ကောက်ရိုးမှို သမရိုးကျမြေပြင်စိုက်ပျိုးခြင်းနှင့် ဆောင်းရာသီပြဿနာ

၁။ နေ့ည အပူချိန်ကွာဟခြင်း။

၂။ စိုက်သက် ၅ ရက်အတွင်း မှိုဘောင်မျက်နှာပြင်တွင် မှိုမျှင်များ ထင်ရှားစွာ မမြင်တွေ့နိုင်ခြင်းကို စိုးရွံ့ကြခြင်း။

၃။ မှိုသန္ဓေများ ရိပုပ်ခြင်း။

၄။ မှိုဘောင်၏ အလျားလိုက် မျက်နှာပြင် ဘေးနှုတ်ခမ်းနေရာများတွင် မှိုနေရာယူဖြစ်တည်မှုနည်း၍ အလယ်အူကြောတွင် ဖြစ်ထွန်းမှုများခြင်း။

၅။ ကြီးထွားနှုန်း နှောင့်နှေးခြင်း။

အထက်ပါ ပြဿနာများကို ဖြေရှင်းဖို့ မိမိတို့အသုံးပြုသော ကုန်ကြမ်းများသည် မှိုဘောင်သက်တမ်းတလျှောက် ထိုက်သင့်သောအပူနှင့် အာဟာရရှိနိုင်ဖို့ ရွေးချယ်ရပါမည်။

အထူးသဖြင့် ယခု ဆောင်းရာသီတွင် ဗေဒါအသုံးပြုခြင်းထက် ကြက်ချေး၊ နွားချေးကို အဓိကထား အသုံးပြုပေးပါ။ ကြက်ချေး၊ နွားချေး အခက်အခဲရှိလျှင် စပါးခွံကို အီးအမ်ဖြန်း၍ အောက်ခံကြမ်းခင်းတွင် အသုံးပြုပေးပါ။

မှိုမျှင်ဆင်းအားကောင်းစေရန် မှိုမျိုးတွင် ဖြည့်စွက်စာ မဖြစ်မနေထပ်ပေါင်းပေးပါ။ စိုက်သက် ၅ ရက်အတွင်း လေ၊ နေ၊ အလင်းရောင် လုံခြုံမှုရှိအောင် ဖန်တီးပေးပါ။

စိုက်ဘောင်၏ ပတ်ဝန်းကျင်အခြေအနေကို စေ့ငုံသုံးသပ်၍ မှိုဘောင်ခေါင်၏ အမြင့်ကို ချိန်ဆပေးပါ။ အတတ်နိုင်ဆုံး နေပူကွင်းပြင်တွင် စိုက်ပျိုးပါ။ မှိုဘောင်အတွက် အသုံးပြုသော ဂျပ်စက္ကူကို ပုံမှန်ထက် ၂၀ ရာခိုင်နှုန်းတိုး၍ အသုံးပြုပြီး မှိုကျင်းမျက်နှာပြင်အပြည့် ဖြန့်ခင်းပါ။ ပုံမှန်လေသွင်း လေထုတ်ပြုလုပ်ခြင်းကို နံနက် ၁၀ နာရီနှင့် ညနေခင်း ၄ နာရီအတွင်း အများဆုံး (၂) ကြိမ် ၅ မိနစ်ခန့်သာ အချိန်ပေး၍ မမေ့မလျော့ လုံခြုံစွာ ပြန်အုပ်ပါ။

စိုက်ပျိုးသမျှ ဖြစ်ထွန်း၍ သင့်တင့်သောအကျိုးအမြတ် ရရှိကြပါစေ။

5.12.2017

Source - Aung Min (ကောက်ရိုးစိုက်ကြမလားမိတ်ဆွေ)

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ