အွန်လိုင်းကုန်စည်ပြပွဲ ကျင်းပလျက်ရှိနေ

မင်္ဂလာပါ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာ့ကုန်သွယ်မှုမြှင့်တင်ရေးအဖွဲ့၊ မြန်မာအပြည်ပြည်ဆိုင်ရာကုန်သွယ်မှုဗဟိုဌာနမှ ကြီးမှူး၍ Cyber King Co., Ltd , JUDO ERP Solutions၏ နည်းပညာပံ့ပိုးမှုဖြင့် ကျင်းပသော Myanmar International Expo of Organic and Natural Products အွန်လိုင်းကုန်စည်ပြပွဲ ဖွင့်ပွဲအခမ်းအနားကို ၂၀၂၀ ခုနှစ်၊ ဩဂုတ်လ (၂၄) ရက်နေ့တွင် ကျင်းပခဲ့ပါသည်။

အခမ်းအနားတွင် စီးပွါးရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းမြင့်မှ အဖွင့်အမှာစကားပြောကြားခဲ့ပြီး CAEXPO Secretariat မှ အတွင်းရေးမှူးချုပ် Mr. Wang Lei မှ Video Conferencing ဖြင့်လည်းကောင်း၊ မြန်မာကုန်သွယ်မှုမြှင့်တင်ရေးအဖွဲ့ ညွှန်ကြားရေးမှူးချုပ် ဒေါ်နော်မူတာကပေါ မှ လည်းကောင်း အသီးသီး တက်ရောက်၍ နှုတ်ခွန်းဆက်စကားများကို ပြောကြားချီးမြှင့်ခဲ့ကာ ပြည်တွင်းပြည်ပမှ ဌာနဆိုင်ရာတာဝန်ရှိသူများ၊ အသင်းအဖွဲ့များမှ တာဝန်ရှိသူများတက်ရောက်ခဲ့ကြပါသည်။

အဆိုပါအွန်လိုင်းကုန်စည်ပြပွဲအား ဩဂုတ်လ (၂၄) မှ (၃၀) ရက်နေ့အထိကျင်းပသွားမည်ဖြစ်ပြီး www.myanmarexpopark.com တွင် အခမဲ့ Register ပြုလုပ်၍ နံနက် ၉:၀၀ နာရီမှ ညနေ ၆:၀၀ နာရီ အတွင်း ဝင်ရောက်ကြည့်ရှုနိုင်မည်ဖြစ်ပါသည်။

အွန်လိုင်းကုန်စည်ပြပွဲတွင် ဆန်၊ ပဲအမျိုးမျိုး၊ သစ်သီးဝလံနှင့်ဟင်းသီးဟင်းရွက်များ၊ ကော်ဖီ၊ လက်ဖက်ရည်၊ ရေထွက်ကုန်များ၊ အစားအစာနှင့်အဖျော်ယမကာများ၊ အလှကုန်ပစ္စည်းများ၊ သဘာဝအထည်များ ပြသလျက်ရှိပြီး ပြည်ပနိုင်ငံများ ဖြစ်သော တရုတ်၊ မလေးရှား၊ ထိုင်း၊ ဗီယက်နမ်နိုင်ငံများမှလည်း ဝင်ရောက်ပြသလျက်ရှိပါသည်။

Myanmar International Expo of Organic and Natural Products အွန်လိုင်းကုန်စည်ပြပွဲ ဖွင့်ပွဲအခမ်းအနား Day 1 ကိုမတက်ရောက်လိုက်ရသော လူကြီးမင်းတို့ကြည့်ရှုနိုင်ရန် ထပ်မံတင်ပြအပ်ပါတယ် 🤗

ပြပွဲသို့ဝင်ရောက်ရန် www.myanmarexpopark.com သို့ဝင်ပါ။

MOEP (Myanmar Online Expo Park)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ