ဗီတာမင်စီကြွယ်ဝတဲ့ ရှောက်ချိုသီး

ရှောက်မျိုးရင်းဝင်အပင်ဖြစ်ပြီး မူရင်းဒေသမှာ ဖိလစ်ပိုင်နှင့် အရှေ့တောင်အာရှနိုင်ငံများပင်ဖြစ်သည်။ မိုးနှောင်းပိုင်းတွင် စတင်သီးပြီး ဆောင်းရာသီတွင် ရင့်မှည့်သည်။ မြန်မာနိုင်ငံတွင် ရှမ်းပြည်နယ်ကဲ့သို့ တောင်ပေါ်ဒေသတို့တွင် ကောင်းစွာဖြစ်ထွန်းသည်။ အခွံကျစ်ကာ အရည်ရွှမ်းပြီး အနံ့မွှေးသော ရှောက်ချိုသီးရဲ့ ဆေးဖက်ဝင်မှုအချက်တွေကလည်း အံ့မခန်းပါပင်။

သစ်သီးများနှင့် ဟင်းသီးဟင်းရွက်များတွင် ပါဝင်သောအာဟာရဓာတ်များသည် နာတာရှည်ရောဂါဖြစ်ပွားနှုန်းအချို့ကို လျော့နည်းစေသောကြောင့် လတ်ဆတ်သော သစ်သီးများကို ကျန်းမာရေးအရ စားသုံးပေးသင့်သည်။ ရှောက်ချိုသီးဖျော်ရည်ကို ပုံမှန်သောက်ပေးခြင်းဖြင့် အဝလွန်ခြင်း၊ သွေးတိုးခြင်းနှင့် ကိုလက်စထရော များခြင်းတို့ကို လျော့ချပေးနိုင်သည်။

ဗီတာမင်စီဓာတ်ကြွယ်ဝတဲ့အတွက် ပြင်းထန်စွာနာကျင်မှုဝေဒနာကို ဖြစ်စေသည့် ဂေါက်ရောဂါဖြစ်ပွားမှု့ အဆင့်ကိုလည်းလျော့ချပေးနိုင်သည်။ ဂေါက်ရောဂါသည် အသက် ၄၀ ကျော်အရွယ်အမျိုးသားများတွင် အဖြစ်များလေ့ရှိပေသည်။ အလေးချိန်များသူများတွင်လည်း တွေ့ရှိရတတ်ပါသည်။ ထို့ကြောင့် ကြိုတင်ကာကွယ်မှုဖြစ်စေရန် ဗီတာမင်စီပါသော အစားအစာများကို စားသုံးသင့်ပေသည်။

ရှောက်ချိုသီးကို စားသုံးရခြင်းအကြောင်းအရင်းများတွင် သဘာဝသစ်သီးမှရရှိသော ဗီတာမင်စီသည် ဓာတုဗေဒ ဗီတာမင်စီထက် ပိုမိုအာနိသင်မိစေသည့်အတွက်ကြောင့်လည်းဖြစ်သည်။ ဗီတာမင်စီဖွဲ့စည်းမှု သဘာဝဓာတ်များသည် ဆီးချို၊ သွေးချိုတို့ကို ဖြစ်ပေါ်စေသော တစ်ရှူးပျက်စီးမှုကို ကာကွယ်နိုင်ပြီး သွေးတွင်းမြင့်တက်နေသော အချိုဓာတ်တို့ကိုလည်း လျော့ချပေးနိုင်သည်။ နှလုံးရောဂါ၊ အဝလွန်ခြင်း၊ လေဖြတ်ခြင်း၊ ဆီးချိုရောဂါဖြစ်ပွားစေခြင်းတို့ကိုလည်းလျော့နည်းစေနိုင်သည်ဟုလည်း သိရပါသည်။

အစိမ်းရောင်လမ်းပရိတ်သတ်များလည်း ရှောက်ချိုသီးကိုစားပေးခြင်း၊ ဖျော်ရည်တစ်ခွက်ကို သောက်ပေးခြင်းဖြင့် သဘာဝအာဟာရဓာတ်များကို ရယူလိုက်ပါ။

နည်းပညာများကို ကျော်တင့်ဆွေ၏ “သဘာဝသစ်သီးများ၏ အံ့ဖွယ်ဆေးဖက်ဝင်မှုများ” စာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ