မြေကြီးထဲက အဟာရပါဝင်မှုကို တွက်ထုတ်ပေးမယ့် ACARE ရဲ့ စီမံကိန်းတစ်ခု

ရေဆင်းစိုက်ပျိုးရေးတက္ကသိုလ်မှာရှိတဲ့ ACARE ဌာနက အန္ဒိယနဲ့ပူးပေါင်းဖွင့်လှစ်ထားတဲ့ ဌာနတစ်ခုပါ။ ACARE ရဲ့ လုပ်ဆောင်ချက်တွေကတစ်ခုဖြစ်တဲ့ မြေကြီးထဲက အဟာရပါဝင်မှုကို စစ်ဆေးပေးနေပါတယ်။ 

မြန်မာနိုင်ငံမှာရှိတဲ့ စိုက်ပျိုးမြေတွေက မြေကြီးအကြောင်း၊ အဟာရပါဝင်မှုအကြောင်းကို သေချာလေ့လာပြီး စိုက်တဲ့ဦးရေနည်းပါတယ်။ မြေသြဇာတွေ ထည့်သွင်းတဲ့အခါမှာလည်း လိုအပ်ချက်ကို သေချာမသိဘဲ ဝယ်ယူအသုံးပြုနေတဲ့အတွက် ငွေကြေးကုန်ကျမှုနဲ့ ထိရောက်မှုက အံမဝင်ဘဲ ဖြစ်နေတတ်ပါတယ်။ 

ACARE ကနေ မြေကြီးထဲကနေ အဟာရဓာတ်တွေ စစ်ဆေးနည်းကို ကျောင်းသား/သူတွေကို သင်ကြားရင်း တောင်သူအတွက် လုပ်ဆောင်နေတဲ့ ဗီဒီယိုလေးကို မျှဝေပေးလိုက်ပါတယ်။ ဒီလုပ်ဆောင်ချက်ကနေ မြေကြီးရဲ့ ချဉ်ငန်ဓာတ် (pH)၊ EC၊ သြဂဲနစ်ကာဗွန်၊ နိုင်ထရိုဂျင်၊ ဖော့စဖောရပ်၊ ပိုတက်ဆီယမ်၊ ဆာလဖာ၊ ဇင့်၊ ဘိုရွင်၊ သံဓာတ်၊ မဂ္ဂနိနဲ့ ကောပါး စုစုပေါင်း (၁၂) မျိုးကို ဖော်ထုတ်ပေးမှာ ဖြစ်ပါတယ်။ စီမံကိန်းကို ရွာလေးရွာအတွက် စတင်လုပ်ဆောင်မှာဖြစ်ပြီး စမ်းသပ်ထားတဲ့ စိုက်ခင်းတွေအတွက် စိုက်ပျိုးမည့်သီးနှံအလိုက် ထည့်သွင်းဖို လိုအပ်တဲ့ မြေသြဇာတွေနဲ့ မြေကြီးကို ပြုပြင်ထိန်းသိမ်းနိုင်မယ့် နည်းလမ်းတွေပါ သိပ္ပံနည်းကျ အကြံပြုချက်တွေပါ ပေးအပ်သွားမှာ ဖြစ်ပါတယ်။