မွေးမြူရေးကြက်များ ရောဂါမဝင်စေရန် ကြိုတင်ကာကွယ်သင့်သည့်အချက်များ

ရောဂါကာကွယ်ခြင်းသည် အောင်မြင်သော အသားစားကြက်မွေးမြူရေတွင် အဓိကအကျဆုံး အချက်ဖြစ်သည်။ ကြက်များငယ်စဉ်တွင် ကိုယ်ခံအားနည်းသဖြင့် ရောဂါဝင်နိုင်ချေ မြင့်မားသည်။ ရောဂါများ ဖြစ်ပွားခြင်းသည် ထုတ်လုပ်မှုကို ဆိုးရွားစွာ ထိခိုက်နိုင်ပါသည်။ သေဆုံးမှုနှင့် စီးပွားရေးအရ ဆုံးရှုံးမှုကာကွယ်ရန် သင့်လျော်သော ကာကွယ်ဆေးထိုးပေးပြီး ခုခံအားမြှင့်တင် ပေးရမည်။

ရောဂါကာကွယ်ရန်အတွက်

(၁) အဖြစ်များလေ့ရှိသည့် ရောဂါများကို သိရှိရန်နှင့် သင့်လျော်သည့် ကာကွယ်ဆေးထိုး အစီအမံများ ချမှတ်ရမည်။

(၂) ကြက်ခြံသည် မြင့်ပြီးခြောက်သွေ့ရမည်။ ကောင်းမွန်သော အညစ်အကြေးစွန့်ပစ်မှုနှင့်အထူလမ်း အနည်းဆုံး (၃၀) မီတာကွာသင့်သည်။

(၃) ကြက်များကို သင့်တော်သည့် နေရာအကျယ်အဝန်းနှင့် လိုအပ်သည်များထားပေးရမည်။ ကြက်များ ရောင်းချပြီးသည်နှင့် ခြံကိုပိုးသတ်ဆေးများဖြင့် သေချာသန့်ရှင်းပေးထားပြီး အတိုင်းအတာတစ်ခုအထိ ခြံကိုကြက် မမွေးဘဲထားရမည်။

(၄) ကြမ်းပြင်ကို ချောမွေ့အောင် ကွန်ကရစ်ခင်းပေးထားရမည်။ (သန့်ရှင်းလွယ်အောင်)

(၅) ခြံအဝင်တွင် ပိုးသတ်ဆေးကန်ပြုလုပ်ပေးထားပြီး အလုပ်သမားများ ၎င်းအပေါ်မှဖြတ်ဝင်ရန်နှင့် ခြံ အတွင်းစီးရန် သီးသန့်ရှုးဖိနပ်များ ထားပေးရမည်။

(၆) လေဝင်လေထွက်ကောင်းမွန်နေရမည်။

(၇) အခင်းများကို ကောင်းမွန်ရန်နှင့် လိုအပ်ပါက အသစ်လဲပေးရမည်။

(၈) အစာခွက်ထဲ ကျန်ရှိနေသော အစာများမပုပ်သိုးစေရန် အစာကျွေးချိန်များ နီးကပ်ရမည်။

(၉) ကြောင်၊ ကြွက်၊ ခွေးစသည်တို့ မဝင်အောင် ကာကွယ်ထားရမည်။

(၁၀) အချိန်ကာလပိုင်းခြား၍ အပြင်ကပ်ပါးပိုးသတ်ဆေးများကို အသုံးပြုရမည်။

(၁၁) ကြက်သေ (သို့) နေမကောင်းသော ကြက်များအား ချက်ချင်းဖယ်ရှားပစ်ရန်နှင့် အနက် (၁)မီတာ ကျော်တွင် မြှင့်ပေးရမည်။

ref: စိုက်ပျိုးပညာပေးရေးနဲ့ ကျေးလက်ဒေသဖွံ့ဖြိုးရေး သင်တန်းကျောင်းမှထုတ်ဝေတဲ့ ခေတ်မီ မွေးမြူရေး နည်းပညာများ စာအုပ်မှကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ