ငွေရေး ကြေးရေး စီမံကြမယ်

ဒီတစ်ပတ်မှာတော့ ဒေါ်မြနဲ့ဒေါ်လှတို့ရဲ့ ဇာတ်လမ်း ၂ ခုကို နှိုင်းယှဉ်ကြည့်ကြည့်ရအောင်

လမ်းထဲက ဒေါ်မြကတော့ အသေးစားငွေချေးဘဏ်တစ်ခုစီက ငွေ ၂ သိန်း ချေးပြီး မုန့်ဟင်းခါးဆိုင်လေး ဖွင့်ထားပါတယ်။ တစ်နေ့ကို ၄၀၀၀ လောက် ဝင်ငွေရှိပြီး တစ်ပတ်ကို ၂၈၀၀၀ လောက် ပုံမှန်ရနေပါတယ်။ ပိုက်ဆံချေးထားတဲ့ ဘဏ်ကို အပတ်စဉ် ၄၆၀၀ နဲ့ တစ်နှစ်တိတိ ပြန်ဆပ်နေရပါတယ်။

ဒေါ်မြရဲ့ ငွေရေးကြေးရေး အခြေအနေကတော့ ဝင်ငွေနဲ့ ထွက်ငွေဟာ မျှတမှုရှိပြီး ချေးထားပြီး ငွေကိုလည်း ကောင်းကောင်းပြန်ဆပ်နိုင်တဲ့ အခြေအနေရှိပါတယ်။ ဆက်လက်ပြီး ဒေါ်မြရဲ့ သူငယ်ချင်းဖြစ်တဲ့ ဒေါ်လှရဲ့ အခြေအနေကို လေ့လာကြည့်ပါဦး........

ဒေါ်လှကတော့ စျေးထဲမှာ ကုန်စိမ်းရောင်းချသူပါ။ ယခုလက်ရှိ အသေးစားချေးငွေ ဘဏ် (၃) ခုကနေ ချေးငွေ ၆ သိန်း ယူထားပြီး ထို ဘဏ် ၃ ခုကို အပတ်စဉ် ၄၆၀၀ စီနဲ့ စုစုပေါင်း ၁၃၈၀၀ ဆပ်နေရပါတယ်။ ဒါပေမဲ့ ဒေါ်လှရဲ့ ဝင်ငွေကတော့ တစ်ရက်ကို ၄၀၀၀ (တစ်ပတ်-၂၈၀၀၀) ပဲ ရှိပါတယ်။

ဒေါ်လှရဲ့ ငွေရေးကြေးရေး အခြေအနေကတော့ အနုတ်လက္ခဏာပြနေပါတယ်။ ထွက်ငွေက ဝင်ငွေထက်ပိုများနေပြီး အပတ်တိုင်း ငွေတစ်ချို့လိုလိုနေတတ်နေတာမို့ တခြားဘဏ်ကနေ ငွေထပ်ချေးနိုင်တဲ့ အခြေအနေတွေရှိလာနိုင်ပါတယ်။

မိတ်ဆွေတို့ ...အထက်က ဒေါ်မြနဲ့ဒေါ်လှတို့ရဲ့ အခြေအနေ ၂ ခုက တဆင့် ချေးငွေတွေ အများကြီး ချေးခြင်းရဲ့ အကျိုးဆက်ကို လေ့လာနိုင်ပါတယ်။ နေရာအများကြီးကနေ ငွေတွေ ချေးမယ်ဆိုရင် -

(၁) ငွေပမာဏ များလာတာနဲ့အမျှ ပြန်ဆပ်ရမဲ့ ငွေလည်း များလာမှာပါ။

(၂) အတိုးတွေ များလာမယ်။

(၃) ဘဏ်တွေနဲ့ ဆက်သွယ်ဆောင်ရွက်ရတာကြောင့် အချိန်၊ ငွေ၊ ခွန်အားတွေ ပိုကုန်မယ်။

(၄) ပိုက်ဆံတွေ ပြန်မဆပ်နိုင်မှာကို ပူပန်ရတဲ့အတွက် စိတ်ပင်ပန်းဆင်းရဲရမယ်။

(၅) ချေးငွေ ဆပ်ရန် နောက်ကျခြင်း၊ အနည်းငယ် ပြန်မဆပ်နိုင်ခြင်းတို့ဖြစ်ပါက အခြားသူတွေရဲ့ ယုံကြည်မှုနည်းပါးခြင်းကို ခံရယ်။

အစရှိတဲ့ နောက်ဆက်တွဲ အကျိုးဆက်တွေ ဖြစ်လာနိုင်ပါတယ်။

Source - mango magazine

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ