ကောင်းမွန်ခိုင်မာသောဈေးကွက်ဆီသို့ဦးတည် GAP

ENI ဖောင်ဒေးရှင်း၏ ကူညီပံ့ပိုးမှုဖြင့် မကွေး၊ မင်းလှ၊ မြို့သစ် ဒေသများတွင် အကောင်အထည်ဖော် ဆောင်ရွက်လျက်ရှိသော PC Myanmar ၏ စီမံကိန်းမှ ရေဒီယိုထုတ်လွှတ်မှု အစီအစဉ်ပဲဖြစ်ပါတယ်။

GAP ဆိုတာကတော့ ကျွန်မတို့ရဲ့ တောင်သူများသိရှိထားပြီဖြစ်တဲ့ ကောင်းမွန်သောစိုက်ပျိုးရေးဆိုင်ရာ အလေ့အကျင့်ကောင်းများ(GAP) ပါပဲ။

GAP စနစ်ဆောင်ရွက်ရခြင်းရဲ့ အဓိကရည်ရွယ်ချက်ဖြစ်တဲ့

(၁) ထုတ်လုပ်တဲ့ သီးနှံအရည်အသွေးကောင်းမွန်ရမယ်။

(၂) စားသုံးသူ ဘေးအန္တရာယ်ကင်းရှင်းရမယ်။

(၃) ပတ်ဝန်းကျင်ထိခိုက်မှု အနည်းဆုံးဖြစ်ရမယ်။

(၄) လုပ်သားများရဲ့ ကျန်းမာရေးထိခိုက်မှု အနည်းဆုံးဖြစ်ရမယ်။ ဆိုတဲ့ အခြေခံအချက်များတဲ့အညီ စိုက်ပျိုးထုတ်လုပ်သူအတွက် ဈေးကွက်ခိုင်မာမှုရော စားသုံးသူများအတွက် ကျန်းမာရေးထိခိုက်နစ်နာမှုအတွက်ပါ အကျိုးရှိနိုင်တဲ့ GAP စိုက်ပျိုးထုတ်လုပ်နည်းအကြောင်း ဆွေးနွေးပေးထားတာပါ။ မကွေးတိုင်းဒေသကြီး စိုက်ပျိုးရေး မွေးမြူရေးနှင့်ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာန၊ ဒု - တိုင်းဒေသကြီးဦးစီးမှူးမှ မကွေးတိုင်းဒေသကြီးအတွင်း GAP စနစ်ဖြင့် စိုက်ပျိုးထုတ်လုပ်လျက်ရှိသော နှမ်း၊ မြေပဲသီးနှံများနဲ့ ဝါသီးနှံ စိုက်ပျိုးမှုအခြေအနေကို ဆွေးနွေးပေးထားတဲ့ PC မြန်မာရဲ့ ရေဒီယီုထုတ်လွှင့်မှုအစီအစဉ်ကို အစိမ်းရောင်လမ်း၏တောင်သူများ ဗဟုသုတရစေရန်အတွက် တင်ဆက်ပေးလိုက်ရပါတယ်ရှင်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ