တိုင်ကီအရောင်က ကကတစ်ငါးအရည်အသွေးအပေါ် သက်ရောက်မှုရှိဟုဆို

ငါးမွေးကန် (တိုင်ကီ) အရောင်သည် ကကတစ်ငါးအရည်အသွေးအပေါ် ကြီးကြီးမားမားသက်ရောက်မှုရှိကြောင်း ထိုင်းသုတေသီအဖွဲ့က လက်တွေ့ပြသလိုက်သည်။

သုတေသီများသည် ပျှမ်းမျှ ၁၆ ဂရမ်လေးသော ကကတစ်ငါးငယ်များကို အကြည်၊ အဖြူ၊ အနက်၊ အနီ၊ အစိမ်းနှင့် အပြာရောင် (၆) မျိုးခွဲထားသော တိုင်ကိ (၁၈) ခုသို့ ထည့်သွင်းမွေးမြူခဲ့သည်။ ထို့နောက် ကြီးထွားနှုန်း၊ အစာအသုံးချမှု၊ အစာခြေဖျက်သော အင်ဇိုင်းလုပ်ဆောင်ချက်များ၊ အသားအရည်အသွေး၊ အဆီ၊ အသားအရိုးနှင့် အခြားတစ်ရှူးများပါဝင်မှုအချိုး ၊ သွေးနီဥ၊ သွေးဖြူဥနှင့် ဟေမိုဂလိုဘင်ပါဝင်မှုကဲ့သို့ သွေးစစ်ချက်များအား နှိုင်းယှဉ်ခဲ့သည်။

၁၀ ပတ်ကြာပြီးနောက် အကြည်၊ အဖြူ၊ အနက်နှင့် အစိမ်းရောင်နောက်ခံတွင်မွေးသော ငါးများတွင် ကြီးထွားနှုန်းနှင့် အစာအသုံးချမှုအပေါ် အပြုသဘောသက်ရောက်ပြီး အနီနှင့် အပြာရောင်နောက်ခံတွင်မွေးသော ငါးများတွင် အနှုတ်သဘောသက်ရောက်ကြောင်း တွေ့ရှိခဲ့သည်။

အသားအရည်အသွေးသည် အဖြူ၊ အနက်၊ အစိမ်းနောက်ခံနှင့်မွေးသောငါးတွင် သိသိသာသာတိုးတက်ပြီး myosin နှင့် actin ပရိုတိန်းပမာဏမှာ အရောင်ခြောက်မျိုးစလုံးတွင် ကွဲပြားမှုမရှိပေ။

ကကတစ်ငါးမွေးမြူရန် အသင့်တော်ဆုံးနောက်ခံအရောင်သည် အနက်ရောင်ဖြစ်ပြီး ယင်းနောက်တွင် အဖြူနှင့် အစိမ်းရောင်တို့လိုက်ကြောင်း၊ အကြည်၊ အနီနှင့် အပြာရောင်နောက်ခံတို့မှာ မသင့်တော်ကြောင်း သုတေသီများက ကောက်ချက်ချခဲ့သည်။

Source – ငွေပင်လယ်စာစောင် အတွဲ (၁၂)၊ အမှတ်စဉ် (၂) မှကောက်နုတ်ဖော်ပြပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ