ကိုယ်ခံစွမ်းအားမြှင့်တင်ပေးမယ့် သဘာဝအချိုရည်များ

ယခုလတ်တလောမှာ လူတွေရဲ့ကျန်းမာရေးနဲ့ အသက်အန္တရာယ်ကို ခြိမ်းခြောက်နေတဲ့အရာတစ်ခု ရှိပါတယ်။ ထိုအရာကတော့ အခြားမဟုတ်ပါဘူး။ လေထဲမှာ ပေါက်ဖွား ပြန့်ပွားပြီး လေထဲမှာတစ်ဆင့် ကူးစက်နိုင်တဲ့ ကိုရိုနာဗိုင်းရပ်စ်ပဲ ဖြစ်ပါတယ်။

ထိုရောဂါက လေထဲမှတစ်ဆင့်၊ ရောဂါပိုးရှိတဲ့သူမှ အခြားသူတစ်ယောက်ထဲသို့ ကူးစက်နိုင်ပြီး ရောဂါပိုးသက်သာစေတဲ့ ဆေးဝါးလည်း မရှိသေးတဲ့အတွက်ကြောင့် ထိုရောဂါမဖြစ်ပွားအောင် ကြိုတင်ကာကွယ်ရုံမှတစ်ပါး အခြားမရှိပါဘူး။

ကြိုတင်ကာကွယ်တဲ့အနေနဲ့ အိပ်ရေးဝဝအိပ်ခြင်း၊ ကိုယ်လက်သန့်ရှင်းရေးကို ယခင်ကထက် အသားပေးခြင်း၊ အာဟာရ ညီညွှတ်မျှတအောင် စားသုံးခြင်း စသည်တို့ကို ပြုလုပ်သင့်ပါတယ်။ ကိုယ်ခံစွမ်းအား တိုးမြှင့်နေမှသာ ပြင်ပမှရောဂါပိုးများကို တိုက်ထုတ်နိုင်မှာဖြစ်တဲ့အတွက် သင့်ခန္ဓာကိုယ်ကို ကိုယ်ခံအားကောင်းအောင် ဂရုစိုက်သင့်ပါတယ်။

ကိုယ်ခံစွမ်းအားမြှင့်တင်ပေးနိုင်တဲ့ အစားအစာတွေကို ဝေမျှပေးခဲ့ပြီးပြီ ဖြစ်တဲ့အတွက်ကြောင့် ဒီတစ်ခါမှာတော့ ကိုယ်ခံစွမ်းအားမြှင့်တင်ပေးနိုင်တဲ့ သဘာဝအချိုရည်တွေကို ဝေမျှပေးချင်ပါတယ်။

ပန်းသီး၊ မုန်လာဥနီနှင့် လိမ္မော်ဖျော်ရည်

ပန်းသီး ၁ လုံး၊ မုန်လာဥနီ ၂ လုံး၊ လိမ္မော်သီးတစ်လုံးတို့ကို အတုံးငယ်များရအောင် တုံးပြီးနောက် ဖျော်စက်ထဲ ထည့်ဖျော်ပေးလိုက်ပါ။ သင့်အနေနဲ့ အချိုအရသာဖြင့် သောက်သုံးချင်တယ်ဆိုရင်တော့ ပျားရည်အနည်းငယ် ထပ်ထည့်နိုင်ပါတယ်။ ရရှိလာတဲ့ဖျော်ရည်ကို ရေခဲသေတ္တာထဲတွင် အအေးခံကာ သောက်သုံးနိုင်ပါပြီ။

Grape Fruit နဲ့ လိမ္မော်ဖျော်ရည်

ထိုသစ်သီးနှစ်မျိုးကို ဖျော်စက်ထဲထည့်ကာ ရေအနည်းငယ်ရောလိုက်ပါ။ သမအောင် မွှေဖျော်ပေးပြီးတဲ့နောက်မှာတော့ ဗီတာမင်စီဓာတ်ကြွယ်ဝတဲ့ ဖျော်ရည်တစ်ခွက်ရရှိသွားပါပြီ။ ကိုယ်ခံစွမ်းအားမြှင့်တင်ပေးနိုင်တဲ့ အကောင်းဆုံးဖျော်ရည်တစ်ခွက်ပါပဲ။

သကြားမုန်လာဖျော်ရည်

ဒီဖျော်ရည်ဖျော်ဖို့အတွက် သကြားမုန်လာ တစ်ဥ၊ မုန်လာဥနီ တစ်ခု၊ ဂျင်းတုံးတစ်တုံး၊ နနွင်းမှုန့်အနည်းငယ်၊ ငရုတ်ပွ အနည်းငယ်၊ ဆားအမဲအနည်းငယ်တို့ လိုအပ်ပါလိမ့်မယ်။ ဟင်းသီးဟင်းရွက်များကို အခွံခွာပြီးနောက် ရေစင်စင်ဆေးထားလိုက်ပါ။ ထို့နောက် အတုံးငယ်များ တုံးကာ ဖျော်စက်ထဲ ထည့်ဖျော်ပေးလိုက်ပါ။ ရရှိလာတဲ့ဖျော်ရည်ကို အရသာမကြိုက်ဘူးဆိုရင်တောင်မှ ကျန်းမာရေးအတွက် စဉ်းစားတဲ့အနေနဲ့ ပုံမှန်သောက်သုံးပေးသင့်ပါတယ်။

MyFood Myanmar Website မှ ကူးယူဖော်ပြပါသည်။

Source: Lifebeyondunmbers.com