လယ်ယာသုံးစက်ကိရိယာ မောင်းနှင်မှု သင်တန်းဖွင့်လှစ်

ရန်ကုန်တိုင်းဒေသကြီး မင်္ဂလာဒုံမြို့နယ် ထောက်ကြန့်၊ လှည်းကူး၊ မှော်ဘီမြို့နယ်အတွင်းရှိ ကျေးလက်နေတောင်သူများအား စက်ကိရိယာအသုံးပြုခြင်းဖြင့် စျေးကွက်ဝင် စိုက်ပျိုးသီးနှံများ ထုတ်လုပ်နိုင်စွမ်းကောင်းမွန်စေရန် ရည်ရွယ်လျက် လယ်ယာသုံးစက်ကိရိယာ မောင်းနှင်ထိန်းသိမ်းခြင်း အခြေခံသင်တန်း အမှတ်စဉ် (၁/၂၀၁၉) ကို မင်္ဂလာဒုံမြို့နယ် (ထောက်ကြန့်) စက်မှုလယ်ယာဦးစီးဌာန အမှတ် (၃၅) ထွန်စက် စခန်းဝင်းအတွင်း ဇူလိုင် ၁၅ ရက် နံနက် ၉ နာရီကစတင် ဖွင့်လှစ်သည်။

သင်တန်းသို့ မင်္ဂလာဒုံ (ထောက်ကြန့်) မြို့နယ်၊ လှည်းကူးမြို့နယ်၊ မှော်ဘီမြို့နယ်အတွင်းရှိ ကျေးရွာများမှ လယ်ယာလုပ်ငန်း လုပ်ကိုင်နေသော တောင်သူသင်တန်းသား ၃၀ တို့အား စက်ကိရိယာကိုင်တွယ် အသုံးပြုပုံ၊ အသုံးဝင်ပုံများနှင့် ပြုပြင်ထိန်းသိမ်းခြင်း သင်တန်းကို ဇူလိုင် ၁၅ မှ ၂၆ ရက်အထိ သင်ကြားပေးမည်ဖြစ်ကြောင်းသိရသည်။

ကြေးမုံသတင်းစာ