ကျန်းမာရေးအတွက် အကောင်းဆုံးတွေက ဘူးသီးကရတာပါ

ဘူးသီးကြော်ဆို အချဉ်ရည်လေးနဲ့ တို့စားရင် ကြိုက်မှကြိုက်၊ ရေနွေးလေးနဲ့ မြည်း။ ကြက်သားနဲ့ ဘူးသီးလေး အရည်သောက်လေးရောချက်ရင် လည်း ထမင်းက မြိန်မှမြိန်လေ။ အစားကြီးတယ်လို့ မထင်ကြစေကုန်။ ဘူးသီးကို အမွှန်းတင်နေတာ အကြောင်းရှိတယ်ပေါ့နော်။ အကြောင်းကလည်း ကောင်းနေလို့ပါ။

ဘူးပင်ဟာဆိုရင် နွယ်ပင်ဖြစ်ပြီးတော့ ဘူးညွှန့်လေးဆိတ်ပြီး ကြော်စားရတာကလည်း အရသာပါပဲ။ ဘူးသီးမှာ ကယ်လိုရီတွေပါဝင်မှုကို ဖော်ပြရမယ်ဆိုရင်တော့

• ဘူးသီး (၁၀၀)ဂရမ် မှာမှ ကယ်လိုရီက ၁၅ ကယ်လိုရီပဲ ပါပါတယ်။

• ရေက ၉၆ ရာခိုင်နှုန်း ပါပြီးတော့ စားလို့ရတဲ့ အပိုင်းတွေချည်း ၁၀၀ ဂရမ်မှာ အဆီ (၁) ဂရမ်ပဲပါပါတယ်။ ဘူးသီးစားလို့ ပြည့်ဖောင်းလာမှာတော့မဟုတ်ပါဘူး။

• အစာကြေလွယ် အမျှင်တွေ၊ ဗီတာမင် စီ၊ သွပ်ဓာတ်၊ သံဓာတ်၊ မဂ္ဂနီစီယမ်၊ မဂ္ဂနိစ့်၊ ပြည့်ဝဆီနည်းနည်း၊ ရိုက်ဘိုဖလက်ပင်၊ ကိုလက်စထရော နည်းနည်းပါပါတယ်။

ကျန်းမာရေးအတွက် အကောင်းဆုံးအချက်အလက်တွေဆိုတာ ဘူးသီးကနေ ရတာပါ။

၁. ဘူးသီးမှာ ပျော်ဝင်နိုင်တဲ့အမျှင်ဓာတ်ရော၊ မပျော်ဝင်နိုင်တဲ့အမျှင်ဓာတ်ရောပါပြီးတော့ ကြေပျက်လွယ်တဲ့ အမျှင်ဓာတ်တွေကြောင့်မို့ အစာကြေလွယ်စေတယ်။ ဝမ်းချုပ်တာ၊ လေနာတာ၊ လိပ်ခေါင်းဖြစ်တာတောင် မဖြစ်အောင် ကူညီပေးပါသတဲ့။

၂. ဝိတ်ကျစေပါတယ်။ ဘူးသီးတစ်လုံး ကြက်ဥက ၁၀ လုံးတော့ စားဖို့မဟုတ်ဘူးပေါ့နော်။ ဗီတာမင်တွေ၊ သတ္တုဓာတ်တွေကြောင့်မို့ ခန္ဓာကိုယ်က အာဟာရပြည့်ပြီးတော့ ဆာလောင်တာကို လျှော့ချပေးနိုင်ပါတယ်။ မနက်စောစောပိုင်းမှာ ဘူးသီးကို အရည်ကြိတ်ပြီး ဘာမှမစားခင် ဖျော်ရည်လုပ်သောက်ပေးကြည့်ပါ။ အလေးချိန်လျှော့ဖို့အတွက် အထောက်အကူဖြစ်စေပါတယ်။

၃. သူများတွေလိုမဟုတ်ပဲ ပါဝင်တဲ့ ကိုလက်စထရောပါဝင်မှုက တော်တော်လေးကို နည်းပါးတာပါ။

၄. ရေက (၉၆) ရာခိုင်နှုန်းပါဝင်တာဆိုတော့ ရေဆာ ရေငတ်တာကိုလည်း သက်သာစေတယ်။ မောပန်းနွမ်းနယ်မှုတွေကိုမဖြစ်စေပဲ လန်းဆန်းနေစေနိုင်ပါတယ်။

၅. သံဓာတ်ပါဝင်ပြီး ဗီတာမင်ဘီနဲ့ ဗီတာမင်စီ ပါဝင်တာကြောင့် ခန္ဓာကိုယ်အတွက် ကောင်းစေပါတယ်။

၆. ဆိုဒီယမ်၊ ပိုတက်စီယမ် နဲ့ မရှိမဖြစ်လိုအပ်တဲ့ အနည်းလိုအာဟာရဓာတ်တွေပါဝင်တာကြောင့် သွေးဖိအားကိုမှန်ကန်ကောင်းမွန်စေပြီးတော့ နှံလုံးကျန်းမာရေးကို ကောင်းစေပါတယ်။

၇. သွေးတိုးတာကို လျှော့ချပေးနိုင်ပါတယ်။ အဲ့ဒါကြောင့် ဘူးသီးက အကောင်းဆုံးအစာပါပဲ။

၈.ကလေးတွေလည်း ကျွေးလို့ရတယ်။ ကျန်းမာခါစ လူမမာတွေကိုလည်း ကျွေးရင်လည်း ကောင်းမွန်တဲ့ အစားအစာတစ်ခုပါပဲ။

၉. ကဲ ကိုကိုတို့ အသည်းကျန်းမာရေးအတွက်ကို ကောင်းစေတယ်တဲ့၊ ဘူးသီးကြော်နဲ့ မြည်းကြပါလို့ ပြောတာမဟုတ်ပါဘူး။ အသည်းကျန်းမာရေးအတွက်လည်း ညီညွတ်မျှတတဲ့ စားသောက်ဖွယ်ရာဖြစ်နေတာတော့ ငြင်းမရပါဘူး။

ဘူးသီးကို အရည်ဖျော်တိုက်ရင်…

(၁) ဘူးသီးဖျော်ရည်လေး တစ်ခွက်လောက် သောက်လိုက်ရင်တော့ ဆံပင်တွေကို ပြန်တောင် နက်မှောင်သန်မာစေပါတယ်တဲ့။

(၂) နှမ်းဆီလေး နည်းနည်းထည့်ပြီးသောက်ရင် ညဖက်တွေ အိပ်မပျော်တာကို သက်သာစေပါတယ်။

(၃) အစာအိမ်အချဉ်ပေါက်တာ၊ ဝက်ရူးပြန်တာ၊ အစာမကြေတာ၊ အကြောတွေ တောင့်တင်းတာမျိုးတွေကိုလည်း ဘူးသီးရည်လေးက သက်သာစေနိုင်ပါတယ်။

(၄) ဘူးသီးခါးလိုမျိုးလေ အဲ့လိုမျိုး စားတဲ့အခါမှာ လေပြွန်ယောင်ပြီးချောင်းဆိုးတာ၊ ပန်းနာရောဂါနဲ့ သည်းခြေလမ်းကြောင်းတွေမှာ ဝင်တတ်တဲ့ရောဂါတွေကို တိုက်ခိုက်စေတဲ့ အားကိုဖြစ်ပေါ်စေပါတယ်။

(၅) ဆားလေးနည်းနည်းထည့်သောက်တဲ့အခါ ခန္ဓာကိုယ်ကနေ ဆားဆုံးရှုံးမှုကို ကာကွယ်ပေးပါတယ်။

(၆) ဆီးလမ်းကြောင်းကိုသန့်စင်စေတဲ့ ဆေးအဖြစ်လည်း သုံးလို့ရပါတယ်။

(၇) ဘူးပင်က ဘူးညွှန့်လေးတွေကို အရည်ညှစ်ပြီးသောက်ပေးရင် သည်းခြေထိလို့ အသားဝါတာကို သက်သာပျောက်ကင်းစေပါတယ်။

ဘူးသီးဖျော်ရည်ကို ဘယ်လိုလုပ်ကြမလဲ...

၁။ နည်းနည်းလေး ချဉ်နေတယ်ဆိုရင် မသုံးပါနဲ့နော်။ လိုချင်တဲ့ အပိုင်းလေးတွေကိုယူပြီးတော့ သေးသေးလေးတွေ လှီးဖြတ်ထားပါ။

၂။ အခွံတွေမပါအောင် ခွာထုတ်လိုက်ပါ။ ပြီးတော့ ကြိတ်စက်နဲ့ ကြိတ်ပါ။

၃။ ငရုတ်ကောင်းအနက်ကို နည်းနည်းထည့်၊ ဆားလေးနည်းနည်းခတ်ပြီးတော့ အရသာကိုမြည်းကြည့်လိုက်ပါဦး။ ကြိုက်ရင် ပူစီနံရွက်လေးတွေပါ ထည့်ပေးလို့ရပါတယ်။

၄။ လီမွန်ဖတ်လေးတွေလည်း ထည့်ပြီးတော့ သောက်ပေးရင် အန်တီအောက်စီးဒန့်တွေများလာပြီးတော့ ကိုယ်ခံအားကို ကောင်းစေပါတယ်။

၅။ တစ်ခြားဟာတွေနဲ့ ရောပြီးတော့ မသောက်သုံးဖို့ အကြံပြုပါတယ်နော်။ မနက်စောစော အစာအိမ်ထဲ ဘာမှမရှိခင်မှာ သောက်ပေးတာက အကောင်းဆုံးဖြစ်ပါတယ်။

အတိုချုံ့ပြောရရင်တော့ ခုဘူးသီးကို နိုင်ငံတကာမှာတောင် ကျန်းမာရေးအတွက်ကောင်းကျိုးတွေကြောင့် မရှိမဖြစ်လို့ ယူဆနေကြပြီဆိုတော့ နိုင်ငံတကာအဆင့်မီသော ဘူး ကို အားကိုးအားထားပြုရင်း ကျန်းမာရေးတွေ ကောင်းကြပါစေသား...

ထွန်းဝင်းကျော်

https://www.practo.com/healthfeed/16-reasons-why-lauki-is-healthy-3556/post