ရေသောက်နည်းခြင်းနဲ့ ဉာဏ်ရည်နိမ့်ကျမှု

    ရေသောက်နည်းခြင်းဟာ ဉာဏ်ရည်နိမ့်ကျမှုနဲ့ဆက်စပ်ကြောင်း အမေရိကန်ပြည်ထောင်စု၊ တက္ကဆက်ပြည်နယ်မှာရှိတဲ့ တက္ကသိုလ်တစ်ခုက သုတေသနပြုလုပ်လို့ ထုတ်ပြန်ခဲ့ဖူးပါတယ်။ ၂၀၁၄ နှစ်ကုန်ပိုင်းလောက်တုန်းကဖြစ်ပါတယ်။ ယင်းသုတေသနအရ အောက်ပါအတိုင်းဖြစ်ပါတယ်။ လူတွေဟာ ၎င်းတို့ရဲ့ခန္ဓာကိုယ်မှာ ရေဓာတ် ၁ ရာခိုင်နှုန်းကနေ ၂ ရာခိုင်နှုန်းလောက်ထိ လျော့ကျသွားရင် ရေလျော့လို့လျော့မှန်း မသိကြသေးပါဘူး။

    ဒါ့ကြောင့်မို့ အများစုဟာ ရေကို ဆာမှသောက်သုံးကြပါတယ်။​ အမှန်တော့ ယင်းဟာ ကောင်းတဲ့အကျင့်မဟုတ်ပါဘူး။ ရေကို ဆာမှ သောက်သုံးခြင်းဟာ ခန္ဓာကိုယ်ရဲ့အစိတ်အပိုင်းများက ရေကိုလိုအပ်ပြီးတော့ အရေးကြီး တရားဝင်တောင်းဆိုမှ သောက်သုံးတဲ့အဆင့်ဖြစ်ပါတယ်။ ဒီတော့ ရေကို ဘယ်အစိတ်အပိုင်းတွေက သုံးစွဲသလဲဆို ဦးနှောက်ကလည်း သုံးစွဲပါတယ်။ 

    သူ့အနေနဲ့ ရေဓာတ်မလုံလောက်ရင် ခေါင်းမူးတာတို့ မှတ်ဉာဏ်ချို့ယွင်းတာတို့ အာရုံစူးစိုက်မှုအားနည်းလာတာတို့အပြင် ခေါင်းကိုက်၊ မူးမေ့ခြင်းတို့အထိ ဖြစ်နိုင်ပါတယ်။ ဒါဟာ ဦးနှောက်ရဲ့ ရေဓာတ်လိုအပ်မှု အရမ်းများသွားတဲ့ အခြေအနေတစ်ခုဖြစ်ပါတယ်။ အကယ်၍ ရေကို ဆာမှသာသွားသောက်နေရင် ဒါဟာ ကိုယ်တွင်းအစိတ်အပိုင်းများက တောင်းဆိုနေမှ သောက်သုံးခြင်းဖြစ်တာကြောင့် အနည်းဆုံး ၂ ရာခိုင်နှုန်းလောက်က သာမန်ထက် နည်းပါးသွားနေပီဖြစ်ပါတယ်။

    ဒါကြောင့်မို့ ရေဓာတ်နည်းသူဟာ ရေဓာတ်များသူနဲ့စာရင် ဦးနှောက်ကျန်းမာရေးနဲ့ မှတ်ဉာဏ်နည်းပြီး ရေပုံမှန်မသောက်ပါက ဉာဏ်ရည်နိမ့်ကျစေတယ်လို့ ဆိုပါတယ်။ ဒါ့ကြောင့် မိမိဟာ ရေကို သွားလာနေစဉ်ပဲဖြစ်ဖြစ်၊ အလုပ်လုပ်နေစဉ်ပဲဖြစ်ဖြစ် သတိတရနဲ့ အမြဲသောက်တတ်စေဖို့ အကြံပေးထားပါတယ်။

Source - My Food Myanmar