတွက် တန်ဆေးလွန်ဘေးဆိုတာကို သတိရှိဖို့လိုအပ်ပါတယ်။ တချို့တွေမှာဓါတ်မတည့်မှုကြောင့် နည်းနည်းလောက်စားရုံနဲ့ ဒုက္ခရောက်တက်ပါတယ်။ ဓါတ်မတည့်မှုလက္ခဏာပြရင် အရေပြားနဲ့မျက်စိမှာယားယံနီရဲစေနိုင်ပြီး ဗိုက်အောင့်ဗိုက်နာဖြစ်တတ်ပါတယ်။ ပြင်းထန်လာရင်တော့ နှာပိတ်ခြင်း၊ ဖောရောင်ခြင်း၊ ချွဲကြပ်ခြင်း၊ ပန်နာ၊ ဝမ်းလျှောခြင်း၊ ခေါင်းမူခြင်းတို့ဖြစ်လာနိုင်ပါတယ်။ ကိုယ်ဝန်ဆောင်တွေမှာ လိုတာထက်ပိုစားမိမယ်ဆိုရင် သန္ဓေသားရဲ့ဖွံ့ဖြိုးမှုကိုထိခိုက်စေပြီး မိခင်နို့ကိုပါ အဆိပ်အတောက်ဖြစ်စေနိုင်ပါတယ်။ အဓိကအနေဖြင့် "တန်ဆေးလွန်ဘေး" ဆိုသည့်အတိုင်း လိုတာထက်ပိုမစားမိစေဖို့ အရေးကြီးပါတယ်။

ကိုးကား- https://www.well-beingsecrets.com/health-benefits-of-asparagus/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ