မိတ်ဆွေတောင်သူတွေကို viber ကနေ အစိမ်းရောင်လမ်းကိုတူတူသုံးဖို့ ဖိတ်ခေါ်လို့ရပါပြီ

အစိမ်းရောင်လမ်းပရိတ်သတ်တွေအနေနဲ့လည်း အင်တာနက်တွေ ကျေးလက်ဒေသတွေစီ စတင်ရောက်လာခဲ့တဲ့အချိန် ရင်းနှီးခဲ့တဲ့ ဘော်ဒါဟောင်းကြီးကတော့ Viber(ဗိုက်ဘာ) ဖြစ်မှာပါ။ အစိမ်းရောင်လမ်းဆော့ဝဲကို သုံးနေရင်း ကိုယ့်ဘော်ဒါအဟောင်းကြီးတွေကို သတိရရင် Viberကနေ လှမ်းခေါ်လိုက်လို့ရကြောင်း သတင်းကောင်းလေးလာပေးတာပါဗျ...

"လာ... သူငယ်ချင်းရေ ဒီဆော့ဝဲလေးထဲ မင်းသိချင်တာတွေရှိတယ် ။"

"ငါတော့ ဒီထဲကနည်းပညာတွေနဲ့ အဆင်ပြေနေတာဟေ့" ဆိုပြီးခပ်ကြွားကြွားလေးပြောချင်လည်း ပြောပေါ့ခင်ဗျာ ။

အသိမိတ်ဆွေ စိုက်ပျိုးရေးလုပ်ကိုင်သူတွေ၊ ဘော်ဒါဟောင်းသူငယ်ချင်းမ တွေရှိရင်လည်း အစိမ်းရောင်လမ်း စိုက်/မွေးဖုန်းဆော့ဝဲမှာ အိမ်တွင်းမုန့်လုပ်နည်းလိုအမျိုးသမီး ကဏ္ဍတွေ ပါဝင်ပါတယ်။

"မုန့်လုပ်နည်းတွေ ဝင်ကြည့်" ဆိုပြီး ဖိတ်ခေါ်ရင်း စကားပြောဖြစ်သွားရင်တော့ ....ငယ်သူငယ်ချင်းက ခုချိန်ထိအမှတ်တရရှိပေးတယ်ဆိုပြီး မုန့်တွေပို့ပေးနေအုံးမှာ..(သဘောပြောပြတာပါဗျ)

အစိမ်းရောင်လမ်းဆော့ဝဲထဲမှာ ကဏ္ဍမျိုးစုံရှိတာမို့ စိုက်ပျိုးရေးလုပ်နေတဲ့ဘော်ဒါတွေ၊ မွေးမြူရေးလုပ်နေတဲ့သူငယ်ချင်းတွေ၊ ဝိုင်လုပ်ကြည့်ဖို့စိတ်ဝင်စားတဲ့သူတွေကအစ တိုင်းရင်းဆေးအပင်စိတ်ဝင်စားသူမကျန်၊ အိမ်တွင်းအလှစိုက်ပင်လေးတွေ ချစ်တတ်တဲ့ မိတ်ဆွေတွေ စသည်ဖြင့် ညွှန်းပေးလို့ရပါတယ်ခင်ဗျ။ ဆော့ဝဲထဲကိုဝင်တဲ့အခါ 'ဝင်ရောက်သင့်သော ကဏ္ဍများ' မှာ ခရမ်းရောင်လေးနဲ့ Viber ပုံလေးကိုတွေ့ရပါလိမ့်မယ်(ပုံပါပြထားတဲ့အတိုင်း)

နှိပ်လိုက်တာနဲ့ Viber သုံးတဲ့ ဖုန်းနံပါတ်တွေမြင်ရပါလိမ့်မယ်ဗျ။ ပို့ချင်တဲ့သူရဲ့ဖုန်းနံပါတ်ကို နှိပ်လိုက်လို့ရပါတယ်ခင်ဗျာ။ သူငယ်ချင်းတွေဖိတ်တဲ့ပုံစံအစအဆုံးကိုလည်း အောက်ပါ ဗီဒီယိုမှာ ကြည့်ပါဗျ။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ