ပဲမျိုးစုံစိုက်ပျိုးထုတ်လုပ်မှု သုတေသနစီမံကိန်းကို (၃)နှစ်တာ ဆောင်ရွက်သွားမည်

ပဲမျိုးစုံစိုက်ပျိုးထုတ်လုပ်မှု စံပြသစ်ကျေးရွာထူထောင်ရေး နည်းပညာပူးပေါင်းဆောင်ရွက်ရေးဆိုင်ရာ သုတေသနစီမံကိန်းကို (၃)နှစ်တာဆောင်ရွက်သွားမှာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

ကိုရီးယားKOPIA ကလုပ်တဲ့ ပဲမျိုးစုံစီမံကိန်းသုတေသနကို ဒီနှစ်ထဲမှာစတင်လုပ်ဆောင်သွားမှာဖြစ် တယ်လို့ စိုက်ပျိုးရေးသုတေသနဦးစီးဌာနမှ ဒုတိယညွှန်ကြားရေးမှူးချုပ် ဦးသန့်လွင်ဦးကပြောပါ တယ်။

အဲဒီစီမံကိန်းကို ဒီနှစ်ထဲမှာစတင်လုပ်ဆောင်သွားမှာပါ။ ပဲမျိုးစုံဖြစ်တဲ့ ပဲပုပ် ၊ ကုလားပဲ နဲ့ပဲတီစိမ်း ကို သုတေသနဆောင်ရွက်သွားမှာပါ

ဘေးကင်းလုံခြုံစိတ်ချရတဲ့ အရည်အသွေးကောင်းအစားအစာများထုတ်လုပ်နိုင်ရေးနဲ့ လုပ်ကွက်ငယ် တောင်သူလယ်သမားများအတွက် လူမှုစီးပွားဖွံ့ဖြိုးတိုးတက်ရေးဆောင်ရွက်နိုင်ရေးအတွက် အဆိုပါသုတေသနကို လုပ်ဆောင်သွားတာဖြစ်ကြောင်း စိုက်ပျိုးရေးသုတေသနဦးစီးဌာနမှ သိရပါတယ်။

စီမံကိန်းကာလအတွင်း ပဲပုပ် ၊ ကုလားပဲနဲ့ ပဲတီစိမ်း စိုက်ပျိုးကြတဲ့တောင်သူများ ကိုယ်တိုင်အရည်အ သွေးကောင်း ပဲမျိုးစုံစိုက်ပျိုးထုတ်လုပ်နိုင်ခြင်းနဲ့ စျေးကွက်အလားအလာရှိတဲ့ တန်ဖိုးမြှင့်ထုတ်ကုန် များထုတ်လုပ်ခြင်းတို့ကို ဆောင်ရွက်သွားမှာဖြစ်ကြောင်း သိရပါတယ်။

အဆိုပါစီမံကိန်းကို အခုနှစ်မှာစတင်ကာ ၂၀၂၂ခုနှစ်အထိ (၃)နှစ်တာ သုတေသနပြုဆောင်ရွက်သွား မှာဖြစ်ကြောင်း အဆိုပါဌာနမှသိရပါတယ်။

ပဲမျိုးစုံစိုက်ပျိုးထုတ်လုပ်မှုသုတေသနစီမံကိန်းကို ကိုရီးယားအပြည်ပြည်ဆိုင်ရာပူးပေါင်းဆောင်ရွက် ရေးအဖွဲ့ (KOPIA)နဲ့ စိုက်ပျိုးရေးသုတေသနဦးစီးဌာနတို့မှ ပူးပေါင်းဆောင်ရွက်သွားမှာဖြစ်ကြောင်း သိရပါတယ်။

တိုးတိုးခိုင်(ABM)

(ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်" "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေ)