ရော်ဘာ အကိုင်း၊ အဖူးကူးစိုက်ပျိုးထိန်းသိမ်းခြင်း

ရော်ဘာ အကိုင်း၊ အဖူးကူးစိုက်ပျိုးထိန်းသိမ်းခြင်းနည်းအား သိလိုပါသည်။

ရော်ဘာအဖူးကူးခြင်း (Budding) ကို မျိုးစေ့မှပျိုးထောင်ပြီး ရော်ဘာပျိုးပင်များကို အပင်သက်တမ်း (၅ - ၆) လသားအရွယ် (သို့) ခဲတံလုံးခန့်လုံးပတ်တွင် မိမိလိုအပ်သောရော်ဘာမျိုးကို ရွေးချယ်ရပါမည်။ လက်ခံပင် (stock) တွင် အဖူးထည့် အကိုင်းကူးရပါမည်။

ထိုသို့ အဖူးထည့် ကိုင်းကူးပြီးလျှင် ပလတ်စတစ်အဖြူရောင်ဖြင့် ရေလုံအောင်စည်းထားပြီး ရေ (၃) ရက်ခန့်ဖြတ်ထားပေးရပါမည်။ (၂၁) ရက်ကြာလျှင် ပလတ်စတစ်စကို ဖြည်ကြည့်ပါက အဖူးစိမ်းတွေ့လျှင် အောင်မြင်ပြီဖြစ်ပါသည်။ ပျိုးပင်များကို ရေဝအောင်လောင်းပေး၍ ကိုင်းဖြတ်ပေးရပါမည်။ အသင့်ပြုလုပ်ထားသော Polybag ၆ x ၉ လက်မအိတ်တွင် ကိုင်းထိုး ရေပေးခြင်းများ ပြုလုပ်ရပါမည်။ ပျိုးပင် (၂) ဖုံရင့်အရွယ်တွင် စိုက်ခင်းသို့ ရွှေ့ပြောင်းစိုက်ပျိုးနိုင်ပါသည်။

စိုက်ပျိုးထိန်းသိမ်းခြင်း - စိုက်ကျင်းတွင် မြေခံ ဖော့စဖိတ် (၄) အောင်စကိုထည့်ပြီး အစိုဓာတ်ရှိချိန်တွင် မြေချစိုက်ပြီး (၁) လအကြာတွင် ဓါတ်မြေဩဇာ (ယူရီးယား) (၁) ပင် (၂) အောင်စခန့်ထည့်သွင်းပြီး အပငါအဝိုင်းရှင်းခြင်း ဆောင်ရွက်ရပါမည်။ မိုးနှောင်း (၁) ကြိမ် ဓါတ်မြေဩဇာ (ကွန်ပေါင်း) ကို (၄ အောင်စ) ထည့်သွင်းပေးပြီး တောခုတ်ခြင်း၊ အဝိုင်းရှင်းခြင်း၊ ၆ ပေလိုင်းတန်းရှင်းခြင်း၊ အပင်ခြေဖုံးအုပ်ခြင်းများ ဆောင်ရွက်ရပါမည်။

စိုက်ပျိုးရေးဦးစီးဌာန - Call Center