ခရမ်းကစော့သီးကပေးတဲ့ ကျန်းမာရေးအကျိုးကျေးဇူးများ

ခရမ်းကစော့သီးက မြန်မာဟင်းလျာထဲမှာဆိုရင် အတို့အမြုပ်အနေနဲ့စားသုံးကြပါတယ်။ မီးကင်ပြီးဘဲစားစား၊ ပြုတ်ပြီးဘဲစားစား၊ ခရမ်းချဉ်သီးနဲ့ဘဲချက်စားစား စားလိုက်တိုင်း ကျွတ်ကျွတ်လေးနဲ့စားလို့ကောင်းပါတာကို စားဖူးသူတိုင်းသိပါတယ်။ အခုလိုစားလို့ကောင်းတဲ့အသီးလေးမှာ ကျန်းမာရေးအကျိုးကျေးဇူးများစွာရှိနေပါသေးတယ်။

ကျန်းမာရေးအကျိုးကျေးဇူးတွေကတော့-

၁။ ကင်ဆာကာကွယ်ပေးတယ်

ခရမ်းကစော့သီးက ကင်ဆာကာကွယ်ပေးနိုင်သလို ကင်ဆာကုသရာမှာလည်း ထိရောက်မှုရှိပါတယ်။ ခန္ဓာကိုယ်ကျန်းမာစေဖို့အာဟာရတွေပြည့်ဝစွာပါဝင်နေသလို ကင်ဆာဆဲလ်တွေမပွားစေဖို့လည်း အကောင်းဆုံးဟန့်တားပေးနိုင်ပါတယ်။ ခရမ်းကစော့သီးကို ရှေးယခင်ကာလတွေကတည်းက ကင်ဆာကာကွယ်ဖို့အသုံးပြုခဲ့ကြပါတယ်။

၂။ အကိုက်အခဲသက်သာစေတယ်

ခရမ်းကစော့သီးတွေကနာကျင်မှုကိုသက်သာစေပါတယ်။ အသီးမှာပါတဲ့ဓာတ်တစ်မျိုးကနာကျင်မှုကိုသက်သာစေသလို အရောင်ကျစေနိုင်တဲ့အာနိသင်လည်းရှိပါတယ်။ ခန္ဓာကိုယ်မှာဖြစ်တဲ့နာကျင်ကိုက်ခဲမှုတွေသက်သာစေဖို့အတွက် အသုံးပြုပေးလို့ရပါတယ်။

၃။ ရောင်ရမ်းမှုကိုသက်သာစေနိုင်တယ်

လည်ချောင်းနာတာ၊ ပါးစပ်ထဲမှာအနာလေးတွေဖြစ်ပြီး နာကျင်ရောင်ရမ်းတာကို သက်သာစေဖို့လည်းခရမ်းကစော့သီးကို စားပေးလို့ရပါတယ်။ ထိခိုက်ဒဏ်ရာတွေကြောင့်နာပြီးရောင်တာကိုလည်းသက်သာစေပါတယ်။

၄။ အဖျားကျစေနိုင်တယ်

ခရမ်းကစော့သီးကိုစားသုံးပေးတာက ကိုယ်ခံအားကောင်းစေနိုင်ပြီး ဖျားနာမှုကင်းစေနိုင်ပါတယ်။ ရေစင်အောင်ဆေးထားတဲ့ခရမ်းကစော့သီးပြုတ်ရည်ကိုသောက်ပေးတာကလည်း အဖျားကျစေဖို့အကောင်းဆုံး အထောက်အပံ့ပေးနိုင်မှာပါ။

၅။ ဘက်တီးရီးယားတွေကိုတိုက်ဖျက်ပေးနိုင်တယ်

ခရမ်းကစော့သီးမှာ ဘက်တီးရီးယားတွေကိုတိုက်ဖျက်ပေးနိုင်တဲ့အာနိသင်ရှိတာကြောင့် ခန္ဓာကိုယ်ရောဂါပိုးတွေ အန္တရာယ်ကနေကာကွယ်ဖို့စားသုံးပေးလို့ရပါတယ်။

၆။ ရေယုန်သက်သာစေနိုင်တယ်

ခရမ်းကစော့သီးမှာ ရေယုန်ကိုသက်သာစေနိုင်ပြီး မဖြစ်အောင်လည်းကာကွယ်ပေးနိုင်ပါတယ်။

၇။ သန်ကျစေနိုင်တယ်

ခရမ်းကစော့သီးကသဘာဝသန်ကျဆေးတစ်မျိုးပါ။ သန်ထမှာဆိုးတယ်။ သန်ချဆေးလည်းမသောက်ချင်ဘူးဆိုရင်တော့ ခရမ်းကစော့သီးလေးကိုစားပေးနိုင်ပါတယ်။

၈။ အမြင်အာရုံကောင်းစေတယ်

ခရမ်းကစော့သီးကို ထက်ခြမ်းခြမ်းပြီး ထောပတ်နဲ့ပုံမှန်ကြော်စားပေးတာက အမြင်အာရုံကိုကျန်းမာစေနိုင်ပါတယ်။

သတိပြုရမည့်အချက်

သင့်တော်တဲ့ပမာဏကိုချင့်ချိန်ပြီးစားပေးသင့်ပါတယ်။ လိုတာထက်ပိုစားမိမယ်ဆို မလိုလားအပ်တဲ့ပြသနာတွေဖြစ်လာနိုင်ပါတယ်။

ထက်ယမင်းဦး

Refrence; https://drhealthbenefits.com/food-bevarages/fruits/health-benefits-of-solanum-nigrum

ဆောင်းပါးများ/သတင်းများပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ