ပဲမျိုးစုံ စိုက်ပျိုးထုတ်လုပ်မှု တိုးတက်ရေးအတွက် အပိုင်း(၁)

ပဲမျိုးစုံသီးနှံများ တိုးချဲ့စိုက်ပျိုးရာတွင် ထုတ်လုပ်မှုတိုးတက်ရေးနှင့် အထွက်နှုန်းတိုးတက်စေရေးအတွက် လုပ်ဆောင်သိထားရမည့်အချက်များကို ဖော်ပြလိုပါတယ်။

စိုက်ဧရိယာတိုးချဲ့စိုက်ပျိုးထုတ်လုပ်ရေးအတွက်...

အလင်းတုံပြန်မှု

ပဲမျိုးစုံသီးနှံအများစုသည် အလင်းရောင်တုံ့ပြန်မှု အနည်းအများရှိကြပါသည်။ လိုအပ်သော အလင်းတာထက်နည်းခြင်း၊ များခြင်းများဖြစ်ပေါ်လာပါက အထွက်နှုန်းကျဆင်းစေသည်။ ထို့ကြောင့် ဧရိယာတိုးချဲ့ခြင်းအတွက် သင့်တော်သည့်မျိုးများရွေးချယ်စိုက်ပျိုးရန်လိုအပ်ပေသည်။

အပူချိန်တုံ့ပြန်မှု

အချို့ပဲသီးနှံများမှာ အပူချိန်တုံ့ပြန်မှုရှိသည်။ သင့်တင့်မျှတသော ပတ်ဝန်းကျင်အပူချိန်မရရှိပါက အပင်ဖြစ်ထွန်းမှုနည်းသဖြင့် ဧရိယာတိုးချဲ့စိုက်ပျိုးရန် ကန့်သတ်ချက်ဖြစ်ပေါ်နိုင်သည်။ ပဲသီးနှံအမျိုးအစားအလိုက်လိုအပ်သော အပူချိန်ကို ရရှိအောင် စိုက်ပျိုးနိုင်ရန် လိုအပ်ပေသည်။

အစိုဓာတ်

ပဲသီးနှံများကို ပထမသီးနှံရိတ်သိမ်းပြီးချိန်တွင် မြေတွင်းလက်ကျန်အစိုဓာတ်ဖြင့် သီးထပ်သီးနှံအဖြစ် စိုက်ပျိုးလေ့ရှိသည်။ ထိုသို့စိုက်ပျိုးရာတွင် ပထမသီးနှံစိုက်ချိန်နောက်ကျခြင်း၊ သက်တမ်းရှည်ခြင်းကြောင့် အစိုဓာတ်မလုံလောက်ခြင်းများဖြစ်သည်။ ထို့ကြောင့် သီးထပ်စိုက်ပျိုးရန် အကန့်အသတ်ရှိသည်။

စက်ကိရိယာသုံးစွဲခြင်း

သီးထပ်စိုက်ပျိုးရာတွင် မြေဧရိယာနည်းသည့်တောင်သူများအနေဖြင့် ကျွဲနွားအင်အားဖြင့် မြေယာပြုပြင်စိုက်ပျိုးခြင်း၊ အချိန်မီရိတ်သိမ်းခြင်း ပြလုပ်နိုင်သော်လည်း လုပ်ပိုင်ခွင့်ဧရိယာများပြားသည့် တောင်သူများအတွက် ကျွဲနွားအင်အားဖြင့် အချိန်မီမြေယာပြုပြင်စိုက်ပျိုးခြင်း၊ ရိတ်သိမ်းခြင်းပြုလုပ်ရန်အခက်အခဲရှိသည်။ သို့ဖြစ်၍ ဧရိယာတိုးချဲ့စိုက်ပျိုးရေးအတွက် စက်ကိရိယာများ အသုံးပြုရန် မဖြစ်မနေလိုအပ်သည်။

သီးကြိုရေလိုက်စနစ်

သက်တမ်းရှည်သော ကောက်လတ်၊ ကောက်ကြီး စိုက်ပျိုးသည့်ဒေသများတွင် စပါးရိတ်သိမ်းပြီး ပဲစိုက်ပျိုးနိုင်ခြင်း နည်းပေသည်။ သီးကြိုရေလိုက်စနစ်ဖြင့်သာ စိုက်ပျိုးနိုင်သည်။ ဧရိယာတိုးချဲ့စိုက်ပျိုးရေးအတွက် ဤစနစ်ကို ကျယ်ကျယ်ပြန့်ပြန့်အသုံးပြုရန် လိုအပ်သည်။

ရေဝပ်မှုဒဏ်မခံနိုင်ခြင်း

ပဲမျိုးစုံသီးနှံများမှာ အပင်သက်တမ်းတစ်လျှောက်ရေဝပ်မှုဒဏ်ကို မခံနိုင်ပေ။ သို့ဖြစ်၍ မိုးရာသီတွင် မိုးများသောဒေသများအတွက် စိုက်ပျိုးရန်ခက်ခဲသည်။

နည်းပညာများကို အောင်ဝင်းထွဋ်၏ “မြေပဲနှင့် အခြားပဲမျိုးစုံစိုက်ပျိုးနည်း” စာအုပ်မှ ကောက်နုတ်ဖော်ပြပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ