လူသားတို့၏ စားဝတ်နေရေးနှင့် ရေနေသယံဇာတတည်တံ့ရေး ချိန်ခွင်လျှာညီအောင်ဆောင်ရွက်ပေး

ဥပဒေပညာရှင်များ ဥပဒေပြုသူများက သယံဇာတနှင့်ပတ်သက်သော ဥပဒေများပြုရာတွင် (Human beings) လူသားတို့၏ စားဝတ်နေရေးနှင့်(Resources beings) သယံဇာရေရှည်တည်တံ့ရေးကို ချိန်ခွင်လျှာသဖွယ် သဘောထား၍ ဥပဒေပြုကြရပါသည်။ လူသားတို့၏ စားဝတ်နေရေးကိုဘဲ အလေးထားပြီး သယံဇာတကို လစ်လျူပြုပါက သယံဇာများအချိန်တိုအတွင်း ကုန်ဆုံးသွားမည်ဖြစ်ပါသည်။

ထို့အတူ သယံဇာတကိုဘဲ အလေးမည်ဆိုပါက လူတို့၏ စားဝတ်နေရေး အခက်အခဲ အကြပ်အတည်းများ ပေါ်ပေါက်လာမည်ဖြစ်ပါသည်။

ငါးသယံဇာတနှင့်ပတ်သက်၍လည်း ၁၂ လရှိသည့်အနက် ငါးတို့ မိတ်လိုက်ချိန်၊ ဥချချိန်၊ငါးသားပေါက်များ ရှင်သန်ကြီးထွားချိန် (၃) လတာကာလကို မဖမ်းကြဖို့ မသတ်ကြဖို့ ပိတ်ပင်ထားပါသည်။ ဤသို့ပိတ်ပင်ခြင်းမှာ မိမိတို့တစ်နိုင်ငံတည်းမဟုတ်ဘဲ တစ်ကမ္ဘာလုံး ကျင့်သုံးသည့် သယံဇာတထိန်းသိမ်းရေးလုပ်ငန်းဖြစ်ပါသည်။ ငါးသယံဇာတများသည်

လူသားတို့အတွက် အဟာရရိက္ခာ၊ အခွန်ဘဏ္ဍာ၊ အလုပ်အကိုင်အခွင့်အလမ်း လူမှုစီးပွားဘဝ ဖန်တီးပေးနေသော မည်သူမျှအရင်းမစိုက်ရသည့် ပဒေသာပင်ကြီးဖြစ်ပေသည်။

ကျွန်ုပ်တို့၏ ကျေးဇူးရှင်ဖြစ်သော ငါးများကို မိတ်လိုက်ခွင့်၊ ဥချခွင့်၊ သားပေါက်ခွင့်၊ ရှင်သန်ကြီးထွားမျိုးပွားဖို့အခွင့်အရေး ပေးသင့်ကြပေသည်။

ယခုနှစ် ငါးရစ်ငါးသန် တားမြစ်ရာသီချိန်တွင် ငါးသယံဇာတထိန်းသိမ်းရေးလုပ်ငန်းများကွင်းဆင်းစစ်ဆေးရာတွင် အချို့ ကျေးရွာအုပ်ချုပ်ရေးမူးများကို ကြိုတင်သတင်းမပေးနိုင်ခဲ့သည်ကို နားလည်ပေးကြပါရန် အထူးမေတ္တာရပ်ခံအပ်ပါသည်။၂၀၁၈ခုနှစ် ရေချိုငါးလုပ်ငန်းဥပဒေပုဒ်မ ၆၃ အရလည်း စစ်ဆေးရေးမှူးသည် မည်သည့်ငါးလုပ်ငန်းလုပ်ကိုင်ခြင်းကိုမဆို ဝရမ်းမပါဘဲ ရပ်တန့်ခြင်း၊ တက်ရောက်ခြင်း၊ ဝင်ရောက်ခြင်း၊ စစ်ဆေးခြင်း၊ရှာဖွေခြင်း၊ သိမ်းဆည်းခြင်း ဆောင်ရွက်ရမည်ဟု ဖော်ပြပါရှိသဖြင့်လည်းကောင်း၊ကျေးရွာတာဝန်ရှိသူများကို ပြည်သူများ အမြင်မစောင်းစေရေးအတွက် ငဲ့ညှာသောအားဖြင့်လည်းကောင်း ငါးလုပ်ငန်းဦးစီးဌာနအစီအစဉ်ဖြင့်သာ ကွင်းဆင်းစစ်ဆေးခဲ့ပါသည်။

သို့ဖြစ်ပါ၍ (Human beings) လူသားတို့စားဝတ်နေရေးနှင့် (Resources beings) သယံဇာတရေရှည်တည်မြဲရေးကို ချိန်ခွင်လျှာညီစေရေးအတွက် တားမြစ်ကာလ မေ၊ ဇွန်၊ ဇူလိုင်လများတွင် ငါးမဖမ်းကြစေရေး ဝိုင်းဝန်းထိန်းသိမ်းပေးကြပါရန် အထူးမေတ္တာရပ်ခံအပ်ပါသည်။

AQUADAPT-Myanmar

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ