စိုက်ပျိုးရေးသုံးအရောင်းပြပွဲမှာ လယ်ထွန်စက်ပစ္စည်းများကို အရစ်ကျစနစ်ဖြင့် ရောင်းချပေးသွားမည်

စတုတ္တအကြိမ်မြောက် မန္တလေးမြို့ နိုင်ငံတကာ မွေးမြူရေးနှင့်စိုက်ပျိုးရေးပြပွဲမှာ လယ်ထွန်စက်ပစ္စည်းများကို မန္တလေးကွန်ဗင်းရှင်းစင်တာမှာ အရစ်ကျစနစ်ဖြင့်ပါ ရောင်းချပေးသွားမှာဖြစ်ကြောင်း သိရပါတယ်။

မန္တလေးနဲ့ အထက်မြန်မာပြည်မှာရှိတဲ့ တောင်သူများအတွက် လယ်ထွန်စက်ပစ္စည်းများကို ကျယ်ကျယ် ပြန့်ပြန့်သိရှိစေနိုင်ဖို့အတွက် ရည်ရွယ်ပြုလုပ်တာဖြစ်တယ်လို့ ပွဲစီစဉ်သူ ဦးဇာနည် က ပြောပါတယ်။

“ မန္တလေးမှာရှိတဲ့ စိုက်ပျိုးရေးတောင်သူတွေ အထက်ဗမာပြည်မှာရှိတဲ့ တောင်သူတွေကို နည်းပညာအသစ်တွေနဲ့ ထွန်စက်ပစ္စည်းအသစ်တွေကို ကျယ်ကျယ်ပြန့်ပြန့် ပိုပြီးတော့ သိရှိစေနိုင်အောင်လို့ ကျင်းပပြုလုပ်တာပါ။ ဒီနှစ်ဆို မန္တလေးမှာကျင်းပတာ လေးကြိမ်မြောက်ရှိသွားပါပြီ”

လယ်ထွန်စက်ကုမ္ပဏီပေါင်းစုံမှ တောင်သူများ အကြိုက်များတဲ့ ထွန်စက်အမျိုးမျိုး၊ ရိတ်သိမ်းခြွေလှေ့စက်များ ၊ ထွန်စက်များ၊ ထယ်စက်များကို လက်ငင်း (သို့မဟုတ်)အရစ်ကျစနစ်ဖြင့် ရောင်းချပေးသွားမှာဖြစ်ကြောင်း သိရပါတယ်။

အဆိုပါ မန္တလေး နိုင်ငံတကာမွေးမြူရေးနှင့် စိုက်ပျိုးရေးပြပွဲနဲ့အတူ ၂၀၁၉ စိုက်ပျိုးရာသီ လယ်ယာသုံးစက်ပစ္စည်း အထူးအရောင်းပွဲတော်ကြီးကို မန္တလေးကွန်ဗင်းရှင်းစင်တာမှာ နံနက် (၉)နာရီမှ ညနေ(၆) နာရီထိ ကျင်းပသွားမှဖြစ်ကြောင်း သိရပါတယ်။

တိုးတိုးခိုင်(ABM)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ