အွန်လိုင်းမှတစ်ဆင့် ငွေကြေးလိမ်လည်ခြင်း

11/01/2021 12:45 PM တွင် အစိမ်းရောင်လမ်း အစိမ်းရောင်လမ်း မှ ရေးသား

        “ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ကြိုဆိုလိုက်ပါတယ် ခင်ဗျ။ ယခင်တစ်ပတ်ကတော့ ဒစ်ဂျစ်တယ် စာပေတတ်မြောက်မှု အကြောင်း မျှဝေပေးခဲ့တာ ဖြစ်ပါတယ် ခင်ဗျ။ ယခုတစ်ပတ်မှာတော့ ပတ်ဝန်းကျင်မှာ  မကြာခဏတွေ့မြင်နေရသလို အရေးလည်းကြီးတဲ့  အွန်လိုင်းမှတစ်ဆင့် ငွေကြေးလိမ်လည်ခြင်း ဆိုတဲ့အကြောင်းကို တောင်သူ ဦးလေး ဒေါ်လေးတို့သတိပြုနိုင်အောင် မျှဝေပေးသွားမှာ ဖြစ်ပါတယ် ခင်ဗျ။ 

        တောင်သူ ဦးလေး ဒေါ်လေးတို့ ကိုယ့်ပတ်ဝန်းကျင်မှာရော ကိုယ်တိုင်ရော အွန်လိုင်းကနေ ငွေကြေးအလိမ်ခံရတာတွေကို ကြုံဖူး ကြားဖူးမယ် ထင်ပါတယ် ခင်ဗျ။ ယခုလက်ရှိ ကျန်းမာရေးဆိုင်ရာ ကန့်သတ်ချက်တွေကြောင့် လူအများစုဟာ အိမ်မှာပဲနေပြီး အင်တာနက်သုံးရင်း ဖုန်းနဲ့ အချိန်ကုန်လေ့ရှိကြပါတယ်။ ယခုအချိန်ကို အခွင့်ကောင်းယူပြီး မသမာသူတွေက အွန်လိုင်းကနေရော ဖုန်းနဲ့ပါ ငွေကြေးလိမ်လည်မှုတွေကို နည်းမျိုးစုံနဲ့ ပြုလုပ်နေကြပါတယ်။ လေ့လာကြည့်ရအောင်လား ခင်ဗျ။

အွန်လိုင်းမှတစ်ဆင့် ငွေကြေးလိမ်လည်ရာမှာ 

- ကံစမ်းမဲ ပေါက်သည့်အတွက် ငွေသိန်းချီရမည်ဖြစ်ပြီး ကုန်ကျစရိတ်အား ငွေကြိုလွှဲပေးခိုင်းပြီး လိမ်လည်ခြင်း 

- စိုက်ပျိုး စရိတ်ချေးငွေ၊ SMEs (အသေးစား အလတ်စား စီးပွားရေးလုပ်ငန်း) လုပ်ငန်းများအတွက် ချေးငွေ လွှဲပေးမည်ဟု မက်လုံးပေး၍ အာမခံကြေး ဦးစွာလွှဲပေးရန် လိမ်လည်ခြင်း  

- ပစ္စည်းဝယ်ယူရာတွင် ငွေကြိုလွှဲခိုင်းပြီး လိမ်လည်ခြင်း 

- ငွေ ၁ သောင်းတန်ပေးလျှင် ၆ ဆ အနေဖြင့် ငွေ  ၆ သောင်း (ငွေအတု) လဲလှယ်ပေးမည်ဟု လိမ်လည်ခြင်း 

- ဖေ့စ်ဘုတ်တွင် မိမိ၏ သူငယ်ချင်း မိတ်ဆွေရုပ်ပုံအသုံးပြုပြီး အကောင့်အတုဖွင့်ကာ ပိုက်ဆံချေးပြီး လိမ်လည်ခြင်း 

- အွန်လိုင်းလုပ်ငန်းများတွင် ရင်းနှီးမြှပ်နှံပါက လစဥ်ဝင်ငွေရမည်ဆိုကာ လိမ်လည်ခြင်း 

      စသည်ဖြင့် နည်းလမ်းများစွာ ရှိနေတာကြောင့် တောင်သူ ဦးလေး ဒေါ်လေးတို့ အနေနဲ့ သတိပြုသင့်ပါတယ်။ ဖေ့စ်ဘုတ်ပေါ်မှာ မြင်သမျှကို လွယ်လွယ်မယုံသင့်ပါဘူး ခင်ဗျ။ လူပုံမပါ နာမည် မှန် ဟုတ်/မဟုတ် မသေချာသော၊ အပြင်မှာ လူချင်းမသိသော အကောင့်များ၊ မိမိမသိသော ဖုန်းနံပါတ်အစိမ်းများနဲ့  ဖေ့စ်ဘုတ်စာမျက်နှာများကို အလွယ်တကူမယုံသင့်ကြောင်း သတိပြုရပါမယ်။ မိမိအနေနဲ့ မသင်္ကာစရာကြုံတွေ့ခဲ့ရင်လည်း ပတ်ဝန်းကျင်မှ သိနားလည်ပြီး တတ်ကျွမ်းတဲ့ သူတွေနဲ့ ပြောပြတိုင်ပင်ဖို့ ကိုလည်း  အကြံပြုလိုက်ရပါတယ် ခင်ဗျ။

        ယခင်တစ်ပတ်ကဖော်ပြခဲ့တဲ့ ဒစ်ဂျစ်တယ် စာပေတတ်မြောက်မှု ဆိုတဲ့ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။ 

Digital Literacy (ဒစ်ဂျစ်တယ် စာပေတတ်မြောက်မှု)ဆိုတာ ဘာလဲ

ဆောင်းပါးများ/သတင်းများ ပြန်လည်ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်” ဟုထည့်ပေးပါရန် မေတ္တာရပ်ခံအပ်ပါသည်။


East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်