ပင်စိမ်းကို စိုက်ပျိုးရေးမှာ ဘယ်လို အသုံးချလို့ရမလဲ။

ပင်စိမ်းပင်၏ အရွက်၊ ပင်စည် စသည် အပင် အစိတ်အပိုင်းအားလုံးကို အသုံးပြု၍ စိုက်ပျိုးအပင်များတွင် ကျရောက်ဖျက်ဆီးတတ်သော အင်းဆက်ပိုးမွှားများကို ဟန့်တားရာတွင် အသုံးပြုနိုင်ပါသည်။ ပင်စိမ်းရွက်ကြိတ်ရည်ကို ပိုးဟန့်တားဆေး၊ ပိုးသေဆေး၊ မှိုသတ်ဆေး၊ ခရုပတ်ကျိနှိမ်ဆေး၊ ကြွက်နှိမ်ခြင်း၊ ပေါင်းနှိမ်ခြင်းများတွင် အသုံးပြုနိုင်ပါသည်။ သစ်သီးယင်၊ ရွက်ထွင်းပိုး၊ မွှားပင့်ကူနီ၊ ပြောင်းပင်စည်ထိုးပိုး၊ ပြောင်းစေ့ထွင်းပိုး စသည့် ပိုးမွှားများကို ကာကွယ်နှိမ်နင်းနိုင်ပါသည်။

ပင်စိမ်းရွက်ကြိတ်ရည်

ပင်စိမ်းအရွက်ကြိတ်ရည်သည် ထောပတ်ပင်၊ မက်မွန်ပင်နှင့် သစ်သီးပင်များတွင် ကျရောက်သည့် ရွက်ထွင်းပိုးများ၏ ပိုတုံးလုံးများပေါ်၌ မေ့မျော အာနိသင်ရှိပြီး အကောင်ကြီးများပေါ်၌ ဟန့်တားအာနိသင်ရှိသည်။ သက်ရောက်မှုမှာ ၉၀ ရာခိုင်နှုန်း ရှိသည်။

လိုအပ်သော ပစ္စည်း

ပင်စိမ်းရွက် - ၆ ကျပ်သား

ဆပ်ပြာရည် - ၃-၄ စက်

ရေ - တစ်လီတာ ပုလင်း

ပင်စိမ်းရွက် ၆ ကျပ်သားကို ရေ တစ်ပုလင်းတွင် တစ်ညစိမ်၊ နောက်နေ့အရွက်များ စစ်ထောင်း၍ အရည်စစ်ယူပြီး ဆပ်ပြာရည် ၃-၄ စက်ခန့် ရောသမ မွှေကာ အသုံးပြုနိုင်ပါသည်။

ရွက်ထွင်းပိုးများ အတွက်မူ ပင်စိမ်းရွက် ၁၂ ကျပ်သားကို ရေ တစ်ပုလင်းတွင် အထက်ပါနည်းအတိုင်း ဖျော်စပ် အသုံးပြုနိုင်ပါသည်။

ကိုးကား- ဘက်စုံ သီးနှံ ဖျက်ပိုးကာကွယ်နှိမ်နင်းနည်း (FSWG)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ