နေပီယာမြက်နဲ့ငမြောင်တောင်

FAW (Fall Armyworm) ငမြှောင်တောင်ပိုးအတွက် ရတက်မအေးဖြစ်နေသူများအတွက်...

လယ်ယာမြေအနည်းငယ်သာ ပိုင်ဆိုင်သော တောင်သူလယ်သမားများအတွက် ဓာတုဆေးလည်း မသုံးရဘဲ၊ အကုန်အကျနည်းသည့် လက်တွေ့ကျသော စိုက်နည်းစနစ်တစ်ခုကို တင်ပြလိုက်ပါသည်။

အဆိုပါစနစ်မှာ ပြောင်းသီးနှံအပါအဝင် ပင်မသီးနှံများကို စိုက်ပျိုးပါက ကျရောက်လာမည့် ငမြှောင်တောင်ပိုးတို့ကို ပင်မသီးနှံပေါ်မကျစေဘဲ ဘေးတွင်ရှိသော အကာပင်များဖြစ်သည့် နေပီယာမြက်ကဲ့သို့ အပင်ပေါ်သို့ ကျရောက်စေခြင်းဖြင့် ကာကွယ်သည့် နည်းစနစ်ပင် ဖြစ်ပါသည်။

ကနဦးအနေဖြင့် အောက်ဖေါ်ပြပါပုံအတိုင်း နေပီယာမြက်ကို လေကာပင်အဖြစ် ပြောင်းခင်း၏ ဘေးပတ်ပတ်လည်တွင် စိုက်ပျိုးထားရပါမည်။

ထို့နောက် ပြောင်းနှင့်ရောနှောပြီး ပဲတီစိမ်း (သို့မဟုတ်) ပဲပုပ်ပင်များကိုပါ ရောနှောစိုက်ပျိုးထားရပါမည်။

အဘယ့်ကြောင့်ဆိုသော် ပဲပင်များသည် ငမြှောင်တောင်ပိုးများ မကြိုက်မနှစ်သက်သော အနံ့အသက်တို့ကို ထုတ်လွှတ်ပေးတတ်ပြီး ငမြှောင်တောင်ပိုးမျာ ပြောင်းခင်းထဲ၌မနေအောင် လုပ်ပေးသည့်အပြင် ပဲပင်တို့မှ နိုက်ထရိုဂျင်ဓာတ် ပြည့်ဝစွာဖမ်းယူပေးနိုင်သဖြင့် မြေဆီလွှာအတွက် ဇီဝမြေသြဇာကိုလည်း ဖြစ်စေနိုင်သည်။

နေပီယာမြက်ပင်တို့သည် ငမြှောင်တောင်အမများကြိုက်သော အနံ့ကို ထုတ်ပေးသည့်အတွက် ပြောင်းခင်းအတွင်း ဥချခြင်းမပြုတော့ဘဲ နေပီယာမြက်ပင်တို့အပေါ်တွင် ဥချမည်ဖြစ်သဖြင့် ပြောင်းထုတ်လုပ်မှုကို မထိခိုက်ပဲ ငမြှောင်တောင်အန္တရာယ်ကိုပါ ကာကွယ်ရာရောက်စေမည် ဖြစ်ပါတော့သည်။

ဦးထွန်းအောင် (ABM)