မန်ကျည်းရွက်နုနု၏ ကျန်းမာရေးအကျိုးကျေးဇူး

မန်ကျည်းရွက်နုနုလေးတွေ ဘာကြောင့်စားသင့်လဲ ကျန်းမာရေးအတွက် ဘယ်လိုအကျိုးပြုလဲ

မန်ကျည်းရွက်နုနုလေးတွေကို စားပေးခြင်းဖြင့် ရရှိနိုင်မယ့် ကျန်းမာရေးကောင်းကျိုးတွေနဲ့ အတူ မန်ကျည်းရွက်သုပ်နည်းလေးကိုပါ ပြောပြပေးပါမယ်။

မန်ကျည်းရွက် အသုံးဝင်ပုံအကြောင်း

၁။ ဆီးချိုရောဂါ

မန်ကျည်းရွက်ဟာ အင်ဆူလင်လျော့ကျခြင်းကိုခုခံနိုင်တဲ့ဓာတ်တွေ ပါဝင်နေတာကြောင့် ဆီးချိုရောဂါနဲ့ ဆီးချိုအကြိုရောဂါတွေအတွက် စားသုံးဖို့သင့်တော်ပါတယ်။

၂။ အနာကျက်မြန်ခြင်း

ပြတ်ရှအနာတွေပေါ်မှာ မန်ကျည်းရွက်သတ္တုရည်ကိုလိမ်းပေးရင် အနာကျက်မြန်စေတာကို တွေ့ရပါလိမ့်မယ်။

၃။ ခုခံအားကောင်းမွန်စေခြင်း

မန်ကျည်းရွက်မှာ ဗီတာမင်စီ များစွာပါဝင်တာကြောင့်ခန္ဓာကိုယ်ရဲ့ ခုခံစွမ်းအားကို ကောင်းမွန်စေပါတယ်။

၄။ အသားအရည်ကို ကြည်လင်စေခြင်း

မန်ကျည်းရွက်မှာ အင်တီအောက်ဆီဒန့်ပါဝင်လို့ အရေးအကြောင်းတွေဖြစ်ပေါ်တာကို လျှော့ချပေးနိုင်ကာ အသားအရည်ကို ကြည်လင်စေပါတယ်။

၅။ ခံတွင်းကျန်းမာရေးကောင်းမွန်စေခြင်း

သွားဖုံးရောင်ရမ်းတာနဲ့ သွားဖုံးသွေးထွက်ရောဂါတွေအတွက် မန်ကျည်းရွက်မှာပါတဲ့ ဗီတာမင်စီက သက်သာကောင်းမွန်စေပါတယ်။

ဒါကြောင့် အစာလည်းဆေး၊ ဆေးလည်းအစာဆိုသလို မန်ကျည်းရွက်ကို ကြော်စား၊ သုပ်စား၊ ဟင်းချိုချက်စား စသဖြင့် ပြုလုပ်စားသုံးလို့ရပါတယ်။ ထိုထဲမှာမှ မန်ကျည်းရွက်သုပ်လေးကို ရာသီစာအဖြစ် စားသုံးနိုင်အောင် သုပ်နည်းလေးကို မျှဝေပေးလိုက်ပါတယ်။

ပြုလုပ်နည်းမှာ -

မန်ကျည်းရွက်နုနု - ၅ ကျပ်သား (တစ်ခါပြင်)

ကြက်သွန်နီ ဥကြီးကြီး - ၂ လုံး

ပုစွန်ခြောက်မှုန့် - ထမင်းစားဇွန်း တစ်ဇွန်း

ငါးငံပြာရည် - လက်ဖက်ရည်ဇွန်း ၂ ဇွန်း

မြေပဲမှုန့် - ထမင်းစားဇွန်းတစ်ဇွန်း

ဆီသန့် - ထမင်းစားဇွန်း ၂ ဇွန်း တို့ လိုအပ်ပါတယ်။

အရင်ဦးဆုံး မန်ကျည်းရွက်တွေကို ရေစင်အောင်ဆေး၊ အရိုးအရင့်တွေဖယ်၊ ကြက်သွန်နီကို ပါးပါးလှီး ရေစင်အောင်ဆေးပြီး ပါဝင်ပစ္စည်းတွေနဲ့ ရောနယ်လိုက်ရင်အရသာရှိပြီး သွားရည်ယိုစရာ မန်းကျည်းရွက်သုပ်လေး ရပါပြီ။

ပင်လယ်ပြာ(ငါးဦးစီး)

မှီငြမ်း; ကျန်းမာရေးစာစောင်များ။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ