အလှကုန်ထုတ်လုပ်ငန်းအတွက်အသုံးဝင်တဲ့ ခရုအချွဲ

စိုက်ပျိုးရေးလုပ်ငန်းတွင် ဖျက်ပိုးအပြင် ခရုနှင့် ပက်ကျိများသည်လည်း တောင်သူများအား နှောင့်ယှက်သော အရာများဖြစ်ပါသည်။ မိုးရာသီတွင်အကျများကာ သီးနှံများကိုကိုက်ဖြတ်သော ခရုကြီးများကို အိမ်နီးချင်းနိုင်ငံများတွင် အလှကုန်အတွက်အသုံးချနေပြီဖြစ်ပါသည်။

Giant African Snail ဟုခေါ်သည့် ထိုခရုများမှရသော အချွဲများကို စနစ်တကျထုတ်ယူကာ ထိုအချွဲကို အဆင့်ဆင့်သန့်စင်ပြီး မျက်နှာလိမ်း Snail cream များ snail slime ပါသော serum များပြုလုပ်နိုင်ပါသည်။ ထိုခရုကြီးများကို စနစ်တကျမွေးမြူကာ ထိုခရုများအား pipette ဖြင့် ရေစက်လေးများ တစ်စက်ချင်းချကာ ထိုအရည်ကိုပြန်ခံထား၍ မနာကျင်စေဘဲ အချွဲထုတ်နိုင်ပါသည်။ အချွဲများများရရန် ခရုများအား သက်တောင့်သက်သာ အခြေအနေရအောင်ထားရပါမည်။ သို့မှသာ ခရုများမှ အချွဲများစွာထွက်နိုင်မည်ဖြစ်၍ happy snail ဟု တင်စားကြပါသည်။ မိမိတို့နိုင်ငံတွင် ခရုအချွဲကို ဝယ်ယူသည့် စျေးကွက်ရှိပါက သို့မဟုတ် cosmetic များကိုယ်တိုင်ထုတ်နိုင်ပါက တောင်သူများအနေဖြင့် မိမိတို့သီးနှံတွင်ကျသောခရုများကို အကောင်လိုက်ရောင်းနိုင်သကဲ့သို့ အချွဲထုတ်ယူ၍လည်း ရောင်းနိုင်ပါသည်။ မိမိတို့ လယ်ယာလုပ်ငန်းလုပ်ကိုင်ရာတွင် ခရုများကို ခရုမွေးအိမ်ဖြင့် သီးခြားခွဲမွေးကာ အရွက်ကြမ်းများခရုကျွေး၍ integrated farming စနစ်အသွင် ပြုလုပ်နိုင်ပါသည်။

ခရုမှရသော အချွဲသည် hyaluronic acid ပါသောကြောင့် အသားရည်ကို စိုပြည်စေပါသည်။ Vitamin A နှင့် E တို့သည် အသားရည်ကိုတင်းရင်းစေကာ အရေးကြောင်းများကို သက်သာစေပါသည်။ ဝက်ခြံများအထွက်များပါက ခရုအချွဲသည် ရောင်ရမ်းမှုသက်သာစေသော အရာများပါသောကြောင့် ဆရာဝန်ညွှန်ကြားပါက သုံးနိုင်ပါသည်။

ခရုအချွဲကို ချီလီနိုင်ငံမှ စတင်တွေ့ရှိခဲ့ပါသည်။ ထိုနိုင်ငံမှ လယ်သမားမိသားစုသည် 1980 အစောပိုင်းကာလတွင် ခရုကို စားသုံးမှုအတွက် ဥရောပသို့တင်ပို့ရာမှ ခရုအချွဲများသည် အလုပ်ကြမ်းလုပ်ကိုင်ရသော ၎င်းတို့လက်ကို ပိုးသားကဲ့သို့ ချောမွေ့စေသည်ကို သတိပြုမိရာမှ နောက်ပိုင်းတွင် ကမ္ဘာ့နိုင်ငံ ၄၅ ခုသို့ အလှကုန်အတွက် တင်ပို့ခဲ့ပါသည်။ အရှေ့တောင်အာရှတွင် ခရုအချွဲထုတ်လုပ်မှု၌ မလေးရှား၊ ထိုင်းနှင့် စင်ကာပူတို့ ထိပ်ဆုံးမှပါဝင်ပါသည်။ အာရှတွင်မူ ကိုးရီးယားနှင့် ဂျပန်သည် ခရုမှထုတ်သော အလှကုန်စျေးကွက်တွင် နာမည်ကြီးပါသည်။

နောင်တစ်ချိန်တွင် တောင်သူများတွင် ခရုအချွဲကို ပြည်တွင်းအတွက်ဖြစ်စေ ပြည်ပသို့ဖြစ်စေ တင်ပို့နိုင်မည့်အခွင့်အလမ်းရှိလာခဲ့လျှင် တောင်သူများအသုံးချတတ်စေရန်ရည်ရွယ်၍ ရေးသားလိုက်ရပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ