သဘာဝထုတ်ကုန်များ ကုန်စည်ပြပွဲ ၂၀၁၉

Helvetas SWISS မှဖိတ်ကြားသော California ပြည်နယ် Los Angles ခရိုင်ရှိ Anaheim မြို့တွင်ကျင်းပပြုခဲ့လုပ်သော Natural Products Expo 2019 (organic) ပွဲ၏ အကျဉ်းချုပ်မှတ်တမ်းများကို ဖော်ပြလိုက်ရပါတယ်။

၁။ နိုင်ငံတကာမှ ပြပွဲလာရောက်ပြသသော ဆိုင်ခန်းပေါင်းသုံးထောင်ကျော်ရှိပြီး ပြပွဲလာရောက်လေ့လာရန် တရားဝင်လူဦးရေ ၇၀၀၀၀ ကျော် ဖိတ်ကြားခဲ့ပါသည်။

၂။ လက်ဖက်နှင့်သက်ဆိုင်သော နိုင်ငံတကာမှ ပြခန်းပေါင်း ၅၀ ခန့် ရှိပါသည်။

၃။ ပြပွဲအဓိကရည်ရွယ်ချက်မှာ တစ်ကမ္ဘာလုံးရှိ ဓါတုဗေဒကင်းရှင်းသော(မြေဩဇာမပါ)၊ မျိုးဗီဇအမှန်ဖြစ်သော (စပ်မျိုးမဟုတ်သော)၊ ပိုးသတ်ဆေးမပါသော၊ လေထုညစ်ညမ်းစေသော စက်ရုံအလုပ်ရုံနှင့် ဝေးကွာသောနေရာဒေသ စသည့် အချက်အလက်များနှင့်ပြည့်စုံသော သဘာဝထုတ်ကုန်များကိုသာ အဓိကသုံးစွဲထားသည့် ပစ္စည်းများဖြင့် ပြုလုပ်ထားသော ထုတ်ကုန်များ၏ ကုန်စည်ပြပွဲဖြစ်ပါသည်။

၄။ စားသောက်ကုန်များ၊ ဆေးဝါးများ၊ အားဖြည့်အချိုရည်များ၊ ဟင်းခတ်အမွေးအကြိုင်ပစ္စည်းများ၊ အလှကုန်များ၊ ရေမွှေးထုတ်ကုန်များ၊ ပါကင်ပိတ်စက်များ အစရှိသဖြင့် ပါဝင်ပြသခဲ့ပါသည်

၅။ နိုင်ငံတစ်ကာမှ လက်ဖက်နှင့်သက်ဆိုင်သောနိုင်ငံများ အတော်အသင့် လာရောက်ပြသခဲ့ပါသည်။ အစ္စရေး၊ ကိုလံဘီယာ၊ ပြင်သစ်၊ ဂျာမဏီ၊ တရုတ်၊ ကိုရီးယား၊ ဂျပန်၊ ထိုင်း၊ ကမ္ဘောဒီယား၊ စပိန်၊ အိန္ဒိယ အစရှိသည့်နိုင်ငံများစွာ ပါဝင်ပြသခဲ့ပါသည်။

၆။ ဆိုင်အများစုနှင့် ဈေးကွက်မိတ်ဆက်စကား ပြောကြည့်ရာတွင် USDA အသိအမှတ်ပြုလက်မှတ်ကို အလွန်အလေး ထားကြသည်။ အခြားလက်မှတ်များကိုလည်း အသိအမှတ်ပြုကြသည်။ လက်မှတ်တစ်စုံတစ်ရာ မပြသနိုင်ပါက မည်သည့်ပစ္စည်းကိုမဆို ငြင်းပယ်ကြပါသည်။ စမ်းသပ်ခွင့်လည်း မပြုပါ။

၇။ နိုင်ငံအလိုက် ထုတ်ကုန်တိုင်းတွင် လက်ဖက်ပါဝင်မှု ဖော်မြူလာအမျိုးမျိုး ကွဲပြားခြားနားကြပါသည်။ ဂျပန်နိုင်ငံ၏ Mocha လက်ဖက်အရသာမှာ စိမ်းရွှင်ရွှင်နှင့် ရနံသင်းသင်း ဖြစ်ပါသည်။ အိန္ဒိယနိုင်ငံ၏ Herbel လက်ဖက်မှာ နနွင်းနံ့အရသာနှင့် ခပ်စိမ့်စိမ့်ပူရှိန်းရှိန်း ဖြစ်ပါသည်။

အမေရိကန်နိုင်ငံ၏ Breakfast လက်ဖက်အရသာမှာ အမျိုးစုံလှပါသည်။ လာဗင်ဒါအနံ့လက်ဖက်၊ နှင်းဆီအနံလက် ဖက်၊ ဖာလာ စပါးလင် သစ်ဂျပိုး ဂျင်းရောထားသောအနံ့၊ စတော်ဘယ်ရီအနံ့ စသည်ဖြင့် အမျိုးအမယ်စုံပါသည်။ ပြင်သစ်နိုင်ငံ၏ green tea အချိုရည်မှာလည်း ထူးခြားလှပါ သည်။ ရေချိုးခန်း၊ အိမ်သာ၊ ဧည့်ခန်း၊ အိပ်ခန်း၊ အစည်းအဝေးခန်းမတွင်သုံးသော လက်ဖက်ရေမွှေးမှာ အဆီတစ်စက်တိုင်း ရနံ့သင်းပျံ့လှပါသည်။

၈။ ပွဲမတိုင်ခင် တစ်ရက်တွင် Helvetas အဖွဲ့ အတိုင်ပင်ခံနှစ်ဦးဖြစ်သော Robbie နှင့်Jolanda တို့မှ သင်တန်းတစ်ရက်ခန့် ဈေးကွက်မိတ်ဆက်ခြင်းအနုပညာကို ဟိုတယ်တွင် မနက်ပိုင်းတွင် စာတွေ့ ၊ ညနေပိုင်းတွင် လက်တွေ့အနေဖြင့် los angles မြို့ထဲရှိ T2 လက်ဖက်ခြောက် သီးသန့်အရောင်းဆိုင်၊ လက်ဖက်ခြောက်ရောင်းသော စူပါမားကတ်များ ၊ wall mart ကုန်စုံဆိုင်များ၊ organic သီးသန့်ရောင်းသော လက်ကားဆိုင်ကြီးတစ်ဆိုင်သို့ သွားရောက်လေ့လာခဲ့ပါသည်။

၉။ Helvetas ပညာရှင်နှင့်အတူ ပြပွဲသို့ ၇၊ ၈ နှစ်ရက်ခန့် သွားရောက်မိတ်ဆက် ပြသခဲ့ပါသည်။

လက်ဖက်စိုအပိုင်းကို မောရှမ်းမှ ကိုလင်းပြည့်ထွန်း၊ ဦးကာက- ဒေါ်စိန်မှ အဆင့်မြင့်လက်ဖက်စိုကို ကိုရွှေမောင်း၊ အဆင့်မြင့် black tea ထုတ်ကုန်ကို ရုပ်သေးတံဆိပ်ဖြင့် ကိုဝင်းနိုင် (ကမ္ဘောဇ)၊ USDA certificate လက်မှတ်ရ မိဖုရား black tea, red tea, green tea and orthrodox black tea ကို လင်းအောင်နိုင်နှင့် နန်းထွေးငယ်၊ ရွှေသုန္နရီ အဆင့်မြင့် ဆပ်ပြာသနပ်ခါးမှ ဦးကဲနက်စိန်၊ Ju Ju be ဇီးဖျော်ရည်အား စလေရှေ့ဆောင်တံဆိပ်မှ မအေးအေးနိုင်တို့က အပိုင်းလေးပိုင်းခွဲ၍ ဝင်ရောက်ပြသခဲ့ပါသည်။

၁၀။ ၉.၃.၂၀၁၉ ရက်နေ့တွင် ပြပွဲအပြန်အလှန်လေ့ကျင့်ခန်းအား ဟိုတယ်တွင် ဆက်လက်ပြုလုပ်ခဲ့ပါသည်။ USA နိုင်ငံ လက်ဖက်Trends နှင့်ပါတ်သက်၍ နောက်လာမည့် ၅နှစ်အတွင်း ဖြစ်နိုင်ချေအကျိုးအပြစ်ရလဒ်ကိုလည်း ဆွေးနွေးခဲ့ကြပါသည်။ B to B (လုပ်ငန်းရှင်အချင်းချင်း) အနေဖြင့်သာ ဆွေးနွေးခဲ့ရပါသည်။ B to C(လုပ်ငန်းရှင်နှင့်စားသုံးသူ) အချိန်လုနေရသောကြောင့် ထိတွေ့မှူမရှိသလောက်သာ ဖြစ်ခဲ့ပါသည်။ အနာဂတ်ကာလတွင် ပြခန်းအနေဖြင့် ပြသခွင့်ရပါက ပြခန်းပြုလုပ်ပုံအတွေးအမြင်များကို ဒီဇိုင်းပုံဖော်ကာ ဆွေးနွေးခဲ့ကြပါသည်။ နောင်လာမည့်ပြပွဲတွင် သတင်းအချက်အလက် စုံစုံလင်လင် ကြိုယူထားသင့်ပါသည်။ (ပြပွဲတွင် လက်ဖက်နှင့်ပတ်သက်၍ လက်ဖက်လုပ်ငန်းရှင်များအသင်း သီးသန့်တွေ့ဆုံပွဲအား မိမိတို့မှ မတက်ရောက်နိုင်ခဲ့ကြပေ။ သတင်းရနောက် ကျ၍ဖြစ်သည်)

၁၁။ အနာဂတ်တွင် မြန်မာနိုင်ငံမှ organic စစ်စစ်ဖြစ်သော ဒန့်သလွန်(moringha)၊ ဂျင်း၊ ပူစီနံ၊စပါးလင်၊ ဖာလာ၊ ထောပတ်၊ ကျွန်တော့အမြင် နမ့်ဆန်မှထွက်သော (ပလေလူလူ) ကိုလည်း ရှေ့ထွက်ပြသသင့်ပါသည်။ မှတ်ချက် - သစ်ဂျပိုးအား အမေရိကန်နိုင်ငံမှ ဆေးဝါးအဖြစ် အသိအမှတ်မပြုတော့ပါ။

၁၂။ နိဂုံးချုပ်အနေဖြင့် နောင်လာမည့် အနာဂတ်ပြပွဲများ၊ အလုပ်ရုံဆွေးနွေးပွဲများတွင် လက်ဖက်အပြင် အခြား ဒေသထွက်ကုန်များကိုလည်း organic လက်မှတ်ရအောင်လုပ်ထားပြီး စဉ်ဆက်မပြတ် ဆက်လက်ပူးပေါင်းဆောင်ရွက် ပြသနိုင်ပါက အလားအလာအလွန်ကောင်းမွန်နိုင်ပါသည်။

Greenovator ကြော်ငြာ

သီဟိုဠ်မှ ဉာဏ်ကြီးရှင်သည် အာယုဝဍ္ဎနဆေးညွှန်းစာကို ဇလွန်ဈေးဘေး ဗာဒံပင်ထက် အဓိဋ္ဌာန်လျက် ဂဃနဏဖတ်ခဲ့သည်။

Read more

Facebook page သို့သွားရန်