ပင်စိမ်းနက်က ဘာအတွက်ကောင်းလဲ?

ကုလားပင်စိမ်း ၊ ပင်စိမ်းကြီး(နက်ဖြူ)

Ocimum tenuiflorum L.

Ocimum sanctum L.,

Family: Lamiaceae

Holy basil, Monk basil,

Sacred basil, Tulsi (တူလဆီ)

အခုရက်ပိုင်းလူတွေ ဘယဆေးပင်များကို စိတ်ဝင်တစား မေးမြန်းလာကြတယ်။ အဓိက သိချင်တာက ဆေးဝင်ပုံပါ။ အမှန်အတိုင်းပြောရရင် ကျနော်က မျိုးခွဲပညာရှင်ပါ ဆေးဝင်ပုံတွေမသိပါဘူး။ အပင်မှန် မမှန်တော့ စစ်ပေးနိုင်ပါတယ်။ ပင်စိမ်းနက်ကို ကုလားပင်စိမ်းခေါ်ကြတယ်။ အရောင်က အစိမ်းရောင်မဟုတ်ဘဲ မဲမဲညိုညို ဆိုတော့ အမည်နဲ့လိုက်ဖက်လှတယ်။ သူတို့ပေါက်ရင်လည်း အစုအဝေးလိုက်ပေါက်ကြတာများတယ်။ ဟင်းချက်စရာထဲ ထည့်ချက်စားသော ပင်စိမ်းနဲ့ မျိုးစိတ် species မတူပါဘူး၊

ပင်စိမ်းနက်ဆိုတာ

ပင်စိမ်းနက် ခေါ် ကုလားပင်စိမ်းဟာ ပင်စိမ်းပင်နဲ့ ပုံစံတူပါတယ်။ ဒါပေမဲ့ အရွက်အကိုင်းတွေက အစိမ်းရောင် ဒါပေမဲ့ တခါတရံ နီညိုရောင်သန်းပါတယ်။ ပင်စိမ်းနက်ကို ဘာသာရေးအတွက်သာမက ဆေးဝါးအနေနဲ့စိုက်ပျိုးကြပါတယ်။ လူမျိုးစုတွေဟာ အပင်ကို ကိုးကွယ်မှုကနေ အသက်ရှည်ခြင်းကိုရနိုင်တယ်လို့ ယုံကြည်ကြတယ်၊

တစ်နှစ်ခံပင်ပျော့ဖြစ်ပြီး တခါတရံလူတရပ်နီးပါးရှိတတ်တယ်။ ပင်စည်တွေက နီညိုရောင်သန်းပြီး လေးထောင့်ဆန်ဆန်ရှိကြတယ်။ အရမ်းလည်းကိုင်းဖြာကြတယ်။ တစ်ပင်လုံးဂလင်းအမွှေးတွေရှိပြီး ရနံပြင်းပါတယ်။ အရွက်တွေကရွက်ဆိုင်ထွက်ပြီး ရွက်နားက serrate ပုံရှိကြတယ်၊ ပန်းခိုင်က ထိပ်ထွက် terminal verticillaster ပန်းခိုင်ဖြစ်တယ်၊ ပန်းလေးတွေက ပန်းရောင်ဖြစ်တယ် လိင်စုံ ၂ခြမ်းညီ အထက်တည်မပွင့် ဖြစ်တယ်။ ပွင့်ခံရွက် bracts က နီညိုရောင်ဖြစ်ကာ ဘဲဥပုံစံရှိတယ်၊ ပွင့်ဖတ်အုံ calyx မှာပွင့်ဖတ် ၅ခုပါပြီး ပြွန်ကဖောင်းနေတယ်၊ Corolla က ပန်းရောင် bilabiate ဖြစ်ကာ အဝိုက် ၅ ခုပါတယ်၊ ဝတ်ဆံဖို ၄ ခုပါတယ် အရွယ်မညီ didynamous ဖြစ်တယ်၊ style က အောက်ခြေထွက် gynobasic ဖြစ်တယ်၊ အသီးက nutlet ဖြစ်ပြီး အစေ့ ၄စေ့ပါပါတယ်၊

အရှင်နာဂသိန်ဆေးကျမ်းထဲတွင်

ပင်စိမ်းနက်ရဲ့ ဂုဏ်နှင့်စွမ်းရည်...မှာ .

အခုလိုဖော်ပြထားပါတယ်။ အပင်သည် ခါး၏ ၊ စပ်၏၊ ပူ၏၊ ဝိပါကစပ်၏၊ ဝမ်းမီးတောက်၏ နှလုံးကို အကျိုးပြု၏၊ နူနာ ဆီးအောင့် သွေးဖောက်ပြန်ခြင်း ခြေသလုံးနာကျင်ခြင်း ပန်းနာရင်ကြပ် ချောင်းဆိုး ချေဆပ်၍ မွန်ခြင်း ပိုးရောဂါ အော့အန်ခြင်း အနံ့မကောင်းခြင်း နံဘေးအောင့်ခြင်းရောဂါတို့ကိုပျောက်ကင်းစေပါတယ် လို့ဆိုထားပါတယ်။

အိန္ဒိယရိုးရာမှာတော့ ဒီအပင်ကို တူလ်ဆီ Tulsi လို့ခေါ်ကြပြီး အလွန်ထင်ရှားလှတယ်။ နောက်ပြီး ဒီအပင်ဟာ ဘာသာရေးအရ ကိုးကွယ်ခြင်းနှင့်ဆိုင်သော အပင်တစ်ပင်ဖြစ်လို့နေပါတယ်။ နတ်ဘုရားမ တစ်ဦးကဲ့သို့ မှတ်ယူကာ ဝတ်ပြုကိုးကွယ်ခံရသော အပင်လည်းဖြစ်တယ်။ ဒါတင်မက အာယုဗေဒ ဆေးဝါးတခုကဲ့သို့လည်း အသုံးပြုကြသော အပင်ဖြစ်တယ်။ Tulsi အပင်တစ်ပင်လုံးဟာ အိမ်မှာစိုက်ထားရင် အိမ်သုံးဆေးဝါးပင်တစ်ပင်လိုလည်း အသုံးပြုနိုင်တယ်။

Tulsi အရွက်တွေကို "tea" လဘက်ရည်လိုသောက်နိုင်တယ်။ လဘက်ရည်အတော်များများမှာ အဓိကပါဝင်ပစ္စည်းအနေနဲ့ tea company တွေမှာသုံးကြတယ်၊ အအေးမိ ချောင်းဆိုး အဖျားဝင်ရင် Tulsi tea သောက်ခြင်းဖြင့်သက်သာစေတယ်၊

ငှက်ဖျားရောဂါ ၊ Miyadi fever၊ အအေးမိ ၊ ချောင်းဆိုးနေရင်..

(၁) ပင်စိမ်းနက် အရွက်ကြိတ်ရေ

(၂) ဂျင်

(၃) ငြုတ်ကောင်းစေ့ စသော အမျိုး ၃မျိုးကို ရောပြီးသောက်ပါက လျှင်မြန်စွာပျောက်ကင်းသည်လို့ ဆိုထားပါတယ်။ ၃မျိုးအရောကို ပျားရည်နဲ့ရောပြီး လျှာနဲလျက်ရင်လည်း ရောဂါတွေ သိသိသာ သက်သာစေတယ်။ အရွက်ပြုတ်ရေကို black salt နဲ့ရောကာသုံးရင် အဖျား ချောင်းဆိုး အအေးမိတာတွေ သက်သာစေတယ်၊

Vomiting အော့အန်နေရင် Tulsi အရွက်က အကောင်းဆုံးဆေးဖြစ်ပါတယ်၊ ပင်စိမ်းနက် အရွက်ကြိတ်ထားသောအနှစ်၊ ပူဒီနာ၊ စမုံနက် အစေ့ အရောကိုသောက်ရင် အော့အန်ခြင်းကို ချက်ခြင်းသက်သာစေပါတယ်။

မြွေကိုက်လို့ရတဲ့ဒဏ်ရာပေါ်ကို အမြစ်ကို ကြိတ်ပြီး အုံထားရင် အဆိပ်များရောကျ သက်သာစေပါတယ်။ ကလေးငယ်တွေမှာဖြစ်တတ်သော သံရောဂါအတွက် အရွက်ရဲ့စစ်ထုတ်ရေ နဲ့ သကာရေကို ရောပြီးစားရင် သက်သာစေတယ်။

ဆီးချိုရောဂါအတွက် ဒီအပင်ရဲ့အရွက် ၁၀ရွက်နဲ့ Gudmar အပင်ရဲ့ (Gymnema Sylvestre) အရွက် ၁၀ရွက် အရောကို မနက်တိုင်းရေနဲ့သောက်ရင် နိုင်တယ်လို့ဆိုပါတယ်။ နေ့စဉ် အရွက် ၄၊ ၅ ရွက်စားစေခြင်းဖြင့် နှလုံးရောဂါကို သက်သာ ပျောက်စေတယ်လိုသိရပါတယ်၊

သဘာဝဆေးဖက်ဝင် ကုလားပင်စိမ်းလေးအကြောင်းကို မျှဝေလိုက်ပါတယ်၊ အိမ်မှာ စိုက်ထားသင့်သော သဘာဝတိုင်းရင်ဆေးပင်တစ်ပင်ပါ။

Kothet Naing Oo

Homalin College

ကိုးကား

အရှင်နာဂသိမ် ပုံပြဆေးအဘိဓာန်ပင်စိမ်းနက်

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ