ဟင်းသီးဟင်းရွက်တွေကို အညစ်အကြေးနဲ့ ဓာတုဓာတ်ကြွင်းတွေ ဖယ်ရှားပေးမယ့် စပရေး (၂) မျိုး

ဟင်းသီးဟင်းရွက်နဲ့သစ်သီးဝလံတွေကို ရေနဲ့ပဲ ဆေးကြောလိုက်ရလို့ စိတ်ထဲမသန့်နေသူတွေရှိပါသလား..?

အခွံခွာပြီးစားပြန်ရင်လည်း တစ်ချို့သီးနှံတွေက အခွံတွေမှာပါ အာဟာရဓာတ်ပါဝင်နေတော့ နှမြောမိ ပြန်ကော။ စားမယ်ဆိုတော့လည်း ဓာတုဓာတ်ကြွင်းအန္တရာယ်အပြင် ဘက်တီးရီးယား အီကိုလိုင်စတဲ့ ရောဂါတွေကိုပါ ကြောက်နေရ။

သခွါး၊ဆလပ်ရွက်လိုမျိုး အစိမ်းစားသီးနှံတွေဆို ရေနဲ့ဆေးကြောရုံတင် ကျန်းမာရေးအတွက် မလုံလောက်လို့ အိမ်မှာဘဲ အလွယ်တကူရနိုင်တဲ့ ပစ္စည်းလေးတွေနဲ့လုပ်လို့ရမယ့် စပရေးအရည်လေးဖျန်းပြီး အပြင်ဘက်မျက်နှာပြင်မှာရှိတဲ့ အညစ်အကြေး၊ ဘက်တီးရီးယားတွေကို ဖယ်ရှားလိုက်ကြရအောင်။

(၁) မုန့်ဖုတ်ဆိုဒါ
ဟင်းသီးဟင်းရွက် သန့်ရှင်းရည် စပရေး ပြုလုပ်တော့မယ်ဆို မုန့်ဖုတ်ဆိုဒါကို အသုံးပြုနိုင်ပါတယ်။ မုန့်ဖုတ်ဆိုဒါ စားပွဲတင်ဇွန်း ၁ ဇွန်းကို ရေထဲမှာ ပျော်ဝင်စေပြီး ရလာတဲ့အရည်ကို ဟင်းသီးဟင်းရွက်နဲ့ သစ်သီးတွေ အစိမ်းလိုက်မစားခင်မှာဖျန်းနိုင်ပါတယ်။ ပြီးရင်တော့ ရေအေးနဲ့ပြန်ဆေးပြီး သဘာဝအတိုင်းအခြောက်ခံနိုင်သလို အဝတ်သန့်တစ်ခုနဲ့လည်း သုတ်လိုက်နိုင်ပါတယ်။

မုန့်ဖုတ်ဆိုဒါက ဘက်တီးရီးယားအပါအဝင် သီးနှံဖျက်ပိုးတွေကို ၉၆ ရာခိုင်နှုန်းခန့် ဖယ်ရှားပေးနိုင်တဲ့အစွမ်းသတ္တိရှိသူပါ။ မုန့်ဖုတ်ဆိုဒါကို ရေနဲ့ရောပြီး သန့်စင်ပေးတာက သီးနှံတွေပေါ် ကျန်ခဲ့တဲ့ ဓာတ်ကြွင်းတွေကို ၁၅ မိနစ်အတွင်းတောင်ဖယ်ရှားပေးနိုင်ပါတယ်လို့ ဆိုပါတယ်။

(၂) ရှာလကာရည်
ရှာလကာရည်တစ်ဆနဲ့ ရေသုံးဆကို ရောပြီး စပရေးဘူးထဲ ထည့်ဖျန်းပြီးတော့လည်း သီးနှံသန့်စင်ရည် အဖြစ်အသုံးပြုနိုင်ပါတယ်။

ရှာလကာရည်အနံ့က သီးနှံတွေကိုမစွဲစေတဲ့အတွက် စိတ်ပူစရာမရှိပါဘူး။ ပြီးတော့ ရှာလကာရည်ဟာ ဆိုရင် ဘက်တီးရီးယားတွေကို သေစေနိုင်ဖို့အတွက် အကောင်းဆုံးဖျော်ရည်လို့ပါ ပြောနိုင်ပါတယ်။

ဆလပ်ရွက်တွေ (သို့မဟုတ်) အခြားအရွက်တွေကို ဆေးချင်ရင်တော့ အရွက်တွေကို တစ်ရွက်စီခွာပြီး ဇလားထဲမှာ ရှာလကာရည် တစ်ခွက်နဲ့ ရေကိုထည့်ကာ စိမ်ထားပြီး ရေဖြင့် ပြန်ဆေးကြော စားသုံးနိုင်ပါတယ်။

ဆိုတော့ ဟင်းသီးဟင်းရွက်၊ အသီးအနှံတွေကို ရိုးရိုးရေနဲ့ပဲ ဆေးမယ့်အစား ဒီနည်းလေးတွေကို အသုံးပြုပြီး ဓာတုဓာတ်ကြွင်းနဲ့ ပိုးမွှားတွေရန်ကနေ ကာကွယ်ဖို့ အသုံးပြုသင့်ကြောင်း ရေးသားလိုက်ရပါတယ်။

ref:HouseHold Hints by Heather Rodino

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ