သွေးတွင်း အောက်ဆီဂျင်တက် လာဖို့

ပုံမှန်ပက်လက် အိပ်နေတဲ့ အနေအထားက ကိုဗစ်လူနာအတွက် အန္တရာယ်များလှပါတယ်။ အကြောင်းကတော့ အဆုတ်ရဲ့ လေအိပ်လေးတွေပိနေပြီး အောက်ဆီဂျင်ကို ကောင်းကောင်းမရလို့ပါပဲ။ ဒါကြောင့် prone positionလို့ခေါ်တဲ့ မှောက်ရက်အနေအထားနေနည်းက အဆုတ်ရဲ့ လေအိပ်တွေပွင့်စေပြီး သွေးတွင်းအောက်ဆီဂျင်ကို ပိုရစေပါတယ်။

အသက်ကြီးတဲ့ လူနာတွေ ၊ အရိုးအဆစ်နဲ့ဆိုင်တဲ့ ရောဂါရှိတဲ့လူနာတွေ၊ လည်ပင်းကျီးပေါင်း ခါးကျီးပေါင်း တွေအနေနဲ့ကျ ပုံစံတစ်မျိုးတည်းမှာ အကြာကြီးမနေနိုင်ကြပါဘူး။

နိုင်ငံတကာ စံချိန် စံနှုန်းတွေမှာလည်း မှောက်လျက်အနေအထားကို ၄ နာရီမှောက်ပြီး ၁ နာရီနား ပုံစံနဲ့ တစ်ရက်မှာ (၁၆) နာရီ မှောက်လျက်နေကြပါတယ်။ ဒါကြောင့် သက်တောင့်သက်သာနဲ့ နေနိုင်ဖို့ မှောက်နည်းလေးတွေပြောပြပေးပါမယ်။

ဆိုဒ်တူတဲ့ ခေါင်းအုံး ( ၆ ) လုံးရှိရင်တော့ ပိုအဆင်ပြေပါတယ်။

ခေါင်းအုံး ဖက်လုံး၊ စောင်ကဲ့သို့ နူးနူးညံညံ့ အရာများနှင့် အစားထိုးပါ။

အဆင့်၁။

လူနာကို ပုံမှန်အနေအထားနဲ့ အရင်ထားပါ။

အဆင့်၂။

လူနာ၏ကပ်လျက်ဘေးမှာ ဒီပစ္စည်းတွေ ပြင်ဆင်လိုက်ပါ။

မျက်နှာအောက် ခေါင်းအုံး (၁) လုံး

ရင်ဘက်အောက် ခေါင်းအုံး (၂) လုံး

စည်းခုံအောက် ခေါင်းအုံး (၂) လုံး

ခြေသလုံးအောက် ခေါင်းအုံး (၁ )လုံး

၃။ လူနာကို ဖြေညင်းစွာ တစ်စောင်းစောင်းစေပါ။ (စောင့်မည့်ဘက်မှခြေထောက်ကိုချထား၍ နောက်ခြေထောက်တစ်ချောင်းကို ဒူးထောင်လိုက်ပြီးမှ စောင်းခြင်းသည် လူနာအတွက် ပို၍ သက်တောင့်သက်သာဖြစ်စေပါသည်)

၄။လူ (၂)ဦး အကူအညီနှင့် ကျောမှထိန်းပေး၍ ခေါင်းအုံးများပေါ်သို့ မှောက်စေပါ။

သတိပြုရန် - မှောက်လျက် ဖြစ်နေသော လူနာ၏ ဗိုက်အောက်တွင် လက်လျို၍ ရလောက်သည်အထိ လွတ်နေရပါမည်။ ဝမ်းဗိုက်သည် ခေါင်းအုံးများနှင့်လွတ်နေမှသာ အသက်ရှူသည့်အခါ လေရမည်ဖြစ်ပါသည်။

ကိုဗစ်လူနာအား ဤပုံစံအတိုင်း ထားပေးခြင်းသည် သွေးတွင်း အောက်ဆီဂျင် လျော့ကျမှုကို ကာကွယ်ပေးနိုင်ပါသည်။

Source- AYA Center

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ