ခေတ်စားလာတဲ့ ဝဥ ခေါက်ဆွဲ နဲ့ ဝဥဆန်

ဝဥကိုတော့ လူတိုင်းသိမှာပါ။ ဝဥပင်ကရတဲ့ အိတုန်တုန်နဲ့ သားသတ်လွတ်စားစရာဝဥခေါ် ဝတုန်ကို လှော်ပြီး ဝဥသုတ်၊ ဝဥတုတ်ထိုး၊ ဝဥဟင်း ချက်စားကြပါတယ်။ အခုဆိုရင်ချင်းပြည်နယ်မှာ ဝဥကိုတွင်ကျယ်စွာစိုက်ပျိုးကြတာဖြစ်ပါတယ်။ အဲ့လို ဝဥကိုစားစရာအမျိုးမျိုးလုပ်စားကြရာမှာ အခုနောက်ပိုင်းခေတ်စားလာတာကတော့ ဝဥခေါက်ဆွဲဖြစ်ပါတယ်။

ဝဥ ခေါက်ဆွဲကို ဝိတ်ချလိုသူတွေအများဆုံးစားကြတာတွေ့ရပါတယ်။ ဝဥခေါက်ဆွဲဆိုတာ ဝဥပင်ကရတဲ့ အမျှင်တွေရယ် (ဝဥပင်အမြစ်)၊ ထုံးရယ်၊ ရေရယ်ကို သင့်တော်တဲ့ပမာဏအတိုင်းရောစပ်ပြီးတော့ ခေါက်ဆွဲဖတ်အဖြစ်ထုတ်ထားတာပါ။

ဝဥဆန်ဆိုတာကလည်း ဝဥခေါက်ဆွဲဖတ်ကိုပဲ ဆန်စေ့ပုံစံသေးသေးလေးတွေဖြစ်အောင်လုပ်ထားတာပါ။ ဝဥဆန်ကို အဖြူရောင်စွတ်စွတ်ကနေ ဆင်စွယ်ရောင်အထိအမျိုးမျိုးတွေ့နိုင်ပါတယ်။

ဝဥဆန်မှာ ရေစိမ်ထားတဲ့ ဆန်ထုပ်နဲ့ အခြောက်ထုပ်ဆိုပြီးနှစ်မျိုးရှိပါတယ်။ ရေစိမ်ထုတ်ဖြစ်စေ အခြောက်ထုတ်ဖြစ်စေ ရေတစ်ခါပြန်ဆေးပြီး ရေနွေးပူပူထဲမှာ ၁၀ မိနစ်မှ ၁၅ မိနစ် ထည့်ပြုတ်ကာဆယ်ပြီး ထမင်းပူပူကဲ့သို့စားသုံးနိုင်ပါတယ်။ တချို့ရေစိမ်ထုတ်တွေမှာတော့ အချိန် ၅ မိနစ်လောက်သာပေးပြီးချက်လျှင်ရပါသည်။

ဝဥဆန်ရဲ့ကျန်းမာရေးအကျိုးတွေကိုပြောရမည်ဆိုလျှင်

(၁) ဝဥဆန်မှာ အမျှင် (fiber) အများကြီးပါလို့ နဲနဲစားရုံနဲ့ဗိုက်ပြည့်ပြီးအစာစားချင်စိတ်ကိုထိန်းတယ်။ အကျိုးဆက်က ဝိတ်ချလိုသူတွေနဲ့သင့်တော်တယ်။

(၂) သွေးတွင်းသကြားဓာတ်နဲ့ အင်ဆူလင်ကို လျော့ချပေးလို့ ဆီးချိုသမားတွေ ထမင်းအစားထိုးစားနိုင်တယ်။

(၃) ကိုယ်တွင်းက ကိုလက်စထရောပမာဏကိုနည်းစေလို့ နှလုံးရောဂါနဲ့ လေဖြတ်တာတွေ ကာကွယ်နိုင်တယ်။

(၄) အသားအရည် လှပစေတယ်။ လက်သည်းတွေတွက်ကောင်းတယ်။

(၅) ကိုယ်ခံအားကိုတိုးမြှင့်ပေးလို့ လူကြီးတွေစားဖို့သင့်တော်တယ်။

(၆) ဝမ်းချုပ်တာကိုကာကွယ်ပေးပြီး အူလမ်းကြောင်းကင်ဆာနဲ့ အစာချေလမ်းကြောင်းကင်ဆာတွေကိုကာကွယ်ပေးတယ်။

ဒီလိုအကျိုးကျေးဇူးတွေရှိတဲ့ ဝဥဆန် သို့မဟုတ် ဝဥခေါက်ဆွဲအကြောင်းကိုသိရှိစေရန်ရေးသားလိုက်ရပါသည်။ အကယ်၍ ဝဥဆန်မဟုတ်ဘဲ ဝဥအစိမ်းတုံးကိုလည်းလှော်ကာ သုတ်စားခြင်း ချက်စားခြင်းဖြင့်အစာလည်းဆေး ဆေးလည်းအစာဖြစ်အောင် ပြုလုပ်သင့်ကြောင်းရည်ရွယ်၍ဖော်ပြလိုက်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ