ပိုက်သားခြင်ထောင်(ဟာပါ)ဖြင့် ငါးသားပေါက်ပြုစုခြင်း

 

ဘာကြောင့်ငါးသားပေါက်ပြုစုပါသလဲ?

• ငါးခူ၊ ငါးရံ့စသော ငါးရိုင်းများအန္တရာယ်မှ ငါးသားပေါက်များကင်းဝေးစေရန်

• အသားတိုးမွေးကန်တွင် ရှင်သန်နှုန်းကောင်းမွန်ပြီး ငါးထွက်နှုန်းပိုကောင်းစေရန်

 

ဘာတွေလိုအပ်ပါသလဲ?

• ခိုင်ခန့်သော ပိုက်သားခြင်ထောင် (ဟာပါ) တစ်လုံး၊ ဝါးလုံး (သို့မဟုတ်)သစ်သားတိုင်များနှင့် ချည်နှောင်ရန် ကြိုးများလိုအပ်ပါသည်။ 

• ခြင်ထောင်အတွင်း ဂဏန်းငယ်များဝင်ရောက်ပြီး ကိုက်ဖြတ်နိုင်သဖြင့် ဂဏန်းများကိုရှင်းလင်းပါ။

 

ဟာပါ၏အရွယ်အစားမည်မျှရှိရပါမည်လဲ?

• အရှည် ၆ ပေ၊ အကျယ် ၅ ပေ နှင့် အနက် ၃ ပေမှာ သင့်တော်ပါသည်။ • (၂ - ၃) ပတ်သား ငါးသားပေါက် ၁၀,၀၀၀ ကို အဆိုပါအရွယ်ဟာပါဖြင့် ပြုစုပါ။

 

ကျွန်ုပ်တွင်ငါးအနည်းငယ်သာရှိလျှင် ဘယ်လိုမွေးရမလဲ?

• အရွယ်ငယ်သောဟာပါကို ပြုလုပ်ပါ။

• သို့မဟုတ် ဟာပါအကြီးတွင်လည်း ပြုစုနိုင်ပါသည်။

 

ဟာပါကိုကန်အတွင်း မည်သည့်နေရာတွင်ချထားရပါမည်လဲ?

• မိမိ၏ငါးကန် သို့မဟုတ် ရေစီးနည်းပြီး သန့်ရှင်းသောရေကန်တွင် ဟာပါကိုချထားကြပါသည်။

 

ဟာပါဖြင့် မည်သို့သောငါးအမျိုးအစားများကို ပြုစုနိုင်ပါသလဲ?

• တီလားပီးယား၊ ထိုင်းငါးခုံးမ၊ ရွှေဝါငါးကြင်း၊ ငွေရောင်ငါးကြင်း၊ ငါးမြစ်ချင်းနှင့် ငါးကြင်း

 

ဟာပါဖြင့်ပြုစုသောငါးမှာ မည်သည့်အရွယ်ဖြစ်သင့်ပါသလဲ?

• ငါးသားပေါက်သည် ၂ - ၃ ပတ်သား (၂.၄ စင်တီမီတာ) အရွယ်အစား ရှိသင့်သည်။

• ဟာပါ ပိုက်ကွက်မှ မထွက်နိုင်သောငါးသားပေါက်အရွယ် ဖြစ်ရမည်။

အစာမည်ကဲ့သို့ကျွေးရပါသလဲ?

• အရည်အသွေးကောင်းသည့် ဖွဲနုကို နေ့တိုင်းကျွေးရပါမည်။

• ၅၀ ဂရမ် ရှိသည့် ငါးအစာကို ချိန်ဆရန် ငါးသေတ္တာဗူးခွံကို အသုံးပြုပါ။

• ခြကောင်များ၊ ကန်စွန်းပင်များနှင့် ပလောပီနံရွက်များ စသည့်အခြားသောအစာများကို ၄ ပတ် ပြည့်ပြီးနောက်ပိုင်းတွင် ရောနှောကျွေးပါ။

 ကန်တွင် ရေသြဇာဓာတ်တိုးပွားစေရန်မည်သို့ ပြုလုပ်ရမည်နည်း?

• ရေကို စိမ်းလန်းပြီး ရေမှော်များပေါများရန် သဘာဝမြေသြဇာများထည့်ပါ။

• ရေအရောင်စိမ်းလာသည်အထိ မြေသြဇာကို တစ်ရက်လျှင် လက်ဆွဲပုံး ၁-၂ ပုံး ဟာပါအပြင်မှ ထည့်ပေးပါ။

#မိုးအုံ့သောနေ့တွင် မြေသြဇာမထည့်ပါနှင့်။

ပိုက်သားခြင်ထောင် (ဟာပါ) ကို တစ်ပတ်လျှင် တစ်ကြိမ် သန့်ရှင်းရေးလုပ်ပါ။

 

၈ ပါတ်ပြုစုပြီးသောအခါ (၄.၈-၇.၂) စင်တီမီတာ အရွယ်ငါးများကို အသားတိုးမွေးကန် သို့မဟုတ် စပါး-ငါး လယ်ကွင်းတွင် ထည့်သွင်းနိုင်ပြီဖြစ်သည်။

 

ငါးများကို ပြုစုပြီးသောအခါ ပိုက်သားခြင်ထောင် (ဟာပါ) ကို ပြန်လည်လျှော်ဖွတ် သန့်စင်ရမည်။

 

 

 

 

ပိုက်သားခြင်ထောင် (ဟာပါ) ကို နေပူတွင် လှန်းထားရမည်။

 

 

ဟာပါခြောက်သွေ့ပါက လုံခြုံသောအိတ်တွင်ထည့်၍  ကြွက်မကိုက်စေရန် သိမ်းဆည်းပါ။

 

ယခုဆောင်းပါးအား  INLAND MYSAP မှ ပူးပေါင်းပါဝင်ပံ့ပိုးပေးထားပါသည်။