ဒေသကြက်ပေါက်ဝယ်ယူရာတွင် အာမခံချက်ရှိသည့်နေရာမှ ဝယ်ယူသင့်

ကြက်သားဈေးကွက်အတွင်း တစ်ပိဿာချင်းဈေးနှုန်း ပိုမိုရရှိနေသည့် ဒေသကြက်ကို မွေးမြူလိုသူ များပြားသော်လည်း ကြက်ပေါက်ဝယ်ယူရာတွင် အခက်အခဲမျိုးစုံ ကြုံတွေ့နေရကြောင်း သိရသည်။

ဒေသကြက် တိုင်းရင်းကြက်တွေမှာ ကြက်ပေါက်ဝယ်မွေးပြီး ရောင်းချိန်မှာ ဘာကြောင့် စျေးနှိမ်ခံနေရသလဲ။ ဘာကြောင့် ဝိတ်လျော့သွားကြသလဲ။ အဲ့ဒီအဖြေကို မသိကြတာကြောင့် မွေးသမားတွေ အကြွေးပတ်လည်ဝိုင်းနေတာပါ။ ကြက်ပေါက်ကို ဝယ်ယူရာမှာ အာမခံချက်ရှိတဲ့နေရာက ဝယ်ယူသင့်ပါတယ်။

ဟု ရန်ကုန်တိုင်း၊ သန်လျင်မြိုနယ်၊ မြန်မာ့အားမာန်ရှင် ကြက်မွေးမြူရေးလုပ်ငန်းမှ ဦးဝင်းနိုင်က ပြောသည်။

ကြက်ပေါက်ကို အွန်လိုင်းမှမှာယူပြီး၊ ငွေလိမ်ခံရခြင်းများအပြင် မျိုးကောင်းမျိုးသန့် မရရှိခြင်းနှင့် မွေးမြူထိန်းသိမ်းမှုနည်းစနစ် မကျွမ်းကျင်ခြင်းတို့ကြောင့်လည်း လေလွင့်ဆုံးရှုံးခြင်းများကို ခံစားနေကြရသည်။

ကြက်ပေါက်ရောင်းသူတွေကလည်း သူတို့ရောင်းတဲ့ ကြက်ပေါက်တွေကို စျေးကွက်ဝင်အောင် မွေးမြူနည်းမပေးကြလို့ပါ။ ပေးဖို့ကလည်း ဘယ်မျိုးကို ဘယ်လိုအစာကျွေးပြီး ဘယ်လိုမွေးရမယ်။ ဘယ်စျေးရမယ်ဆိုတာ သူတို့ကိုယ်တိုင် သေချာမသိတော့ မွေးသူကို နည်းမပေးနိုင်ကြဘူးလေ။ ဒါကြောင့် မွေးသူများကလည်း သေချာမေးပါ။ ဝယ်ပြီးမှ အဆင်မပြေရင် ကြက်ပြန်သိမ်းပေးမလား။ ဘယ်စျေးပေးမလဲ။ စာချုပ်နဲ့လုပ်မလားပေါ့။ အာမခံချက်တစ်ခုခု မပေးနိုင်တဲ့ ကြက်ပေါက်ရောင်းသူဆီက မဝယ်ကြပါနဲ့။

ဟု ၎င်းက ဆက်လက်ပြောသည်။

ရန်ကုန် ကြက်သားဈေးကွက်တွင် ဒေသကြက် အသားတစ်ပိဿာလျှင် (အမ)၇၀၀၀ ကျပ်၊ (အထီး)၆၅၀၀ ကျပ် ဝန်းကျင်ဖြင့် ကြက်သားများ ဖြန့်ဖြူးရောင်းချနေပြီး၊ စတင်မွေးမြူသည့်အရွယ် ကြက်ပေါက်စတစ်ကောင်လျှင် ၉၀၀ ကျပ်၊ ၂၁ ရက်သား ကြက်တစ်ကောင်လျှင် ၁၈၀၀ ကျပ်တို့ဖြင့် ဝယ်ယူမွေးမြူနိုင်ကြောင်း သိရသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ