ဟင်းခတ်အမွှေးအကြိုင်ပင်များကို သိုလှောင်ခြင်း

ဟင်းခတ်အမွှေးအကြိုင်အခြောက်ကို သိုလှောင်မည်ဆိုပါက အရေးအကြီးဆုံးအရာမှာ လုံးဝခြောက်သွေ့နေရန်လိုအပ်သည်။ အစိုဓာတ်ရှိပါက ဘူးထဲတွင် မှိုတက်တတ်သည်။ ထိုအခါ စားသုံးရန်မသင့်တော့ချေ။ တစ်ပတ်ခန့်ကြာလျှင် ဘူးထဲတွင် ရေငွေ့ရှိမရှိကြည့်ရသည်။ ရေငွေ့တွေ့ရလျှင် ဘူးထဲမှပစ္စည်းအချို့ကိုထုတ်၍ ပြန်ပြီးခြောက်သွေ့အောင် လုပ်ရသည်။ ဟင်းခတ်အမွှေးအကြိုင်အခြောက်ကို သိုလှောင်ရန်အကောင်းဆုံးမှာ အရောင်ရင့် ဖန်ပုလင်းဖြစ်သည်။

နေရာကျဉ်းကျဉ်းတွင် များများစားစားသိုလှောင်နိုင်ရန် အမှုန့်ကြိတ်၍ သိုလှောင်ရသည်။ အမှုန့်ကြိတ်ခြင်းကြောင့် အနံ့အနည်းငယ် လျော့နည်းသွားမည်ဖြစ်သည်။ အကောင်းဆုံးမှာ အမွှေးအကြိုင်ကို မဖဲ့မရွဲ့ဘဲ တစ်ပင်လုံး၊ တစ်ပွင့်လုံးထားပြီး ပုလင်းတွင်လည်း သိပ်နှိပ်မထည့်ဘဲ လျော့ရဲရဲ ထည့်သင့်သည်။

ပုလင်းဘူးများကို လေလုံအောင်ပိတ်ရသည်။ ပုလင်းဘူးထဲတွင် လေမရှိရန် အရေးကြီးသည်။ ပုလင်းဘူးများကို အပင်နာမည်၊ ရက်စွဲတပ်ပြီး မှောင်သောနေရာတွင် ထားရသည်။ ဟင်းခတ်အမွှေးအကြိုင်အခြောက်သည် တစ်နှစ်ကြာလျှင် အနံ့အသက် သို့မဟုတ် အဓိကဓာတ်များများ လျော့နည်းပျောက်ဆုံးသည်။

ဒေါက်တာချစ်၏ စားဖို့ စိုက်စို့ ဈေးကွက်တိုးချဲ့ဗျို့ အတွဲ(၂) စာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ