လဲမှို့ပင်ခေါ် သင်္ဘောလက်ပံပင်

လဲမှို့ပင်ကို သင်္ဘောလက်ပံပင်လို့လည်းခေါ်ပါသည်။ ရိုးရိုး လက်ပံ Bombax ပွင့်ရင် အနီရောင်စွေးစွေးမို့ လူတိုင်း လက်ပံပွင့်နေမှန်းသိကြသည်။ သင်္ဘောလက်ပံပန်းကမူ ပွင့်နေမှန်းတောင် မသိကြပါ။ အရွက် အဖူး အပွင့် အရောင်တွေက ရောနေသည်။ တစ်ပင်လုံး ဝေနေအောင် ပွင့်နေသော်လည်း လူတွေရဲ့စိတ်ကို ညွှတ်ပြောင်းအောင် မစွမ်းသာ။ အပွင့်အရောင်က အစိမ်းဘက်ကဲနေတာမို့ ရောထွေးနေသည်။ သဘောလက်ပန် အပွင့်ပွင့်တာကို မြင်ဖူးသူရှားပါလိမ့်မယ်။ သင်္ဘောလက်ပံအပင်တွေက ပွင့်ရင်သာမသိ ရှိမယ်။ အသီးသီးရင်တော့ လူတိုင်းသိကြသည်။ အသီးထဲက မှို့က တန်ဖိုးရှိတာမို့ အသီးမအက်ကွဲခင် ခူးဆွတ်ပြီးရောင်းကြသည်။ အညာမှာတော့ လဲမှို့ပင်လို့ အသိများကြသည်။ ခေါင်းအုံး မွှေ့ယာများလုပ်ရာမှာ လဲမှို့ကို အဓိက အသုံးပြုသည်။ သဘာဝလဲမှို့နှင့် လုပ်ထားသော ခေါင်းအုံး၊ မွှေ့ယာများက ကျမ်းမာရေးနဲ့ ညီညွတ်ပြီး ပိုပြီးစျေးကောင်းသည်။

အပင်သရုပ်

သင်္ဘောလက်ပံ အပင်သည် ယခင်က မျိုးရင်း Bombaceae ထဲမှာပါသော်လည်း ယခုအခါ မျိုးခွဲစံနစ်အရ မျိုးရင်း Malvaceae ထဲပြောင်းခဲ့ပြီဖြစ်သည်။ သင်္ဘောလက်ပံ အပင်သည် အပင်ကြီးမျိုးဖြစ်သည်။ အပင်နုစဉ် ဆူးငယ်များက ပင်စည်ပေါ်ရှိသော်လည်း ရင့်သောအခါမရှိတော့ချေ။ အရွက်က လက်ဝါးရွက်ပေါင်းဖြစ်ပြီး ရွက်မွှာ ၅ ကနေ ၉ အထိရှိတတ်သည်။ ပန်းခိုင်က ကြားထွက် fascicles ဖြစ်သည်။ ပန်းပွင့်အရောင်က creamy white ဖြစ်ကာ လိင်စုံသည်။ ၅ အဂါဆ ဖြစ်သည်။ ပွင့်ဖတ်အုံက ခွက်ပုံ campanulate urceolate ဖြစ်ကာ အဝိုက် ၅ ခုပါသည်။ ပွင့်ချပ် ၅ ခုပါသည်။ ဝတ်ဆံဖို ၅ ခုပါပြီး တစုစည်းဖြစ်သည် ပွင့်ချပ်အခြေကနေဆက်လို့နေသည်။ ဝတ်ဆံဖိုအိတ်တွေက တစ်ခန်းသာပါပြီး လိမ်နေသည်။ အစေ့အိမ်မှာ ကာပယ် ၅ ခုသာပါပြီး ဆက်နေကြသည် ။ အစေ့လောင်းများစွာပါသည်။ style က ထူးခြားစွာ contoted ဖြစ်နေသည်။ ဝတ်မှုံခံထိပ်ပိုင်းက ၅ ခုကွဲလို့နေသည်။ အသီးကအက်ကွဲသီး အမျိုးအစား ဖြစ်ပြီး ၁၅ စင်တီမီတာခန့်ရှည်သည်။ အသီးထဲမှာ အစာများစွာနှင့်အတူ ပိုးသားလို နုညံ့သော အမွှေးတွေပါ ပါသည်။

သင်္ဘောလက်ပံပွင့်ကို မြင်ဖူးကြလား...။

ကိုသက်နိုင်ဦး

ဟုမ္မလင်း

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ