မလွှပွင့်​ခြောက်နှင့် မရမ်းသီးကင်းသုပ်

မလွှပင်သည် မြန်မာပြည်ရှိ ဒေသတော်တော်များများတွင် ပေါက်ရောက်သော နှစ်ရှည်ခံအပင်ကြီးဖြစ်ပါသည်။ မလွှပင်မှအပွင့်သည် အဝါနုရောင်ရှိကာ မြန်မာလူမျိုးတို့သည် မလွှပွင့်ကို ကြော်စားခြင်း၊ ချက်စားခြင်း၊ သုပ်စားခြင်းအမျိုးမျိုးလုပ်ကြပါသည်။ ဆောင်းရာသီတစ်ခုလုံးမလွှပွင့်များကို ကောက်၍ အစိမ်းအတိုင်းချက်ပြုတ်ခြင်း၊ နေလှန်း၍သိမ်းထားခြင်းများပါ ပြုကြပါသည်။ ယခုအခါ ပုံမှန်သုပ်စားနေကြ မလွှပွင့်သုပ်နည်းများနှင့်မတူသော နည်းတစ်ခုကိုတင်ပြပါမည်။

လိုအပ်သော ပစ္စည်းများ

မလွှပွင့်ခြောက်အနည်းငယ်(လက်တစ်ဆုပ်)

မရမ်းသီးစိမ်း ၁၀ လုံး

ကြက်သွန်နီဥကြီး ၁ လုံး

ကြက်သွန်ဖြူဆီချက် အနည်းငယ်

မြေပဲဆံအမှုန့် အနည်းငယ်

ပုစွန်ခြောက်အနည်းငယ်

ငံပြာရည်

ငရုတ်သီးစိမ်းအနည်းငယ်

အချိုမှုန့်အနည်းငယ်တို့ဖြစ်ပါသည်။

ဦးစွာ မလွှပွင့်အစိမ်းများကို ကောက်ယူပီး ဝတ်ဆံဖယ်ကာ နေလှန်းပါ။ ခြောက်သွေ့သွားသောမလွှပွင့်ခြောက်များကို ရေနွေးပူပူတွင် (၁၅) မိနစ်ခန့်စိမ်ပါ။ ထို့နောက် ရေနွေးနှင့်ပင် နှစ်ကြိမ်ခန့်ထပ်ဆေးပါ။ ထိုသို့လုပ်ခြင်းသည်မလွှပွင့်၏ အခါးဓာတ်များလျော့ပါးစေရန်ဖြစ်ပါသည်။ ထို့နောက် ရေညှစ်ကာ ပါးပါးလှီးထားပါ။ မရမ်းသီးကင်းများကို ထက်ခြမ်းခွဲကာ အစေ့ဖယ်ပါ။ ပါးပါးလေးများလှီးကာ ရေဆေးပြီးစစ်ထားပါ။ ကြက်သွန်နီကိုပါးပါးလှီးထားပါ။ ထို့နောက် မြေပဲကိုထောင်းပါ။ အဆင်သင့်ဖြစ်ပါက မလွှပွင့်ခြောက်၊ မရမ်းသီး၊ ကြက်သွန်နီ၊ ဆီချက်၊ ပုစွန်ခြောက်၊ မြေပဲဆံ၊ ငံပြာရည်၊ အချိုမှုန့်၊ ငရုတ်သီးစိမ်းတို့ထည့်ကာ ရောနယ်လျှင် အရသာရှိကာ ထမင်းမြိန်စေသော မလွှပွင့်ခြောက် မရမ်းသီးသုပ်ကို ရမည်ဖြစ်ပါသည်။ မရမ်းသီးများ လှိုင်လှိုင်ပေါချိန်တွင် စုဆောင်းထားသော မလွှပွင့်ခြောက်နှင့်ရောကာ သုပ်စားနိုင်ပြီး သာမန်ရိုးကျမလွှပွင့်သုပ်နှင့်မတူဘဲ အရသာအသစ်ကို ရေနွေးကြမ်းပူပူနှင့်တွဲဖက်ကာ စားသုံးနိုင်မည်ဖြစ်ပါသည်။

မလွှပွင့်၏ ခါးသက်သောအရသာကို မရမ်းသီးကထိန်းပေးသကဲ့သို့ မရမ်းသီး၏ အချဥ်ကိုလည်း ပုစွန်ခြောက်နှင့် မြေပဲဆံကထိန်းသဖြင့် လူကြီးလူငယ်မရွေးစားနိုင်ပြီး ကုန်ကျစရိတ်သက်သာသော ရာသီစာတစ်ခုကို ဆန်းသစ်တီထွင်ပြီး ငွေကိုခြွေတာနိုင်မည်ဖြစ်ကြောင်း ရေးသားလိုက်ရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ