နှလုံးကို အားကောင်းစေတဲ့ ဖရဲသီးရဲ့ ကျန်းမာရေး ကောင်းကျိုး ၁၀ ချက်

ရာသီစာ ဖရဲသီးက ပြည်တွင်းမှာလည်း အစားများပါတယ်။ အသီးလိုက် အနေနဲ့ရော ဖျော်ရည် အဖြစ်နဲ့ရော စားသုံးကြပါတယ်။ ကာဘိုဟိုက်ဒရိတ်လည်း ပြည့်ဝတယ်၊ ဗီတာမင် အေနဲ့ စီလည်း ပါတယ်။ ပိုတက်စီယမ်ရော ပါသေးတယ်။ အဆီနဲ့ ကယ်လိုရီ လုံး၀ မပါရှိတဲ့ အသီးပေါ့။ အပူကင်းအောင် စားသုံးဖို့ အကောင်းဆုံး အသီးလို့တောင် ဆိုပါတယ်။ သူ့ကို ရေ အစားထိုး၊ ရေအဆာပြေလည်း စားနိုင်သေးတယ်၊ အကြောင်းက ဖရဲသီးမှာ ရေဓာတ်က ၉၅ ရာခိုင်နှုန်းလောက်နဲ့ ဖွဲ့စည်းထားလို့ပါ။ အမျှင်ဓာတ်လည်း ကောင်းစွာ ပါဝင်ပါသေးတယ်။ အခု ဖရဲသီးရဲ့ ကျန်းမာရေး အတွက် ကောင်းမွန်စေတဲ့ အချက်တွေကို ပြောပြပါမယ်။

(၁) နှလုံးကို ကျန်းမာစေတယ် – ဖရဲသီးမှာ Lycopene ဓာတ် ကောင်းစွာ ပါရှိပါတယ်။ ဒီဓာတ်က ကိုယ်တွင်း အောက်ဆီဓာတ်တိုးခြင်း ဖြစ်စဉ်ကို အားပေးပြီး တစ်ရှုးနဲ့ ကြွက်သားတွေ ထိခိုက်မှုကို ကာကွယ်မှု ပေးသလို နှလုံးကိုလည်း ကျန်းမာ အားကောင်းစေတာ တွေ့ရပါတယ်။

(၂) ကိုယ်အလေးချိန်ကျစေနိုင်တယ် – ဖရဲသီးစားလို့ အလေးချိန် ကျတာထက် အလေးချိန် ကျလိုသူတွေ အတွက် အခြား အစာတွေထက် ဖရဲသီး စားပေးရင် အဟာရလည်း ဖြစ်တယ်၊ အဆီလည်း မစားဖြစ်စေပဲ ရှိသွားတာကြောင့် အစားထိုး အစာ အဖြစ် စားပေးနိုင်တာပါ။

(၃) စိတ်ဖိစီးမှုကို သက်သာစေတယ် – ဖရဲသီးမှာ ဗီတာမင် ဘီ ၆ ကောင်းစွာ ပါရှိပါတယ်။ မောပန်းနွမ်းလျမှုတွေ၊ စိတ်ဖိစီးမှုတွေနဲ့ စိတ်ရှုပ်ထွေးမှုတွေကို အကောင်းဆုံး လျော့နည်းသက်သာစေမယ့် အဟာရ ပစ္စည်း ပါရှိနေတာပဲ ဖြစ်ပါတယ်။

(၄) အရွယ်တင်စေတယ် – အရွယ်ကျခြင်းကို ကာကွယ်ပေးနိုင်ပါတယ်။ အထက်မှာ ပြောခဲ့တဲ့ Lycopene ဓာတ်ကြောင့်ပဲ အသားရေ တင်းရင်း လှပပြီး အိုမင်းမှုကို ကာကွယ်ပေးတာ ဖြစ်ပါတယ်။

(၅) ကိုယ်ခန္ဒာက လိုအပ်တဲ့ စွမ်းအင်ကို ဖြည့်ပေးနိုင်တယ် – ဆိုဒီယမ် နည်းနည်း၊ ပိုတက်စီယမ်၊ သတ္တုဓာတ်တွေလည်း ပါတယ်၊ ကာဘိုဟိုက်ဒရိတ်လည်း ပါတယ်၊ ပြီးတော့ ရေဓာတ် ကောင်းကောင်းပါတယ်။ ကိုယ်ခန္ဒာကို ရေဓာတ် ပြည့်ဝနေစေသလို ဇီ၀ ဖြစ်စဉ်တွေ ပုံမှန် လည်ပတ်စေပြီး လိုအပ်တဲ့ စွမ်းအင်ကို ထုတ်လုပ်ပေးနိုင်မှာ ဖြစ်ပါတယ်။

(၆) အမျှင်ဓာတ်ပြည့်ဝစာ အဖြစ် စားနိုင်တယ် – အမျှင်ဓာတ်ဆိုတာ အစာချေစနစ်အတွက် အရေးပါတဲ့ ဓာတ်တစ်ခုပါ။ ရေနဲ့ အမျှင်ဓာတ် ပေါင်းပြီး အစာချေဖျက်ခြင်းရော အဟာရ စုပ်ယူခြင်းကနေ နောက်ဆုံး မစင် စွန့်ထုတ်သည် အထိအောင် ကူညီလုပ်ဆောင်ပေးပါတယ်။ ဖရဲသီးမှာ ရေဓာတ်ရော အမျှင်ဓာတ်ပါ ကောင်းကောင်းပါရှိလို့ အစာချေ စနစ်ကို ကောင်းမွန်စွာ လည်ပတ်စေမှာပါ။

(၇) အရေပြားကို သန့်ရှင်းစေတယ် – ဖရဲသီးက အရေပြားအတွက် အထူးကောင်းမွန်တဲ့ အသီးပါ။ အရေပြားအတွင်းက မလိုအပ်တဲ့၊ ပိုနေတဲ့ အဆီတွေကို ချွေးနဲ့ အတူ ဖယ်ထုတ်ပေးပါတယ်။ ဝက်ခြံလို အရေပြားနဲ့ သက်ဆိုင်တဲ့ ပြစ်ချက်မျိုး မဖြစ်စေနိုင်တော့ပါဘူး။

(၈) သဘာ၀ အတိုင်း အသားအရေ စိုပြေစေတယ် – ရေဓာတ် ကောင်းကောင်းပါရှိတဲ့ အစာဖြစ်လို့ ကိုယ်တွင်း ရေဓာတ် ပြည့်ဝနေစေပြီး သဘာ၀ အတိုင်း အရေပြားကို စိုစွတ် အေးမြနေစေပါတယ်။

(၉) ရောဂါတွေကနေ ကာကွယ်ပေးနိုင်မှုရှိတယ် – ဖရဲသီးကို နေ့တိုင်း စားပေးခြင်းက ရောဂါတချို့ကို ကာကွယ်ပေးနိုင်တာ တွေ့ရပါတယ်။ ပန်းနာရင်ကျပ်၊ လေးဘက်နာ၊ အဆစ်အမြစ်ရောင် ရောဂါနဲ့ အရိုးဆိုင်ရာ ရောဂါတွေကို ဖြစ်နိုင်ခြေ လျော့နည်း ကောင်းမွန်စေတာ ဖြစ်ပါတယ်။

(၁၀) သွေးပေါင်ချန် မှန်စေတယ် – ဇီ၀ ဖြစ်စဉ်ကို ကောင်းမွန်စွာ လည်ပတ်စေတဲ့ အစာ ဖြစ်လို့ သွေးပေါင်ချိန် မှန်ကန်စေတဲ့ သဘောရှိပါတယ်။ သွေးတိုးသမားတွေ အတွက်လည်း အဆင်ပြေမယ့် အသီးပါ။ အဟာရစာ အဖြစ်ရော ရောဂါ ကာကွယ်ရေးစာ အဖြစ်ပါ စားသုံးပေးသင့်ပါတယ်။

၁၅၀ ဂရမ်လောက် ရှိမယ့် ဖရဲသီးဟာ သင့်ကို စွမ်းအင် ၇၁ ကယ်လိုရီ ပေးမယ်၊ အသားဓာတ် ၁ ဒသမ ၄၅ ဂရမ်ပါမယ်၊ ကာဘိုဟိုက်ဒရိတ် ၁၇ ဒသမ ၉၇ ဂရမ်၊ အဆီ သုည ဒသမ ၃၆ ဂရမ်၊ တည်မြဲအဆီ သုည ဒသမ ၀၃၈ ဂရမ်၊ အသေးစား မတည်မြဲ အဆီ သုည ဒသမ ၀၈၈ ဂရမ်၊ သီးခြား မတည်မြဲဆီ သုည ဒသမ ၁၁၉ ဂရမ်၊ ကိုလက်စထရော လုံး၀ မပါပဲ၊ အမျှင်ဓာတ် ၁ ဂရမ်လောက် ပါရှိမှာ ဖြစ်ပါတယ်။ ပြီးတော့ ဆိုဒီယမ် ၂ မီလီဂရမ်နဲ့ ပိုတက်စီယမ် ၂၆၇ မီလီဂရမ်လောက် ပါရှိဦးမှာ ဖြစ်ပါတယ်။

Source - Ayeyarwady News

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ