ငါးတန်‌ဆေးထိုးသားဖောက်နည်းနှင့် ငါးသားပေါက်ပြုစုနည်း

ငါးတန်ငါးမျိုးသည်မဲခေါင်မြစ်၏မျိုးရင်းဖြစ်ပြီး ကန်တွင်းမွေးမြူရာ၌ မျိုးပွားခြင်းမရှိပါ။

- မျိုးပွားလိုပါက မျိုးငါးများကိုကန်အတွင်းပြုစုမွေးမြူပြီး မျိုးပွားရာသီ၌ ဆေးထိုး သားဖောက်နည်းဖြင့်ဖောက်ယူကာသားပေါက်များထုတ်လုပ်ရသည်။

- အသက်၂ နှစ်မှ ၃ နှစ်အတွင်း မျိုးပွားရန်အတွက် အရွယ်ရောက်ကြသည်။

- အထီးများက အမများထက်အရွယ်ရောက်စောသည်။ အနွေးပိုင်းဒေသ၌ အရွယ်ရောက်ပိုစောကြသည်။

ငါးတန်များကို တနှစ်အတွင်း အကြိမ်‌များစွာ ဖောက်ယူနိုင်သည်။

ဆေးထိုးသားဖောက်နည်း

- ဆေးထိုးသားဖောက်မျိုးပွားရန်အတွက် သင့်တော်သောမျိုးငါးမ၊ မျိုးငါးထီးများကို ပြုစုကန်မှရွေးချယ်ကြရသည်။

- ရေအပူချိန် 26°C မှ 31°C အတွင်း သား‌ဖောက်ရန် သင့်တော်ပါသည်။ မျိုးငါးမ၊ ငါးထီးများကိုချိန်တွယ်ပြီး သီးခြားခွဲခြား၍ ခြင်ထောင် (သို့မဟုတ်) ရေ ၂ ပေခန့်ရှိသော အုတ်ကန်ထဲတွင် ထားရှိရမည်။

- မျိုးငါးမများကို Ovaprim ဟော်မုန်းထိုးဆေးတစ်ကောင်လျှင် 0.4 ml / kg နှုန်းနှင့်အထီးများကိုမူ 0.2 mg / kg နှုန်းဖြင့် ထိုးပေးရသည်။

- ဆေးထိုးပြီး ၁ဝ နာရီခန့်အကြာတွင် ငါးမများကို ဥညှစ်ခြင်း(Stripping) ပြုလုပ်ရန်အဆင့်သင့်ဖြစ်ပြီဖြစ်၍ ငါးမများ၏ ဦးခေါင်းပိုင်းကို ရေစိုအဝတ်စဖြင့်ဖုံးအုပ်၍ ဥများကို ဇလုံများထဲသို့ ညှစ်ယူရသည်။

- ထို့နောက် ငါးထီးကိုလည်း ခေါင်းကို ရေစိုအဝတ်စဖြင့်ဖုံးအုပ်၍ မျိုးရည်ကို ညှစ်ယူကာ ဇလုံထဲရှိ ငါးဥများပေါ်သို့ကျစေပြီး ကြက်တောင်‌ဖြင့်ကောင်းစွာသမအောင်‌မွှေကာ ရောစပ်ပေးရပါမည်။။ ၁ မိနစ်၂ မိနစ်ခန့်မွှေပေးရပါမည်။

- ထို့နောက်ယင်းဥများပေါ်သို့ (ဆား + Carbamide ) ဖျော်ရည်ကို ဥများမြုပ်သည်ထိ လောင်းပေးမွှေထားပေးပြီး ယင်းဖျော်ရည်ဖြင့် ၂ ကြိမ်ခန့်ဆေးကြောပေးရပါမည်။

- ဆက်လက်၍ ဥများကို မကပ်‌စေရန်Tunnin ဆေးဖျော်ရည် (5gm /10 lit) ထဲသို့ လောင်းထည့်ပြီး ၅ စက္ကန့်ခန့်မွှေပေးပြီးနောက် ရေသန့်ဖြင့်ကောင်းမွန်စွာဆေးကြောပေးရမည်။ ထိုအခါဥများ၏ စေးကပ်မှုပျောက်သွားလိမ့်မည်။

- ထို့နောက်ဥဖောက်ရေလည်ကတော့များထဲသို့ ထည့်သွင်းဖောက်ယူနိုင်ပါသည်။ ဥဖောက်ရေလည်ကတော့ထဲ၌ ရေအပူချိန် 28°C မှ 31°C အတွင်း၂၄ နာရီမှ ၃၆ နာရီအကြာတွင်ဥမှငါးမှုန်များပေါက်လာမည်။

- ငါးမှုန်များမှာ ၂ ရက်အတွင်း ဥအစာအိတ်ကုန်ခမ်းသွားမည်ဖြစ်၍ အမြန်ဆုံးပြုစုရန်မြေသားကန်ထဲသို့ ထည့်သွင်းရမည်ဖြစ်သည်။

- ဥမှပေါက်ပြီး ၃၆ နာရီအတွင်း မြေသားကန်ထဲသို့ ထည့်ပေးရမည်ဖြစ်သည်။

- ငါးမှုန်ပြုစုကန်မြေကန်များအတွင်းသို့ အော်ဂဲနစ်မြေဩဇာများ ကြိုတင်ထည့်သွင်းပြီး သတ္တမျှော (Monia)များကို ပွားများလာအောင် ပြုလုပ်ပေးရမည်။ကန်ထဲသို့လွှတ်လိုက်သောငါးမှုန်များက ပထမဆုံး အစာအဖြစ်သတ္တမျှော(Moina) များကို စားသုံးကြမည် ဖြစ်သည်။

- (၁၀)ရက်ခန့်အကြာ၌ ငါးမှုန်စာအဖြစ် ငါးပေါင်းမှုန့် ၅၀%နှင့် ဖွဲနုကို ရောစပ်ကာ ၃၅% ပရိုတိန်းအစာအဖြစ် တစ်နေ့ ၂ ကြိမ်မှ ၃ ကြိမ်ခန့် ကျွေး‌ပေးရပါမည်။ ၁ လခန့်မြေသားကန်ထဲ၌ပြုစုပြီး‌နောက် ၁၄ လက်မအရွယ်သို့ ရောက်ရှိနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

East West Seed Myanmar ကြော်ငြာ

မျိုးစေ့မမှန် ပင် မသန် ဆိုတဲ့စကားနဲ့ အညီ စိုက်ပျိုးထုတ်လုပ်သူ ဦးကြီးတို့ အနေနဲ့ မဝယ်ခင် မစိုက်ခင် ဘာသီးနှံကို စိုက်မလဲ ဘယ်မျိုးကို ဝယ်မလဲဆိုတာက အဓိက စဥ်းစားရမယ့် အချက်ပါ...ရွေးချယ်မှု မှန်ကန်မှ အောင်မြင်ဖြစ်ထွန်းပြီး အရည်အသွေးမြင့်တဲ့ သီးနှံများ ရရှိမှာ ဖြစ်ပါတယ်...အပူပိုင်းဟင်းသီးဟင်းရွက် မျိုးစေ့ လောကမှာ ကမ္ဘာ့ အဆင့် (၁)အဖြစ် ရပ်တည်နေတဲ့ East-West Seed မြားနီမျိုးစေ့ကုမ္ပဏီကတော့ အရည်အသွေးအာမခံချက်အပြည့်ရှိတဲ့ ကုမ္ပဏီ တစ်ခုဖြစ်ပါတယ်...မစိုက်ခင် မဝယ်ခင် မျိုးရွေးချယ်မှု မှန်ကန်စိတ်ချရအောင် မြားနီမျိုးစေ့ မှ အရည်အသွေးမြင့် အောက်ပါမျိုးများနဲ့ မိတ်ဆက်ပေးလိုက်ပါတယ်ဗျာ