စွန်ပလွံသီးက ကျန်းမာရေးအရစားပေးသင့်တဲ့ အသီးပါ

စွန်ပလွံသီးကို အသီးခြောက် အသီးယိုများ ပုံစံဖြင့် အများဆုံးစားသောက်ကြတာဖြစ်ပါတယ်။

များသောအားဖြင့် အစားအစာအနေနဲ့သော်လည်းကောင်း၊ သရေစာအဖြစ်သော်လည်းကောင်း၊ အာဟာရဓာတ်များရရှိစေဖို့ ရည်ရွယ်ပြီးသော်လည်းကောင်း၊ ဆေးဝါးအနေဖြင့်လည်းကောင်း စားသုံးမှုများတဲ့ သီးနှံဖြစ်ပါတယ်။

စွန်ပလွံကို ပေါက်ရောက်ရာဒေသကိုလိုက်ပြီး တူရကီနိုင်ငံတွင် ပေါက်သော စွန်ပလွံပင်ကို သောဟာရ၊ အိန္ဒိယနိုင်ငံတွင်ပေါက်ရောက်သောအပင်ကို ဘုမိခဇ္ဇူ၊ အီရန်နိုင်ငံ၌ ပိဏ္ဍခဇ္ဇူ ဆိုပြီးခေါ်ဆိုကြပါတယ်။ မြန်မာနိုင်ငံမှာ စွန်ပလွံချို၊ စွန်ပလွံကြီး၊ စွန်ပလွံရိုင်း၊ စွန်ပလွံပု ဆိုပြီး ခွဲခြားထားပါတယ်။

စွန်ပလွံသီးတစ်လုံး၏ လေးပုံသုံးပုံသည် သဘာဝသကြားဓာတ်ပါဝင်ပါတယ်။ ဝမ်းချုပ်ခြင်းကိုသက်သာစေသောကြောင့် ဝမ်းချုပ်လေ့ရှိသူများ စွန်ပလွံသီးကို များများစားပေးလျှင် ကောင်းပါတယ်။ နောက်ကောင်းကျိုးတစ်ခုအနေနဲ့ အရက်မူးလွန်သူကို စွန်ပလွံသီးကို ရေစိမ်တိုက်ကျွေးပေးခြင်းဖြင့် အရက်နာကျခြင်းကို သက်သာစေနိုင်ပါတယ်တဲ့။

အသီးကို နွားနို့ဖြင့်ကျိုချက်သောက်ပါကလည်း ကုန်ခမ်းသွားသောအာဟာရများအတွက် အာဟာရဓာတ်ကို အလျင်အမြန်ဖြည့်ဆည်းပေးနိုင်ကြောင်းလည်း သိရပါတယ်။ နှလုံးတုန် မောပန်းနွမ်းလျ နေချိန်လည်း စွန်ပလွံသီးကိုစားပေးသင့်ပါတယ်။

စွန်ပလွံသီးကို ပုံမှန်စားပေးမယ်ဆိုရင် အသားအရည်ကိုစိုပြည်စေပြီး အာရုံကြောအားတိုးကာ မျက်စိအားကောင်းစေပါတယ်တဲ့...

အရသာလည်းရှိ ဆေးဖက်လည်းဝင်တဲ့ စွန်ပလွံသီးကို စားပေးသင့်ကြောင်း ဒီဆောင်းပါးမှတစ်ဆင့် မျှဝေလိုက်ရပါတယ်။

နည်းပညာများကို ကျော်တင့်ဆွေ၏ “သဘာဝသစ်သီးများ၏ အံ့ဖွယ်ဆေးဖက်ဝင်မှုများ” စာအုပ်မှကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ