ငါးသိန်းငါး အစပ်ချက်နည်း

ဆောင်းရာသီမှာသာရတဲ့ ငါးသိန်းငါးကို အကြွပ်ကြော်စား၊ အိုးကပ်ချက်စား၊ အချိုကြော်၊ အစပ်ချက်၊ ရခိုင်အစိမ်းသုပ်၊ မုန့်နှစ်ဖြင့် ကြော်စား၊ ပြုတ်ပြီး သုပ်စားကြပါသည်။ အရသာမှာ နူးညံ့ပီး အတော်လေးဆိမ့်သည့် ငါးတစ်မျိုး ဖြစ်ပါသည်။ ဟင်းချိုချက်ရာတွင်လည်း ရေနွေးပွက်တာနှင့် ငါးသိန်းငါးအနည်းငယ် ထည့်ချက်ပါက ဟင်းရည်အရသာ ထူးကဲစေပါသည်။ ပြည်ပနိုင်ငံတစ်ချို့တွင် ငါးသိန်းငါးကို ပါကင်လှလှလေးဖြင့် ထုပ်ပိုးပြီး noodle fish ဟူ၍ ရောင်းချကြကြောင်း ဖတ်မှတ်လေ့လာခဲ့ရဖူးပါသည်။ ငါးသိန်းငါး ဟင်းလျာများတွင်မှ ငါးသိန်းငါးအစပ်ချက်နည်းလေးကို ပြောပြပေးပါမယ်။

ငါးသိန်းငါး အစပ်ချက်နည်း

ပါဝင်ပစ္စည်းများမှာ-

ငါးသိန်းငါး၊ ကြက်သွန်ဖြူ/နီ၊ ဂျင်း၊ အစိမ်းမှုန့်၊ နနွင်း၊ ဆီ၊ ဆား၊ အရသာမှုန့်၊ ခရမ်းချဥ်သီး နှင့် ရှမ်းနံနံ တို့ လိုအပ်ပါသည်။

ချက်နည်းမှာ -

၁။ ငါးသိန်းငါးကို သေချာလေး ရေဆေးသန့်စင်ပြီး ဆား၊ နနွင်း၊ အရသာမှုန့် တို့ဖြင့် နယ်နှပ်ထားပါ။

၂။ မီးဖိုပေါ် ဒယ်အိုးတင်ပြီး ကြက်သွန်ဖြူ/နီ၊ ဂျင်း၊ အစိမ်းမှုန့်အရောထောင်းထားတာကို ဆီသတ်ပြီး ခရမ်းချဥ်သီး ထည့်ပါ။

၃။ ခရမ်းချဥ်သီးအနှစ် သေချာကြေပြီဆိုမှ နယ်နှပ်ထားသော ငါးလေးများကိုထည့်ကာ ရေအနည်းငယ်ထည့်ပြီး အိုးလှုပ်လှုပ်ပြီး ချက်ပေးပါ။ ငါးအသားမှာ နုသဖြင့် မွှေရင် ကြေကုန်မှာ စိုး၍ ဖြစ်သည်။

၄။ ခဏလေးနှင့် ကျက်တာမို့ အပေါ့အငန်မြည်းပြီးပါက ရှမ်းနံနံလေးအုပ်ကာ မီးဖိုပေါ်မှ ချပြီး သုံးဆောင်လို့ရပါပြီ။

အနံ့မွှေးမွှေးလေးနှင့် အသားနူးညံ့၍ အရသာဆိမ့်ဆိမ့်လေးရှိသော ငါးသိန်းငါးအစပ်ဟင်းမှာ ဆောင်းရာသီနှင့်အတော်လေး လိုက်ဖက်ညီလှတဲ့ ဟင်းတမည် ဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ