မြေနည်းနည်းနဲ့ များများစိုက်မယ်

   အပင်လည်းစိုက်ချင်တယ် မြေနေရာကလည်းမရှိဘူး၊ မြေနေရာတော့ရှိတယ် ခပ်ကျဉ်းကျဉ်းပဲ၊ ဘာစိုက်ရကောင်းမလဲ။ 

    ဒီလိုကြုံရတဲ့သူတွေအတွက် မြေနည်းနည်းနဲ့ များများစိုက်နိုင်မယ့် နည်းလမ်းတစ်ခုကို မျှဝေပါရစေရှင့်။ Square Foot Garden (စကွဲဖု ဂါးဒန်း) ဆိုတဲ့ နည်းလမ်းလေးဖြစ်ပါတယ်

    ဒီနည်းလမ်းကိုတော့ ၁၉၇၀ ပြည့်နှစ်ပိုင်းမှာ အငြိမ်းစားအင်ဂျင်နီယာကြီး  Mel Bartholomew က တီထွင်ခဲ့တာပါတယ်။ မြေအကျယ်ကြီးမှာ  စိုက်ပျိုးပြုစုချိန် အများကြီးပေးရတဲ့အပေါ်  စဉ်းစားအဖြေရှာရင်း တွေ့ရှိခဲ့တာပဲဖြစ်ပါတယ်။ဒီလိုနဲ့ ၁၉၈၀ ပြည့်နှစ်ပိုင်းတွေမှာ စကွဲဖုဂါးဒန်းတွေက ရေပန်းစားလာခဲ့ပါတယ်။ ဖောင်ဒေးရှင်းတစ်ခုအနေနဲ့တည်ထောင်ပြီး တစ်ကမ္ဘာလုံးကို ဒီနည်းပညာတွေပြန့်ပွားအောင် လုပ်ဆောင်နေပါတယ်။ 

စကွဲဖုဂါးဒန်းဆိုတာ ဘယ်လိုမျိုးလဲ?

    အကျဉ်းချုပ်ပြောရရင် စိုက်ဘောင်တွေကို လေးထောင့်ကျကျ အကွက်တွေရိုက်ပြီး စိုက်ပျိုးတဲ့နည်းလမ်းဖြစ်ပါတယ်။

    ၄ ပေ ပတ်လည်အကျယ်နဲ့ ၆ လက်မ ကနေ ၁ ပေအမြင့် စိတ်ကြိုက်ပြုလုပ်နိုင်ပါတယ်။ ဘယ်နေရာကမဆို စိုက်ကွက်ရဲ့အလယ်ကို လက်လှမ်းမှီအောင် ပြုလုပ်ထားတာပဲဖြစ်ပါတယ်။

    ခြံရဲ့အောက်ခံမျက်နှာပြင်က ကွန်ဂရစ်ခင်းထားရင်ပဲဖြစ်စေ မြေကြီးပဲဖြစ်စေ မြက်ခင်းပဲဖြစ်စေ ကိစ္စမရှိပါဘူး။ ဘာလို့ဆိုတော့ စိုက်ဘောင်အကွက်လေးတွေကို စိုက်ပျိုးလို့အကောင်းဆုံးဖြစ်မယ့် မြေတွေဖြည့်မှာမိုလို့ပါ။ မြေစပ်နည်းကတော့ ဒီစိုက်ပျိုးနည်းမှာ အရေးကြီးဆုံးပါပဲ။

မြေစပ်နည်း 

စိုက်ဘောင်တစ်ကွက်ကို

အုန်းဆံမှုန့် ၁/၃

တီကျစ်မြေဆွေး ၁/၃( မြေကြီးမှာ လေဝင်လေထွက်ကောင်းနေစေဖို့နဲ့ အစိုဓာတ်ကိုထိန်းထားနိုင်ဖို့ အဓိကလိုအပ်ပါတယ်)

သဘာဝမြေဆွေး ၁/၃(ကိုယ်တိုင်ပြုလုပ်နိုင်)

မြေဆွေးမရှိရင်တော့ အုန်းဆံမှုန့်မြေဆွေးကို ထည့်နိုင်ပါတယ်။

    ဒီသုံးမျိုးကို ဆတူရောစပ်ပြီး စိုက်ဘောင်အကွက်တွေကိုဖြည့်ရမှာပါ။ ဒီလို စိုက်ဘောင်အကွက်တွေကို မြေဖြည့်ပြီးသွားရင်တော့ စိုက်ဘောင်အကွက်လေးတွေပေါ်မှာ သီးနှံများများစိုက်နိုင်ဖို့ တစ်ပေပတ်လည် အကွက်လေးတွေရိုက်ပါမယ်။ စနစ်တကျနဲ့ သီးနှံအစုံဝင်နိုင်ဖို့အတွက် လုပ်တာဖြစ်ပါတယ်။ တည်ထောင်သူကတော့ နောက်ပိုင်းပြုလုပ်ရလွယ်ကူစေဖို့ သစ်သားလေးတွေနဲ့ အကွက်ချဖို့ အကြံပေးထားပါတယ်။ ကျွန်မတို့ဒေသမှာပေါတဲ့ ဝါးခြမ်းလေးတွေနဲ့လည်း  သုံးလို့ရနိုင်ပါတယ်။

    ဒီလိုဆိုရင်တော့ ဘာမြေသြဇာမှမထည့်ရဘဲ လုံလောက်တဲ့စိုက်ပျိုးမြေကို ရရှိသွားပါပြီ။ အကွက်ငယ်တစ်ကွက်မှာ သီးနှံတစ်မျိုးနှုန်း စိုက်နိုင်ပါတယ်။ ပင်ကြားတန်းကြားတွေလည်း ထည့်စဉ်းစားစရာမလိုဘဲ သမရိုးကျနည်းအတိုင်း စိုက်ပျိုးနိုင်ပါတယ်။ ဒီနေရာမှာ ယှဉ်ပြိုင်စိုက်ပျိုးနည်းစနစ်လို တစ်ပင်နဲ့တစ်ပင် အကျိုးပြုနေတဲ့ အမျိုးအစားတွေကို တစ်ကွက်ထဲအတူတူစိုက်ခြင်းက အရည်အသွေးကောင်းစေသလို ရောဂါပိုးမွှားတွေရဲ့ရန်ကိုကာကွယ်ပြီးသား ဖြစ်ပါလိမ့်မယ်ရှင်။ ( အတူတကွတွဲဖက်စိုက်ပျိုးသင့်တဲ့ သီးနှံတွေကို ဆောင်းပါးတစ်ပုဒ်နဲ့ ဖော်ပြပေးသွားပါမယ်)။

    ကဲ...ဒါဆိုရင်တော့ ၄ ပေ ပတ်လည်ကျယ်တဲ့ မြေနေရာလေးမှာ သီးနှံ ၁၆ မျိုးတောင်စိုက်ပျိုးစားသုံးနိုင်မှာဖြစ်ပါတယ်။

source - https://www.youtube.com/watch?v=f2FxJimob84

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Read more

Facebook page သို့သွားရန်