ဆေးဖက်ဝင် ကောက်ရိုးနွယ်

မျိုးရင်း။ ။ Convolvulaceae (ကန်စွန်းမျိုးရင်း)

မြန်မာအမည် - ကောက်ရိုးနွယ်

အင်္ဂလိပ်အမည် - Bindweed

ပုံသဏ္ဌာန် -

အပင် - နွယ်ပင်ဖြစ်၍ ပင်စည်ပြောင်ချောသည်။ အချို့ အမွေးအနည်းငယ် ရှိသည်။ ဖြတ်ကြည့်က ဖြူသော အစေးများ ထွက်သည်။

အရွက် - သေးသွယ်ရှည်လျားပြီး အရင်းဝိုင်း၍ အဖျားချွန်သည်။ ၁-၃ လက်မခန့် ရှည်သည်။

အပွင့် - ခရမ်းရောင်ဖျော့ဖျော့ သို့မဟုတ် အဖြူရောင်ရှိသည်။

အသီး - လုံးဝိုင်းပြီး အစေ့ ၃-၄ စေ့ ပါသည်။ နီညိုရောင်ရှိ၍ သုံးထောင့်ပုံ ဖြစ်၏ ။

ပေါက်ရောက်သည့်ဒေသ။ ။ မြန်မာနိုင်ငံ အင်း၊ အိုင်၊ ချောင်း၊ မြောင်း၊ လယ်တော ယာတောများတွင် တွေ့ရသည်။

ပေါက်ရောက်ပုံ။ ။ သဘာဝအလျောက် ပေါက်ရောက်သည်။

အသုံးပြုသည့် အစိတ်အပိုင်း။ ။ ပဥ္စငါးပါး။

အာနိသင်။ ။ မြန်မာဆေးကျမ်းများအလိုအရ ကောက်ရိုးနွယ်သည် ပူ၏ ၊ ခါးသက်သက်ရှိ၏ ၊ ချို၏ ၊ ဆီးရွှင်စေ၏ ၊ ကာမအားကို တိုးစေ၏ ၊ နှစ်ရှည်စွဲသော ညောင်းနာကျ ၊ လည်ချောင်းရောင်ခြင်း၊ ချောင်းဆိုးရောဂါတို့ကို နိုင်၏ ။

အသုံးပြုပုံ -

ပဥ္စငါးပါး

၁။ အရိုးအဆစ်နာသောနေရာ၌ ကောက်ရိုးနွယ် ပဥ္စငါးပါးကို ကြိတ်၍ ကြပ်ထုပ်စည်းပေးလျှင် ပျောက်၏ ။

၂။ အဖု၊ အပိမ့်များ ဖြစ်ပေါ်၍ ယားယံလျှင် ကောက်ရိုးနွယ် အရည်ကို ညှစ်၍ သုတ်လိမ်းပေးက ပျောက်၏ ။

၃။ ပါးစပ် ခံတွင်း၌ အဖုအပိမ့် ပေါက်သော် ကောက်ရိုးနွယ် ပြုတ်ရည်ကို ငုံပေးလျှင် ပျောက်၏ ။ ယင်းပြုတ်ရည်ဖြင့် အနာဟောင်းများကို ဖန်ရေ ဆေးပေးနိုင်သည်။

၄။ အမြစ်သည် ဝမ်းသတ်စေသဖြင့် ဝမ်းနုတ်ဆေး ဖော်စပ်ရာတွင် ထည့်သွင်းအသုံးပြုသည်။

၅။ အဖု၊ အကျိတ်၊ အနာများအတွက် အရွက်ကို ကြိတ်၍ ပတ်တီးစည်းပေးခြင်းဖြင့် ပျောက်ကင်းစေနိုင်၏ ။

ကိုးကား - မြန်မာ့ဆေးဝါးပင်များ

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ