လူ၊ တိရိစ္ဆာန်နှင့် ပတ်ဝန်းကျင် ထိခိုက်မှုအနည်းဆုံးဖြစ်‌အောင် ဘယ်လိုကာကွယ်ကြမလဲ

အပင်တွေမှာ ကျရောက်တတ်တဲ့ရောဂါတွေကို အကောင်းဆုံးကာကွယ်ဖို့ဆိုရင်တော့ အချက် - ၉ ချက် လုပ်ဆောင်ဖို့လိုအပ်ပါတယ်။ အချက် ၉ ချက်ကိုလည်း ဖော်ပြပြီးပြီပဲဖြစ်ပါတယ်။

ဒီလိုအချက်တွေ လုပ်ပေမဲ့လည်း တစ်ခါတစ်ရံမှာ မှိုသတ်ဆေးတွေ၊ ဘက်တီးရီးယားသတ်ဆေးတွေ စသဖြင့် အသုံးပြုဖို့လိုအပ်လာပါတယ်။ အဲ့လိုအချိန်မှာဆိုရင် လူတွေကို ထိခိုက်မှုအနည်းဆုံးဖြစ်စေမဲ့ ကာကွယ်ကုသတဲ့ပစ္စည်းတွေကို အသုံးပြုနိုင်ပါတယ်။ ဥပမာ - မုန့်ဖုတ်ဆိုဒါမှုန့်၊ ဘော်ဒိုဆေးရည်၊ lime - sulphur၊ ဆီလီဂိတ်ဆားများ၊ သက်ရှိဖြင့် ပြန်ကာကွယ်ခြင်း စသဖြင့် အသုံးပြုလို့ရပါတယ်။

ဒါပေမဲ့လည်း အသုံးပြုတဲ့အခါမှာ သင့်တော်တဲ့အချိန်၊ အပင်လက်ခံနိုင်မှု စသဖြင့် စဉ်းစားချင့်ချိန်ပြီး အသုံးပြုရပါမယ်။

မှိုရောဂါများကို ထိန်းချုပ်ခြင်း

အပင်တွေမှာဖြစ်စေတဲ့ ရောဂါအများစုဟာ မှိုတွေကြောင့်ဖြစ်တာများပါတယ်။ မှိုမျိုးစေ့ ၈၀၀၀ ကျော်ဟာ အပင်ရဲ့မြေအပေါ်ပိုင်းမှာ ရောဂါဖြစ်စေတဲ့သက်ရှိတွေလို့ သိရပါတယ်။ မှိုသတ်ဆေးအများစုမှာ အောက်မှဖော်ပြထားသကဲ့သို့ ကာကွယ်ဖို့အတွက်အသုံးများပြီး၊ ရောဂါဖြစ်‌စေတဲ့ ပစ္စည်းတွေနဲ့ အပင်တစ်ရှူးတွေကြားမှာ အတားအဆီးတစ်ခုအနေနဲ့ ကာကွယ်ပေးတာက များပါတယ်။ နောက်တစ်ချက်က အပင်က အရွက်သစ်လေးတွေမထွက်မီ (သို့မဟုတ်) အပင်ရဲ့ ခံနိုင်ရည်မဲ့တဲ့အပိုင်းလေးတွေ မဖြစ်လာခင်မှာ ရောဂါလက္ခဏာစပြတယ် (သို့) ရောဂါကြိုက်တဲ့ ပတ်ဝန်းကျင်အနေအထားဖြစ်နေတယ် စတဲ့အချိန်မှာ မှိုသတ်ဆေးအများစုကို အသုံးပြုကြရပါတယ်။

မှိုသတ်ဆေးတွေအနေနဲ့ကတော့

၁။ ကော့ပါးနှင့် ဆာလဖာ Copper & Sulphur

ဆာလာဖာ၊ Lime- sulphur၊ ဘော်ဒိုဆေး‌ရည် (ကော့ပါးဆာလဖိတ်နဲ့ ထုံးပေါင်းထားခြင်း) တွေကို မှိုသတ်ဆေးအဖြစ် ရှေးနှစ်ပေါင်းတစ်ရာလောက်ကတည်းက အသုံးပြုလာကြတာပါ။ သူတို့အကုန်လုံးဟာ နို့တိုက်သတ္တဝါတွေကို အဆိပ်သင့်စေတာဖြစ်လို့ အသုံးပြုတဲ့အခါ စနစ်တကျ အသုံးပြုရပါမယ်။

ဘော်ဒိုဆေးရည်ကတော့ မှိုရော ဘက်တီးရီးယားကိုပါ ကာကွယ်‌နိုင်ပါတယ်။ ဥပမာ - ရွက်ပြောက်ရောဂါ (Leaf spot)၊ ပန်းသီးအကြေးခွံရောဂါ (apple scab)

ဘော်ဒိုဆေးရည်မှာပါတဲ့ ကော့ပါးဆာလဖိတ် (Copper sulphate ) ဟာ acidic (အချဉ်ဓာတ်) ဖြစ်ပြီး ထုံး (lime) ဟာ alkaline (အငန်ဓာတ်) ဘက်သွားတာဖြစ်လို့ နှစ်ခုပေါင်းခြင်းဖြင့် acidic salt ကို ဓာတ်ပြယ်တဲ့အခြေအနေတစ်ခုသို့ ရောက်ရှိစေတာပဲဖြစ်ပါတယ်။ ဘော်ဒိုကို ဆေးရည်အပြင်၊ အမှုန့်အနေနဲ့ပါ အသုံးပြုလို့ရပါတယ်။

ဆာလဖာကိုတော့ ကာကွယ်မှိုသတ်ဆေးအဖြစ် ပန်းသီးအကြေးခွံရောဂါ၊ အညိုရောင်ပုပ်တဲ့ရောဂါ (brown for)၊ ကြပ်ခိုးမှိုရောဂါ၊ နှင်းဆီမှာကျရောက်တဲ့ အနက်ရောင်အစက်အပြောက်ရောဂါ (rose black rot)၊ သံချေးရောဂါ (rust) နဲ့ အခြားရောဂါတွေကိုကာကွယ်ဖို့ အသုံးပြုနိုင်ပါတယ်။ Sulfur ကို အမှုန့်ရော အရည်ပါ အသုံးပြုနိုင်ပြီး သူက အက်ဆစ်ဓာတ်များတာဖြစ်လို့ အသုံးပြုသူရဲ့ မျက်လုံးနဲ့ အဆုတ်ကို ထိခိုက်နိုင်တဲ့အတွက် စနစ်တကျ ကိုင်တွယ်အသုံးပြုပါ။ ဆာလဖာကို အသုံးမပြုလိုပါက oil spray ဖျန်းလို့ရပါတယ်။ ဆာလဖာကတော့ အပူချိန် ၈၀ ဒီဂရီဖာရင်ဟိုက်ကျော်ပါက အပင်ကို ထိခိုက်နိုင်ပါတယ်။

ထုံးကို ဆာလဖာနဲ့အတူထည့်ပီး အသုံးပြုပါက အပင်တစ်ရှူးထဲထိ စုပ်ယူမှုအားကောင်းစေပြီး သူ့ရဲ့အရောအနှောဟာ ပိုပီး caustic (ဆပ်ပြာ) ဆန်သွားစေပါတယ်။ စနစ်တကျ ကိုင်တွယ်အသုံးပြုဖို့တော့ မမေ့ပါနဲ့။

အဆိပ်အတောက်အနည်းဆုံး ကာကွယ်နိုင်မယ့်ပစ္စည်းတွေက ဘာတွေလဲ

- မုန့်ဖုတ်ဆိုဒါမှုန့်

- ဖော့စဖိတ်

- ဆီလီကာ

- ဟင်းသီးဟင်းရွက်ဆီ

- Mineral oil solution

- တမာဆီ

- ဆပ်ပြာ

- ကြက်သွန်ဖြူ တို့ပဲဖြစ်ပါတယ်။ တစ်ခုချင်းစီရဲ့ အသုံးပြုပုံတွေ ကာကွယ်နှိမ်နင်းနည်းတွေကို နောက်ဆောင်းပါးမှာ ထပ်ဖော်ပြပေးသွားပါ့မယ်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ