သဘာဝဆေးနဲ့ ကျောက်ကပ်ဆေးမယ်

နံနံပင်နဲ့ကျောက်ကပ်ဆေးလို့ရတယ်ဆိုပါလား။ ကိုယ်လည်းမသိခဲ့ဘူး။ ဆက်ဖတ်ကြည့်ရအောင်နော်.......

ကျောက်ကပ်က သွေးထဲရှိ အဆိပ်အတောက်တွေအားလုံးကို ဖယ်ရှားပေးပါတယ်။ တိုးတက်ဖွံ့ဖြိုးလာတဲ့အမျှ ကျန်းမာရေးနဲ့မညီညွတ်တဲ့ နေထိုင်မှုပုံစံတွေ ကျင့်သုံးလာတဲ့အတွက်ကြောင့် လူ့ခန္ဓာကိုယ်ထဲမှာ အဆိပ်အတောက်တွေစုပြုံလာပါတယ်။

ဒါကြောင့် ဒီခန္ဓာကိုယ်ထဲရှိ အဆိပ်အတောက်တွေကို ဖယ်ရှားဖို့လိုအပ်လာပါတယ်။

ကျောက်ကပ်မှာ ကျောက်တည်တာတွေ၊ အဆိပ်အတောက်တွေများလာရင် ကျောက်ကပ်ပျက်စီးတာတွေ ဖြစ်လာနိုင်ပါတယ်။ ဒါကြောင့် သဘာဝနည်းဖြင့် ကျောက်ကပ်ကို ဆေးပေးဖို့လိုအပ်ပါတယ်။ နံနံပင်ကတော့ ခန္ဓာကိုယ်ထဲက အဆိပ်အတောက်တွေကို ဖယ်ရှားဖို့ အကောင်းဆုံးပဲ ဖြစ်ပါတယ်။

နံနံပင်

နံနံပင်မှာ ဗီတာမင် K, C ,A နဲ့ ဖောလစ်အက်ဆစ်၊ သံဓာတ် စတာတွေပါဝင်တာကြောင့် ကျောက်ကပ်ထဲက အဆိပ်အတောက်တွေကို အစွမ်းထက်ထက်နဲ့ ဖယ်ရှားပေးနိုင်ပါတယ်။

အဲ့ဒီအပြင် ကျောက်ကပ်ထဲမှာ ကျောက်တည်တာတွေကိုလည်း ဖယ်ရှားပေးနိုင်ပါတယ်။

နံနံပင်က ဆီးရွှင်စေပြီး ဆီးသွားတဲ့နှုန်းကို များအောင်လုပ်ပေးနိုင်တာကြောင့် ကျောက်ကပ်ထဲမှာရှိတဲ့ ကျောက်တွေကို ဖယ်ရှားပေးနိုင်ပါတယ်။ အဲ့ဒီအပြင် ကျောက်ကပ်ထဲမှာ ဆားတွေ အနယ်ထိုင်ပြီး ကျောက်မတည်အောင်လည်း ကူညီပေးပါတယ်။ အဲ့ဒီအပြင် စိတ်တည်ငြိမ်အောင်လည်း ကူညီပေးနိုင်ပါတယ်။

ကျောက်ကပ်အတွက် နံနံပင်ရေနွေးကြမ်း

ဒီနံနံပင် ရေနွေးကြမ်းအတွက် တတ်နိုင်ရင် နံနံပင်အရွက်အစိမ်းကိုသုံးပါ။ မရှိမှသာ အခြောက်ခံထားတဲ့ နံနံ့ပင်ကိုသုံးပါ။

ပါဝင်ပစ္စည်းများ

နံနံပင် တစ်စည်း

ရေ (၈) ခွက်

ပျားရည် လက်ဖက်ရည်ဇွန်း (၂) ဇွန်း

သံပုရာသီး တစ်ဝက်

ပြုလုပ်နည်း

နံနံပင်ကို စင်အောင်ဆေးကြောပြီး အပိုင်းကြီးကြီးလှီးပါ။ ဇလုံတစ်ခုထဲထည့်ပြီး ရေလောင်းချပါ။ မီးဖိုပေါ်တင်ကာ ၁၀ မိနစ်လောက်ဆူပွက်စေပါ။ အရည်ကိုဘဲယူထားပြီး အအေးခံလိုက်ပါ။ သံပုရာသီးနဲ့ ပျားရည်ကိုထည့်ပါ။ တစ်နေ့ကို ၁ ခွက် (သို့မဟုတ်) ၂ ခွက်သောက်ပါ။ ကျန်ရှိနေတဲ့ အရည်တွေကို ရေခဲသေတ္တာထဲမှာ (၁) ပတ်လောက် သိမ်းထားနိုင်ပါတယ်။

နံနံပင်မှာ ဘေးထွက်ဆိုးကျိုးမရှိပေမယ့် ကိုယ်ဝန်ဆောင်အမျိုးသမီးတွေမှာတော့ ဓမ္မတာလာပြီး ကိုယ်ဝန်ပျက်ကျနိုင်တတ်တာကြောင့် မသောက်သုံးသင့်ပါဘူး။ သွေးတိုးကျတဲ့ဆေးဝါးတွေ သောက်သုံးနေသူတွေကလည်း မသောက်သင့်ပါဘူး။

https://myfoodmyanmar.com/how-to-cleanse-your-kidneys-alm…/…

Credit to:-)မူရင်းပိုစ့်:-https://myfoodmyanmar.com/

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ