ကုန်ကျစရိတ်သက်သာစွာနဲ့ မင်္ဂလာပွဲကျင်းပနိုင်ဖို့

အားလုံးပဲမင်္ဂလာပါ။ ဒီနေ့တော့ လက်ထပ်ဖို့စီစဉ်ထားကြသူတွေအတွက် ရေးသားတင်ပြခြင်းပါ။ မင်္ဂလာဆောင်တစ်ပွဲလုပ်ဖို့ဆိုရင် ပျမ်းမျှအားဖြင့် သိန်း ၃၀-၄၀ လောက်ကုန်ကျပါတယ်လို့ ပြောကြပါတယ်။ အကြံပေးအချက်အလက် ၁၀ ခုကိုပြောပါရစေ။

(၁) ကိုယ့် ဘက်ဂျက်က ၅ သိန်းပဲဖြစ်ဖြစ် သိန်း ၅၀၀ ပဲဖြစ်ဖြစ် အရေးအကြီးဆုံးကတော့ ဦးစားပေးရမယ့်အရာတွေ စာရင်းပြုလုပ်ဖို့ လိုပါတယ်။ များများသုံးချင်တာတွေ၊ မလိုအပ်တာတွေလျော့လိုက်တာ၊ ဖယ်လိုက်တာတွေ လုပ်ထားပါ။

(၂) နှစ်ဦးနှစ်ဖက်စလုံး  အနီးစပ်ဆုံး မိသားစု မိတ်ဆွေသူငယ်ချင်းတွေ ဖိတ်ကြားမယ့်လူစာရင်းအသေးစိတ် လုပ်ထားပါ။ လာမလာမြန်မြန်ဖြေကြားခွင့်ယူကြပါ။ နေရာတွေအားလုံးက လူအရေအတွက်နဲ့ စရိတ်တွက်ချက်တာဖြစ်တဲ့အတွက် နောက်ဆုံးအထိ အချိန်ဆွဲပြီးမှ ဖိတ်ရင် ကုန်ကျစရိတ်တွေ ဆုံးရှုုံးပါလိမ့်မယ်။

(၃) ဝန်ဆောင်မှုပေးသူများအချင်းချင်း အမြဲတမ်း နှိုင်းယှဥ်ပါ။ စျေးချိုအောင် တောင်းဆိုပါ။ စောစောစီစဉ်ရင် တောင်းဆိုမှုများ ပိုရရှိနိုင်ပါလိမ့်မယ်။ ပိုလုပ်ပေးနိုင်အောင် ပြောကြည့်ပါ။ အရေးပေါ်ပြသာနာများပေါ်လာနိုင်တဲ့အတွက် နောက်ကျောသူ back-up လူတွေကို ရှာထားပါ။

(၄) ဘက်ဂျတ်မရှိရင် ကိုယ့်အတွက်သိပ်အရေးမကြီးဘူးဆိုရင် စနေတနင်္ဂနွေပိတ်ရက်တွေမရွေးချယ်သင့်ပါ။ ငွေသက်သာပါလိမ့်မယ်။ မနက် နေ့လည် ညနေ အချိန်ရွေးပါ။ တခြား ပိုဦးစားပေးချင်တဲ့အရာတွေအတွက် သုံးဖို့ ငွေပိုထွက်လာပါလိမ့်မယ်။

(၅) အမျိုးသမီးတွေအတွက်ကတော့ မင်္ဂလာစုံဝတ်စုံဟာ အရမ်းအရေးကြီးပါတယ်။ ဒီဇိုင်နာတွေဆီကဝယ်မယ်ဆိုရင် ကုန်ကျစရိတ်အရမ်းများ ပါလိမ့်မယ်။ မြန်မာပြည်တွင်းက ကျော်ကြားတဲ့ဒီဇိုင်နာတွေကအထည်အမျိုးသမီးတွေအတွက်ကတော့ မင်္ဂလာစုံဝတ်စုံဟာ အရမ်းအရေးကြီးပါတယ်ချုပ်ကိုင်ပေးရင် နည်းနည်းပဲကုန်ကျမှာပါ။ ဒီဇိုင်းလေးတွေ ရှာဖွေပြီး ကိုယ်နဲ့အဆင်ပြေမယ့်စက်ချုပ်ဆိုင်နဲ့ အသေးစိတ်ဖော်ပြပြီး လုပ်ဆောင်ကြည့်ပါ။

(၆) ပန်းပင်တွေ၊ ပန်းပွင့်အစီအစဉ်တွေဟာလဲ အခုဆိုရင် အရမ်းလူကြိုက်များပါတယ်။ အစစ်တွေပဲအားလုံးသုံးမယ့်အစား အစစ်အတုပေါင်းသုံးလို့ ရပါတယ်။ တကယ်ပြောရမယ်ဆိုရင် ဘယ်သူမှလဲသေချာမသိကြပါဘူး။ မှတ်မိမှာလဲမဟုက်ကြပါဘူး။ အခမ်းအနားအစီအစဉ်တဲ့နေရာတွေမှာလဲ အပြောင်းအလဲပြုလုပ်လို့ ရပါတယ်။ ပြီးတော့ရာသီအလိုက် ထွက်တဲ့ ပန်းတွေပဲပိုသုံးရင်းနဲ့ စျေးမများအောင်လုပ်လို့ ရပါတယ်။

(၇) ဘူဖေးကျွေးရင် ပိုက်ဆံကုန်တာ နည်းသွားပါလိမ့်မယ်။ တစ်ဦးချင်းဆီစားပွဲဝိုင်းမှာ လိုက်ကျွေးမယ်ဆိုရင်လဲ ရွေးချယ်မှုမများအောင်လုပ်ပါ။ အများအားဖြင့် ပြင်ဆင်စရာနည်းလေ လုပ်ဆောင်မှုပေးရမယ့် ဝန်ထမ်းစရိတ်သက်သာသွားပါမယ်။

(၈) အခမဲ့စီးဆင်းမှုမျိုးနဲ့ ဘားဖွင့်ထားမယ်ဆိုရင် ထပ်ကုန်မှာပါ။ အအေး၊ အချိုရည်၊ ဘီယာ၊ ဝိုင် နှင့် အထူးစီစဉ်ထားတဲ့ ကော့တေးလိုမျိူးပဲ ရွေးချယ်ခွင့်လုပ်လိုက်ပါ။

(၉) တတ်နိုင်သမျှ ငှားသုံးပါ။ ဝယ်ယူရင် ဘယ်မှာထပ်သုံးလို့ရမလဲ သေချာစဉ်းစားပါ။ ကိုယ်ကအနုပညာ လက်မှုပညာ ကျွမ်းကျွမ်းကျင်တယ်ဆိုရင် ကိုယ်တိုင်လုပ်လို့ရတာတွေ အများကြီးရှိပါတယ်။ ဖိတ်စာလွှာ၊ ဓာတ်ပုံ၊ စာအိတ်၊ ပန်းချီ စသည်ဖြင့် ကိုယ်ပိုင်ထိတွေ့မှုလေးတွေနဲ့ ဝင်လုပ်ရင်ကောင်းပါတယ်။ စရိတ်သက်သာမှာပါပဲ။

(၁၀) မင်္ဂလာဆောင်စီစဉ်ပေးသူတွေက အပိုကုန်ကျမယ်လို့ ထင်တာတွေ ရှိပါတယ်။ ဒါပေမယ့် တကယ်တော့ ကိုယ့်ခေါင်းရှုပ်စေမယ့် ကိစ္စတွေကို ပိုက်ဆံပေးပြီး ထုတ်ပစ်လိုက်တာပါပဲ။ ကိုယ်ကအခုမှလက်ထပ်ဖို့ စီစဉ်တဲ့အတွက် လက်တွေ့အတွေ့အကြုံ နည်းပါတယ်။ သူတို့ဆီမှာ ရှိနေတဲ့ ချိတ်ဆက်ပေးနိုင်တဲ့ ဝန်ဆောင်မှုတွေ၊ စုံစမ်းချက်တွေ အသိအမြင်တွေက အများကြီးရှိပါတယ်။ ဘက်ဂျက်ရှိရင်သုံးပါ။

စိတ်ဖိစီးမှုနည်းပြီး မင်္ဂလာဆောင်နိုင်ကြပါစေလို့ ဆုတောင်းပေးလိုက်ပါတယ်။

Source: Mother Finance

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Read more

Facebook page သို့သွားရန်